البقدونس و فوائده للبشرة
كلنا عارفين إن الخضروات و الفواكه مهمين جدا و لازم نزود من أكلنا للحاجات دي عشان صحتنا تبقى أحسن.
البقدونس من الحاجات اللي ليها فوائد كتير لبشرتك عمرك ما كنتي تتخيليها، و بما إن في ناس كتير بتفضل الماسكات الطبيعية و بتبقى برضه مش عايزة تدفع فلوس كتير فا البقدونس هيبقى حل لكام مشكلة من المشاكل اللي بتقابل البنات.
1- البقدونس لنضارة البشرة: اغلي ورق البقدونس مع كوباية مياه مع معلقتين من خل التفاح مع 4 نقط من زيت الشاي و قطرتين من عصير الليمون لمدة 10 دقايق و سيبيها تبرد و حطيها في التلاجة قبل أما تستخدميها على بشرتك.
2- البقدونس للهالات السوداء: افرمي أوراق البقدونس و زودي معلقة زيت زيتون و امزجيهم كويس و حطي الخليط حول العين لمدة 20 دقيقة و اشطفي عينك كويس و استعملي الخليط ده مرتين في الأسبوع.
3- البقدونس لتفتيح البشرة: افرمي ورق البقدونس مع شوية لبن رايب لغاية أما المزيج يبقى متماسك شوية و سيبيه على الوش لـ20 دقيقة و اغسلي وشك بعد كده كويس.
4- البقدونس للرؤوس السوداء: اضربي البقدونس في الخلاط و حطيه على أماكن الرؤوس السوداء و عرضي وشك لبخار المياه لمدة 5 دقايق و افركي الرؤوس السوداء من الوش و سيبيها شوية و اشطفي وشك بمياه فاترة.
16 - 03 - 2015, 06:07 PM
العرض المتطور