|
 |
 |
 |
|
رقم المشاركة : ( 1 )
23 - 05 - 2022, 08:52 AM
|
|||||||||||
|
|||||||||||
 شافوني ومسكوني وفي وسط الزحمه جرجروني.. حسيت بالخزي والعار كل حاجة في حياتي بتنهار.. كلهم دانوني وبنظرة قرف بصولي.. حسيت إنى حشرة.. حقهم مانا خاطية.. نظراتهم كانت بتموّت.. الأسهل يرجموني.. وجابوني لراجل قالوا عليه معلم.. وشه هادي ومختلف عنهم.. قالوله "مسكناها و هي بتزني و اللي زي دي موسى قال تموت .. نرجم دلوقتى؟؟ عايزين رأيك المظبوط؟!" بس يسوع رد عليهم في الأول بالسكوت.. و نزل على الرمل يكتب من غير ما يطلع صوت.. وقال جملة واحدة "لو حد منكم طاهر وما عنده أي خطية يرجمها حتى الموت" ورجع تاني يكتب على الرملة في سكوت.. وفي وسط خوفي و رعبي وفي وسط خزيي و ضعفي حصلت حاجة غريبة بالحق فاجأتني.. الناس إللى كانت ثايرة وبتشدني بقسوة فجأة كلهم مشيوا ولا حد قربلي.. وفضلت أنا و هو بس في المكان.. وبصلي بوشه الهادي وعينيه إللي مليتني أمان قالي "راحوا فين إللي عايزين يموتوكي؟" قولتله "مشيوا كلهم يا سيد!!" قالي "وأنا كمان مش مداينك.. روّحي بيتك وابدئي من جديد .. من غير خطية ليكي مستقبل مجيد." ومشيت من عنده وأنا طايرة.. وحاسه إني إنسانة. . إنى محترمة.. ده غفرلي كل الماضي واداني مستقبل جديد.💜🙌 
|
 |
|
| قد تكون مهتم بالمواضيع التالية ايضاً |
| الموضوع |
| مقابلة مغيرة مع الارملة وابنها |
| مقابله مغيرة مع الغلام |
| مقابله مغيرة مع التلاميذ |
| مقابله مغيرة مع زكا |
| مقابله مغيرة |
العرض العادي
