زوّادة اليوم:
عجايبك عابرة للقارّات و البلدان و الأديان و الطوائف...ما بِتميِّز حدا عا حدا، مِعيَارك هوّي المحبّة الصادقة و القلوب الطيبة... ساكن بالمحبسة وحدك و بنفس الوقت حاضر بكل بيت...حكيت كل واحد بِلِغتو و فهمت وَجَعو و مشاكلو و تشفَّعتلّو عند الرب! كل واحد بيعيّطلك شي: قد ما شفاعتك شفيت ناس سَمُّوك طبيب السما، اطفال بيعيطولك جدّو، كبار و زغار سمُّوك ختيار عنّايا... اختلفت التسميات و المضمون واحد! قدّيس نشر عطر بخّور القداسة بالعالم كلّو...يا مار شربل الليلة بعيدك منصلّيلك و منطلب منّك تضلّ سهران عا لبنان و تبقى السند لكل شخص التَجَأ إلك...ينعاد عا كل اللي حاملين اسم شربل و كل اللي هوّي شفيعن...الله معكن
21 - 07 - 2019, 05:50 AM
العرض الشجري