نفسي اشوف البابا واقوله ايه اللي خلاك
تجري تبيع العالم كله وتروح للي فداك؟
قدام صورته بفكر ما نمت ساعتها ثواني
ولقيت الصوره بتكبر والبابا قدامي
بوست ايدين البابا كيرلس وعملتله مطانيه
وقالي غمض عينك وانت هتشوف الابديه
شوفت هناك طريقين يا شمال يا يمين
واحد كان مليان ملايكه والتاني شياطين
خدني البابا ووداني لطريق اليمين
فرحت وزالت احزاني وشوفت القديسين
وطريق الشمال كان مليان اهوال
بكاء وصرير اسنان ونحيب وعذاب بلا احتمال
فجأه لقيت الصوره بتصغر وبفوق من احلامي
وقولت اكيد دي رساله وجايه من البابا علشاني
عمرنا مهما يطول راح ينتهي ويزول
يا قلبي قوام ارجع للفادي اوعي تكون مشغول
