تلقائيات مشوهة

[walaa farouk]

ارفضى كل "تلقائية"معيوبه مشوهه
ارفضى كل "تلقائيه" بتجرح ومبررها انه على طبيعتها.
ارفضى كل تلقائيه..غشيمه قليله حيله متغلفه فى توب اسمه" البساطه"
ارفضى كل "تلقائية" عاجزه..مستنيانكى تلمى وراها متذوقه بشياكه فى بوكس هدايا اسمه "اتكال وتسليم "
كل سرقه لراحتك ونضجك وسلامك تحت مسمى التلقائيه ارفضى
.. اقفى فى مواجهه التعالب الصغيره اللى بتدخل حياتك بتوب البساطه المنهكه والتلقائيه المستنفزه...
فكره ان لصوص حياتنا بيكون شكلهم مرعب واسلحتهم مخيفه
فكره ساذجه متلونه
بنعومه وبراءه مزيفه بيقدروا يسربوا ويزحفوا جوانا وجوه حياتنا
اتعهدى لنفسك انك هتقبلى التلقائيه لكن
التلقائيه المعدله المحسوبه ومرسوم حدودها
التلقائيه اللى شفافيه كلامها متفترضش معنيين
التلقائيه اللى تقدرى تدخليها وتخرجى منها وانتى مش مسلوبه او مستنزفه. او مستخدمه
التلقائيه اللى تحمى كيانك من كل اقتحام ودخول من غير استئذان
التلقائيه اللى قادرة تطلق طفلك الداخلى وتصون كرامه عقلك.. وتحفظ نفسك وقلبك
تلقائيه مستذنبكيش وقت رفضك ..وتحترمك وقت اختيارك ان تستنى
بين كل صور وعلاقات بتقول وبتدعى التلقائيه
روح للتميز... نطلب
روح المعرفه لنفوسناورفض سلبها نطلب
روح الثبات وصون حدود قلوبنا ..نطلب
روح الافراز والغربله لعلاقات امنه تثمر فى نفوسنا . من الله نطلب