|
 |
 |
 |
|
رقم المشاركة : ( 1 )
31 - 05 - 2012, 10:10 AM
|
|||||||||||
|
|||||||||||
|
عايز الناس تقلدك ؟ فكرت قبل كدا تكون قائد ؟ أبداً .. في الكلية ركزت في الدراسة، صحبتي، الكنيسة، الألعاب الرياضية والأماكن اللي بحبها ودا في وسط الحاجات التافهة العادية. تعرف إنك قائد... أيوة انت قائد... بس ازاي؟؟؟؟؟ هل الناس مش بتقلدك في الحاجات اللي بتعملها حتى لو حاجة واحدة بس؟؟؟؟ أكيد دا بيحصل. طب تعرف إن الناس مش بتعرف تتحرك من غير قائد... حتى لو مش راضيين عنه. طب تعرف يعني أيه قائد؟؟ الكلمة دي جاية من القيادة وفي القاموس معناها (وضع أو منصب) (قدرة أو امكانية على القيادة والإرشاد والتوجيه). من سنين قليلة لقيت مقولة بتقول : (كونك قائد فإنك تشبه المرأة عندما تذهب لمكان، فإنها لا تحتاج أن تخبر الموجودين بأنها مرأة). يعني مش مهم كل مكان تكون فيه تقول أنا قائد .... أنا قائد... أنا قائد عشان الناس تعرفك. مش لازم تتكلم إنت مين أو بتعمل أيه لكن اتكلم عن وضعك وقدراتك. أيه الحاجة اللي بتعمل القائد؟؟ تعالوا نبدأ بالشخصية : لو حياتك الشحصية مش بتعرف تاخد فيها قرارات حاسمة ولو لنفسك يبقى مفيش خبرة تساعدك عشان تقود بسهولة.... هتبذل مجهود عشان تقود وصح أصل لو القائد مش عارف يقود نفسه هيقود التانيين ازاااااااي. القائد لازم يكون عنده قلب الخادم : في قصة بتقول مارك راح مع جون يحضروا في الكنيسة الكبيرة اللي بيحضر فيها جون بانتظام فمارك طلب من جون إنه يعرف الناس والقسيس قد أيه هوا عنده اسلوب رائع في الكلام وقيادة الحوار رد جون وقال إنت لازم تكون أحسن متطوع موجود يعني ترتب الكراسي، تنظف المكان وتعمل كل حاجة مطلوبة.... عمل مارك كدا ومع الوقت الناس كلها لاحظت الموهبة اللي عند مارك وشهدت بيها من غير ما يقول هو عنها ودا طبعاً لما بقى عنده قلب الخادم اللي عايز يخدم مش عايز يظهر...... في فرق كبير، ودلوقتي مارك بيدرس في كلية اللاهوت وهوا اللقسيس بتاع الكنيسة الجاي. يا ترى عندك قلب الخادم ولا انت عايز الاسم والشهرة وانك تتكرم من الناس وخلاص. القائد لازم يكون عنده استعداد إنه يتعلم من الناس ويحسن من نفسه لأن أي إنسان مهما كان واووووو أكيد مش عارف كل حاجة أو اتعلم آخر حاجة وعشان كدا لازم نبذل مجهود ونتعب عشان نحسن من نفسنا. هل بندور على القيادة عشان فرصة اتدرب فيها على حاجة ولا تسلية ولا عشان الناس قالت إنها مهمة...... ولا عشان تكون فرصة نتعلم فيها من بعض ونكبر مواهبنا. لازم تقضي كل حياتك بتتعلم... أنا لقيت نفسي بقرا كتب كتبها أباء كهنة، فنانين، محاسبين، خبرا في العلوم.... في كل حاجة حتى في التصال مع الناس وأكتر من كدا. الكلام دا محصلش غير لما أخدت قرار بجد إني اتعلم. التعليم مش بيوقف على الكتب بس، الناس حاجة من أعظم المصادر اللي بنتعلم منها.. أكبر تحدي إنك تقلل من اللي وصلتله وتروح للناس تسألهم يضيفوا ليك لأن تأثير اللي بيساعدونا بيكون كبير أوي وبيستثمروا في حياتنا. آخر حاجة هيا الضعف......... أيوه الضعف؟؟؟؟؟؟؟ بس ازاي الضعف يخليني قائد؟ كل قائد ناجح لازم يعترف بالضعف ويطلب إنه يحسن الضعف دا أو يعرف ازاي يجذب الناس حواليه بالضعف دا!!!!! يبقى إنت قائد سواء رضيت أو لأ وعشان تبقى قائد ناجح وهي دي الشطارة لازم تكون بتتبع قائد ناجح أوي وطبعاً أعظم قائد اللي متكررش ومش هيتكرر هو يسوع المسيح... حاول تتعلم منه. 
|
|
| قد تكون مهتم بالمواضيع التالية ايضاً |
| الموضوع |
| فالناس سوف تقلدك في ذلك |
| بقلدك |
| لو عايز تتكلم مع الناس |
| عايز تسيب قلوب الناس |
| عايز تخنق الناس |
العرض الشجري