١٠ قواعد في اختيار شريك الحياة

[walaa farouk]

١) حاول تركن العاطفة والمشاعر علي جنب وشغل عقلك اكتر ، العاطفة مهمة جدا وهي بنزين الحب لكن حاول تركنها وفكر كويس اوي بعقلك وبعد ما عقلك يديك الok شغل عاطفتك براحتك ، لان العاطفة ورطت اغلب اللي بنوا الارتباط علي اساسها .
٢) لو حسيت ان الدافع من الارتباط هو جوع للحب او هروب من واقع او سد فراغ معين أرجوك ابعد لانك بكدة بتزود الجوع وبتعمق الفراغ وبتبني علي أساس غلط .
٣) فيه قاعدة صعبة لازم تعرفها ان :
مشاعر الحب أقوي شئ في اي علاقة ، لكنها غير كافية لبناء ارتباط ناجح .
٤) في الاول ابعد عن اي اجواء رومانسية وماتخليهاش هي اللي تتحكم في اختيارك ، لان غالبا الاجواء دي هتاخدك وتشدك وفي الوقت ده عاطفتك هاتشتغل اكتر بكتير من عقلك .
٥) إتاكد ان الشخص اللي معاك هو support ليك وهايكون اضافة ليك وهيساعدك وهايعليك في مستويات حياتك الروحية والعملية ، لو مش هايكون دعم ليك يبقي ايه الفايدة من شوية الرومانسية وال love اللي هياخدوا وقتهم وينتهوا لان فكرة الsupport مش موجودة .
٦) يفضل قبل الارتباط تكون جاهز ماديا او علي الاقل قدرت تشوف ملامح حياتك هاتمشي ازاي ويكون عندك رؤية جيدة لحياتك والا لو ارتبطت قبل ما ده يحصل غالبا هاتتلغبط وتزداد حيرة .
٧) الشخص اللي هاترتبط بيه
لو مش هو الاختيار الصح هايكون عبء عليك وده مش عيب منه لكن انت اختيارك غلط مبني علي عاطفة فقط
اما الاختيار الصح هايسندك ويساعدك ويعليك وهاتكبر كل يوم معاه .
٨) مفيش شخص سئ وشخص حلو ، مفيش شخص احلي من شخص ، فيه شخص يناسبك ويناسب اتجاهاتك وميولك واسلوب حياتك وشخص لأ .
٩) لو قررت ماتكملش ماتعملش زي اللي بعد مايشرب ازازة الشويبس جولد يكسر الازازة ويهبدها في الارض سيبها تتعبي تاني وحد غيرك يشرب فيها ، يعني بلاش بعد ماشربت الحاجة الحلوة وخلصت ولقيت نفسك مش نافع تكمل تشرد الشخص التاني وتكسره كفاية جرح الفراق والاحساس بفشل التجربة مش هايبقي ده وانكم تكسروا بعض كمان وتكملوا حياتكم بجروح .
١٠) اهم نقطة واهم شئ هو مشيئة الله ، لو انت فارق معاك جدا الله في حيلتك وهو ابوك بجد فصدقني الارتباط هنا مش اختيار بشري بحت زي مابيقولوا لكن فيه تدخل الله ، ابوك السماوي هيساعدك في الاختيار لانه شايف بعينيه طويلة المدي وعارف ده هاينفعك ولا هايضرك بعدين .

[Mary Naeem]

ابوك السماوي هيساعدك في الاختيار لانه شايف بعينيه طويلة المدي وعارف ده هاينفعك ولا هايضرك بعدين .

صح يا قمر

ربنا يباركك حببتي

[walaa farouk]

ميرسى على مرورك الغالى