|
 |
 |
 |
|
رقم المشاركة : ( 1 )
18 - 01 - 2019, 01:50 PM
|
|||||||||
|
|||||||||
|
أبونا عبد المسيح النقلوني ( الأنبا بولا) منقول القصة دي حصلت معايا بس أنا مش عارف لو هي معجزة ياريت أسمع رأيكو: ++++++++++++++++++++++++++++++++++++++++++++ يوم 4/9/2009 توفي والدي و بعد الدفنة روحت بيتي نمت تاني يوم صحيت الفجر و كنت متضايق قمت قعدت علي النت و أنا بدور في المنتديات لقيت فيديو لظهر أبونا عبد المسيح النقلوني (الأنبا بولا) يوم نياحته فوق قلاية و هو لابس أبيض.بصراحة الفيديو كان من بعيد و مش واضح ، و لأني أنسان شكاك فكرت أنه ممكن يكون مش هو القديس و أنه ممكن يكون أي حد لابس أبيض طلع فوق علشان يعرف يتفرج علي الجنازة. المهم نفس اليوم بعد ما النهار طلع نزلت روحت لبيت والدي علشان أخد العزاء و قبل ما أطلع العمارة وقفت لحظة تحت العمارة كنت بتكلم مع جوز أختي في حاجة ، حاجة شدت نظري للأرض تحت رجلي، حاجة زي ما تكون ورقة نتيجة بيضاء عليها صلبان ( افتكرتها زي بتاعة تقويم المحبة و حد راميها في الشارع) وطيت أخدتها من الأرض ، لقيتها مش ورق طلعت كرتون ( مقوي) بأقلبها لقيت صورة ملونة جميلة لأبونا عبد المسيح النقلوني ( الأنبا بولا) و هو رافع الصليب ( شكله زي ما كان واقف في الفيديو من بعيد) لأني أول مرة كنت أشوف صورته الحقيقية و مكتوب تحت الصورة أسم القديس. و الناحية البيضاء اللي كنت فاكرها و هي علي الأرض شبه ورقة النتيجة طلعت معلومات عن القديس : تاريخ رسامته ، نياحته ، تاريخ القسيسية .... الخ. أيه اللي جاب الصورة في الشارع و رماها و للعلم هي سليمة تماما وليس بها خدش مع أنها كنت علي الأرض ، أنا حطيتها في محفظتي بركة، يا تري دي ممكن تكون صدفة ولا معجزة صدقوني أنا مش عارف ، لأني أنسان خاطيء جدا فهل ممكن تكون فعلا دي معجزة حصلت معايا؟؟؟!! أرجو انكو تردوا عليا و قولولي رأيكو . 
|
|
العرض الشجري