|
 |
 |
 |
|
رقم المشاركة : ( 1 )
02 - 12 - 2015, 03:11 PM
|
|||||||||||
|
|||||||||||
|
بالصور.. أطرف طلبات النساء في شهور «الوحم»  تُطلق النساء على الشهور الأولى من الحمل "شهور الوحم"، وتعني أن المرأة تتمنى أن تأكل شيئا ما، والذي يجب أن يحضره لها الزوج مهما بلغت غرابته أو غلا ثمنه أو ندر وجوده، وذلك لاعتقادهن أنهن إن لم يأكلن ما تمنين سيظهر على شكل علامة على جسد المولود، وهو الأمر غير المضمون، فربما شوه شكله أو جسده. روت النساء أغرب ما طلبنه في شهور الوحم، عبر إحدى صفحات موقع التواصل الاجتماعي "فيس بوك". بسكويت شمعدان قالت مايا: "أنا اتوحمت على بسكويت شمعدان الساعة 3 الصبح، وصحيت جوزي من النوم ونزل لف البلد كلها على محل فاتح وجاب بسكويت وشيبسي وشيكولاته وقرص محشية، فقلت له أنا عايزة بسكوت بس جبت كل دا ليه، قال لي يمكن يروح الحضانة الصبح سبوني أنام بقى". عنب ومانجة وجوافة وأضافت أم يوسف: "أنا مخلتشي حاجة في نفسي الصراحة، حسيت إنه مكانشي وحم كان بعيد عنك طفاسة، اتوحمت على عنب وعلى مانجا والجوافة والأناناس من الآخر اتوحمت على الفكهاني كله، وفي الآخر ابني طلع في رجله أناناساية، وابني التاني طلع في دراعه فراولاية". ريحة العجل وقال آدم: "واحد سعودي بيقول لي مراتي اتوحمت على ريحة العجل بتاع السيارة بتاع التفحيط، قام خدها في مكان واسع وفضل يفحط بالسيارة وهي تشم، لحد ما الشرطة جت خدته ويحلف مراته بتتوحم ماحدش صدقه". وأضافت إيمي: "أنا قبل ما أعرف إني حامل كنت زعلانة من جوزي جامد، وقفلت على نفسي الأوضة وهو بيصالحني وأنا مش راضية أصالحه وعمالة أعيط جامد، قالي طيب قولي اعملك إيه فجأة لقيتني بقول له عايزة آكل بطيخ، وطلعت إني بتوحم بجد". "طين" الثوم وتذكر إيهاب: "أنا أختي لما كانت حامل كانت بتتوحم على حاجة غريبة أه والله، كانت عاوزة تاكل طين الثوم، والأصعب بقى في الموضوع ده أن ماما حكمت عليا إني أنزل أجيبلها، طب ياماما أجيبه منين ده تقولي اتصرف، نزلت روحت عند الراجل بتاع الخضار وفضلت أمسك كل واحدة ثوم وأشيل منها الطين بتاعها الراجل قال لي بتعمل إيه قولتله هشترى منك الطين الراجل افتكرني تقريبا اتجننت أو مجنون وطلع يجري ورايا بالعصايا، بس الحمد لله جبتهولها وكلته وشرفت دانا بالجبنة المتبلة". أكل الصابونة وقالت البراء: "أنا اتوحمت على أكل صابونة". أشم حشيش وأضافت ريهام: "أنا عديت كل ده واتوحمت على حشيش، ومعرفش ريحته أساسا بس كنت هموت واشمه".          
|
|
العرض الشجري