|
 |
 |
 |
|
رقم المشاركة : ( 1 )
12 - 09 - 2021, 05:57 PM
|
|||||||||||
|
|||||||||||
 النبي الشيخ من بيت إيل (1 مل 13) تعرفنا بالأمس على شخصية النبي المرسل إلى يربعام وايه كانت نهايته لكن السبب في نهايته كان نبي شيخ مقيم في بيت إيل لما عرف من أولاده اللي حصل من رجل الله مع يربعام وانه مشي من غير ما يقبل أي شيء من الملك وعرف من أولاده الطريق اللي مشي منها رجل الله وركب حماره ولقيه تحت البلوطة وكذب عليه وقال له ان في ملاك ظهر لي وقال لي خليه يبات عندك وياكل ويشرب وبذلك تسبب في ان النبي يكسر وصية الله تعالوا نتعرف أكتر على شخصية النبي الشيخ ونشوف هنتعلم ايه؟ 1- النبي الضعيف السؤال هنا لما هو موجود نبي في بيت إيل ليه ربنا لم يختاروا يكلم يربعام بدل ما يجي نبي من يهوذا؟ والإجابة واضحة إن النبي ضعيف روحيا والعالم جرفه 2- النبي والمظهر الكاذب لما سمع عن قوة النبي رجل الله أمام يربعام ورفضه انه ياكل او يشرب أي شيء من الملك كان لازم يعمل منظر قدام الناس انه الوحيد من كل مدن إسرائيل اللي هخلي رجل الله ياكل ويشرب عندي 3- النبي والتسبب في استمرار الشر بسبب ما عمله النبي الكاذب ومقتل النبي رجل الله بطريقة عجيبة يربعام وكل الشعب افتكروا ان البعل هو اللي انتقم من رجل الله علشان تنبأ بهدم مذابحه وازدادوا في الشر تعالوا نطبق اللي اتعملناه 1- في وقت ما تكون حار روحيا سجل كل لحظات مع ربنا اكتب الايات اللي لمست قلبك ، العظات اللي أثرت فيك ، الترنيمة اللي لمستك واحتفظ بكل ده لوقت ضعفك ولما تكون ضعيف استرجع ذكرياتك الروحية هتساعدك للرجوعك ارجع لمحبتك الأولى 2- لا تهتم بالمظهر الكاذب لأن المظاهر سرعان ما تنتهي وتذكر أن ما داخله فارغ دائما ما يكون صوته عالي لكن ما داخله مليان صوته بيكون هادي فاهتم بأن تعمل في صمت ولا تهتم بالمظاهر الخارجية الخداعة للنفس 3- اوزن تصرفاتك قبل كل عمل لأنك ممكن بعمل بسيط تتسبب في أذى غيرك مثل الطالب جافريلو برينسيب صاحب ال 19 عام اللي كان سبب في اشعال فتيل الحرب العالمية الأولى لما قتل الأرشيدوق فرانس فرديناند، وريث عرش الإمبراطورية النمساوية وقتله علشان يثبت لبلاده انه جندي وهو اساسا اترفض في الجيش صلوا من أجلي 
|
|
العرض الشجري