بالراحة على نفسنا شوية

[Rena Jesus]

- واحد فتح شغله الخاص، بقى شايف كل الناس بائسين.
- واحد حوّش وسافر، من ساعتها بقى شايف كل اللي مبيسافروش ناس كئيبة.
- واحد ربنا كرمه ووفقه يبطل تدخين، بقى شايف كل اللي بيدخنوا عبيد للسجاير.
- واحد اتعلم لغة تانية وتالتة، بقى شايف كل اللى مش عارف لغه ناس جهلة فشلة.
- واحد بنى نفسه بنفسه، بقى شايف كل اللي أبوه ساعده في بداية حياته فرفور.
- واحد سافر يتعلم، بقى شايف كل اللي مسافروش يتعلموا أكيد حمير مبيفهموش.
- واحدة عرفت تعمل دايت وتخس، بقيت شايفة كل التانيين معندهمش عزيمة.
- واحد بيعمل عمل تنموي، بقى شايف كل الناس سلبيين مبيعملوش حاجة مفيدة.
- واحد اخترع حاجة ولاّ عمل إنجاز مادي، بقى شايف كل الناس كلامنجية بس.
- واحد عمل مكان تعليمي، بقى شايف كل اللي مبينشروش علومهم بخلاء أنانيين.
- واحد قال كلمة حق، بقى شايف كل الساكتين عبيد للحاكم وأكل العيش.
-------------------------------------
يا ريت يا خوانا بالراحة على نفسنا شوية،
ومش كل واحد أخد خطوة في مجال يحتقر باقي الناس البؤساء اللي مخدوش خطوته،
أولا لإنهم يمكن يكونوا بياخدوا خطوات فعلا من غير ما يتكلموا،
وثانيا علشان كل حاجة من دول محض كرم من ربنا سببلنا أسبابه ولو شاء لأعطاه لغيرنا؛
فبالراحة على نفسنا كدة ونستهدى بالله الله يهدينا.

[Mary Naeem]

ربنا يبارك حياتك

[Rena Jesus]

ميرسى لمرورك الغالى