|
 |
 |
 |
|
|
|
رقم المشاركة : ( 1 )
24 - 07 - 2019, 09:46 PM
|
|||||||||||
|
|||||||||||
 موضوع رجعى من الدرجة الأولى . بس للأسف حقيقى بنسبة كبيرة .. بصراحة انا ضد كل علوم المشورة .وأساليب التربية الحديثة .. لأن باختصار .. ايه الاضافة الفظيعة اللى حصلت للأجيال الجديدة .. وايه التطور اللى حصل فى العلاقات الزوجية .. نتيجة علم المشورة .. أجدادنا زمان كانوا جهلة ..جدتى سواء ام ابويا او أم امى .. وجدّى سواء ابو ابويا او ابو امى ..كل اللى اعرفه عنهم .. اهتمامهم بتربية امى وابويا .. لاكان عندهم فيسبوك ولا كانوا مشتركين فى صفحة ربى ابنك .. بس كانوا بيراعوا ربنا فى ولادهم ..لكن المهزلة اللى حاصلة دلوقتى .. انحدار بكل ما تحمله الكلمة من معنى .. كل واحد بقى همه انه يلاقى مقولة تسند موقفه .. فتلاقى اغلب الستات اللى عندهم مشاكل .. مشتركين فى صفحات زى ..يوميات زوجة مفروسة .. جوزك على ما تربيه ..خدى حقك بالعافية حتى لو هتجيبى له الكافية ..وكتير من الرجالة بيفرق معاه قوى .. اى بوست منشور من صفحة زى ..يوميات زوج مطحون .. انا متأكد ان من الاسباب الرئيسة .. ورا ارتفاع معدل الطلاق .. والانفصال .. ارتفاع معدل المتابعين للصفحات دى .. والأفظع بقى .. أقوال الكتّاب اللى عندهم نسب متابعة .. واللى بيكتب رأيه كأنه لسة مستلمه على جبل الشريعة .. تلاقى اللى جوزها بيمارس حقه وحق اللى جنبه .. نفسها كل الستات يبقوا زيها .. فتبدأ تعظم دور الراجل .. وضل راجل ولا ضل حيطة .. و تلاقى اللى مراته واخدة نصيبها وحتة زيادة .. نفسه كل الرجالة يبقوا زيه .. فيبدأ يعظم دور المرأة .. بشكل مطلق .. ويزيد الصراع بقى .. ونتفرج ع المعارضة من اصحاب الاراء الوسطية .. وخش بقى ع التقيلة .. مين فيهم يقنع الولاد عشان يبقوا فى صفه .. وتتحول المهزلة الزوجية .. لمسخرة عائلية .. طب والحل؟ تعالوا بقى نعمل صفحة تالتة ونسميها .. "يوميات ولاد المطحون والمفروسة" ونتابعها كلنا .. اصل مع احترامى لعلم المشورة .. وكتّاب علم النفس .. والباحثين فى نفسيات الرجال المقهورين .. والباحثات فى بواطن الستات المعذبين .. الجواز مش بس راجل وست .. الجواز عيلة مبنية على الاتفاق اللى بينهم .. والاتفاق عمره ما هييجى .. لو كل واحد بيدور على نفسه .. الاتفاق اساسه ان يبقى فيه نقطة اتفاق .. مش كل العلم نور .. ساعات الجهل بيبقى نور .. لما تكون جاهل بمعلومة ممكن تضللك .. او معلومة مش مؤكدة .. م الاخر كدة .. مهما كنتوا انتو الاتنين مختلفين .. تربية ولادكم .. هى الحاجة اللى مايختلفش عليها اتنين .. اتفقوا على تربيتهم .. اتفقوا انكم تنسوا طلباتكو عشانهم .. اتفقوا انكم تحَلّوا عيشتهم .. اتفقوا انكم تصونوا مشاعرهم .. اتفقوا انكم تجبروا بخاطرهم .. اتفقوا انكم ترفعوهم قدام صحابهم .. اتفقوا انكم تطمنوهم على مستقبلهم .. اتفقوا انكم تحفظوا لهم كرامتهم .. اتفقوا انكم تتسابقوا مين فيكو يفرحهم .. اتفقوا انكم تنسوا وجعكم وتطيبوا وجعهم .. لو اتفقتوا بينكم وبين بعض .. ان ولادكم محور حياتكم .. الخلافات اللى بينكم هتدوب .. وهتفرحوا لما تلاقوهم شبهكم .. 
|
|
25 - 07 - 2019, 10:43 AM
|
رقم المشاركة : ( 2 ) | ||||
|
† Admin Woman †
|
رد: ولاد المفروسة والمطحون
لو اتفقتوا بينكم وبين بعض ..
ان ولادكم محور حياتكم .. الخلافات اللى بينكم هتدوب .. وهتفرحوا لما تلاقوهم شبهكم .. مشاركة جميلة جدا ربنا يبارك حياتك |
||||
|
|
|
26 - 07 - 2019, 12:18 AM
|
رقم المشاركة : ( 3 ) | ||||
|
..::| الإدارة العامة |::..
|
رد: ولاد المفروسة والمطحون
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| القلوب المفروشة بالصدق |
| الله يسكن في القلوب المفروشة بالصدق |
| عدد الشقق المفروشة في خدمة الإرهابيين |
| الداخلية تطارد الإرهابيين فى الشقق المفروشة |
| «الزنزانة المفروشة» آخر صيحات الحبس الاحتياطي |
العرض المتطور