الله مش مسئول عن ادمانك لكن مسئول عن مساعدتك

[walaa farouk]

انت المسئول!
الإدمان بيبتدي بحاجة بسيطة مجرد شهوة أو فضول،
والمشكلة اننا بنقول لنفسنا المبررات،
وبنقول ما الحاجات هي اللي جت قدامي
ربنا لو بيحبني وعايزني أبطل تتشال من قدامي،
إرادتي ضعيفه الحل عنده،
الكتاب المقدس بيقول
13. لاَ يَقُلْ أَحَدٌ إِذَا جُرِّبَ: «إِنِّي أُجَرَّبُ مِنْ قِبَلِ اللهِ»،
لأَنَّ اللهَ غَيْرُ مُجَرَّبٍ بِالشُّرُورِ، وَهُوَ لاَ يُجَرِّبُ أَحَدًا.
14. وَلكِنَّ كُلَّ وَاحِدٍ يُجَرَّبُ إِذَا انْجَذَبَ وَانْخَدَعَ مِنْ شَهْوَتِهِ.
(يع١: ١٣، ١٤)
مش الله اللي بيجربك ومش الله المسئول
انت اللي شهواتك بتوصلك لده وبتسيب نفسك لشهوة
وشوف بقى تكملة الآيات بتقول ايه اللي بيحصل
بعد ما تسيب نفسك للشهوة
"ثُمَّ الشَّهْوَةُ إِذَا حَبِلَتْ تَلِدُ خَطِيَّةً،
وَالْخَطِيَّةُ إِذَا كَمَلَتْ تُنْتِجُ مَوْتًا" (يع١: ١٥)
الموضوع بيبدأ صغير شهوة وتسيب نفسك تبقى خطية
بعدها موت ودائرة تدخل فيها تموتك،
اكسر الدائرة دي متستناش لما توصل للموت
الله يسندك ويقويك بس خد انت خطوة وارفض من البداية.