قلب داود قلب حساس

[walaa farouk]

قلب داود ضربه على قطعه طرف جبة شاول
( صموئيل 24 )

صدقونى كل ما تعدى عليا الايه دى بحس بخزى جوايا وبتوجعنى اوى ،

بل تدينى كمان . يعنى ايه داود يقطع حته قماشه من طرف جبه شاول ويعتبر ده عدوه العاوز يقتله واحنا كام مره نعمل خطيه فى اخواتنا وممكن نأذيهم ونقتل انسانيتهم ونهتك مشاعرهم وممكن نضيع اكل عيشهم، مش ملابسهم بس وقلبنا ولا بيحس ولا بنشعر اننا حتى غلطنا فى حق الناس

. ده اللسان اوقات بيبقى اصعب من السكين اللى بتقطع فى نفسيه الناس ونبقي مستمتعين بشطاره لسانا عليهم .
الناس الحساسه ضد الخطيه دى الناس اللى قلبها بيوجعها وبيضربها لو عملت اقل حاجه لان قلبهم مليان خير مش شر، مليان حب مش كراهيه ، مليان تسامح مش حقد
القلب ده علشان ساكن فيه ربنا فربنا ميقبلش اى حاجه غريبه تعكر جمال قلبه
وربنا قال عن قلب داود. وجدت داود بن يسى رجلا حسب قلبي(أع 13: 22) .
يابخت قلبك بيك يا داود كان مؤشر لخلاص نفسك وابديتك
ربنا يدينا قلوب زى قلبك علشان تحس باللى بتعمله وقلوبنا تضربنا لما نغلط علشان نفوق لخلاصنا وابديتنا .
ويابخت القلب اللى بيضرب صاحبه لما يغلط ويوبخه .