|
 |
 |
 |
|
رقم المشاركة : ( 1 )
04 - 07 - 2017, 07:09 PM
|
|||||||||||
|
|||||||||||
 للاسف الكلام ده واقع وحقيقة احنا عايشينها ومحدش حاسس بينا !! اسمحولي اقولكو ان جيلنا مش جيل امهات متدلعة وهقولكوا وجهة نظري .. -الام مطلوب منها تكون قدوة في مجتمع فقد معني القدوة .. الام بتعلم مباديء مبتأكلش عيش في ظل مجتمعنا ده فابتبقي في صراع دائم بين اربي ولادي ازاي وايه الصح وايه الغلط ودي اكتر حاجة ممكن توتر انسان .. - مشكلتنا متحلتش لما بقي في غسالة فول اتوماتيك ولا مكنسة ولا مايكرويف!! المسئوليات دلوقتي اكبر بكتير .. الام بتذاكر للولاد و زمان كان الاعتماد علي المدرسة وبس والكل كان عنده ذمة وضمير ... الام غالبا بتودي التمارين اللي في اخر الدنيا علي امل انها تضمن بيئة افضل و نمو صحي لاولادها وسط كمية المبيدات والمسرطنات اللي حوالينا .. الام بتشتغل مش عشان تفنفن !! لا عشان لازم وعشان تساعد ان البيت يفضل مفتوح و يمشي!! وكل ده بياخد من صحتها وعمرها!! - الام بقت مضغوطة من اول ما تصحي لحد ما تنام .. حتي لو خارجين في مول بنبقي متوترين وقلقانين وخايفين لحد ما نروح !! - زمان كان في الطبقة المتوسطة عادي يبقي في واحدة واتنين يساعدوا الست في البيت وغالبا كانوا بيساعدوها وهي ربة منزل كمان ..ومحدش كان بيقولها انتي متدلعة ولا اي حاجة من اللي بنسمعه دلوقتي ! - زمان الاب كان بيرجع من وظيفته العصر .. يلبس بچامته ويشارك مراته و بيته في كل حاجة .. من مذاكرة و اهتمام بتقاصيل الولاد.. مكانش فيه اب قاعد علي موبايله ٢٤ ساعه ومفصول عن عيلته... دلوقتي الابهات مسحولة في الشغل و ممكن بعد ما يخلص يطلع شغل تاني وطبعا ربنا يكون في عونهم بس ده زوّد اعباء الست كزوجة وام... - سقف التطلعات زمان كان محدود للكل..دلوقتي بقي بيقطم الوسط و محتاج الام وشغلها عشان نقدر نعيش زي الباقيين !! - الست لما بتشتغل في اي شغلانه بتعمل نفس اللي الراجل بيعمله وغالبا بيتطلب منها اكتر فا ضغط الشغل عليها بيبقي لا يطاق بجانب انها في عز شغلها بتفكر هتجيب الولاد ازاي وهياكلوا ايه و هتذاكرلهم امتي وهتلحق تنيمهم عشان تطبخ لبكرة امتي.. - زمان الكل كان بصحته.. دلوقتي اعلي نسبة اصابات بالكانسر بسبب الارف اللي حوالينا من كل حته!! حتي الفاكهة والخضار محقون !! مش ذنبنا كل ده ولا ذنبنا تقارنونا بجيل زمان !! - زمان الكل كان متربي نفس التربية.. مكانش حد بيخاف ولاده يختلطوا بولاد حد .. دلوقتي كل ام عينها في وسط راسها لان الاطفال مبقتش اطفال والكلام الخارج بقي عادي وسب الدين بقي روشنة !!! والعادي ان الشباب تجرب حشيش والخام هو اللي مبيعملش كده !! - زمان كان في راحة بال ومساواة..التعب النفسي والاكتئاب اللي بقي بييجي لكل الشباب و احنا لسه في اول حياتنا مش جاي من فراغ !! جاي من ضغوطات وتراكمات وسهر وقلق ومجهود بدني فوق احتمالنا... - الام مطلوب منها تركز في كل حاجة اتقالت فوق ومتنساش تهتم بنفسها وتاخد بالها من صحتها وتدلع نفسها مع ان مفيش وقت تشرب فيه مج نسكافية سخن ولا انها تروح الكوافير زي ستات زمان وتقعد تشرب القهوة مع جارتها في البيت اللي قصادها وقت العصاري ولا تروح العزبة اللي الستات كانت بتروحها زمان .. - زمان مكانش فيه ضغط المدارس ولا ضغط اختيار الصحاب و لا ارتفاع الاسعار ولا التفكير في هنحوش كام عشان نأمنلهم مستقبلهم زي دلوقتي !! دلوقتي الشباب اللي اهله مش بيساعده طافح الدم عشان يتجوز بأقل التكاليف ومش عارف!!! كل ما اعرض حاجة عن تعب الامهات الاقي ناس كل تفكيرها اننا متدلعين عشان مبنغسلش كوافيل وبنلبس بامبرز " و اصلا تكلفة البامبرز لوحدها دلوقتي عايزالها مرتب مخصوص " او شايفينا متدلعين عشان مبنعزقش الارض في الغيط ! مع ان كل عصر و له أذانه و لو فكرتوا في الضغوط اللي بنعيشها في زمنا ده هنصعب عليكو !! بلاش تقارنونا بجيل مختلف عنا في كل الظروف.. بلاش تقطّمونا و تقولولنا خلفوا اربعة وخمسة !! احنا ملاحقين علي ولادنا بالعافية والله.. احنا مش متدلعين خالص !! احنا صحتنا في النازل وبقت عندنا امراض المفروض تجيلنا واحنا في آخر عمرنا والحمد لله علي كل حال واحنا راضيين بس ارجوكو متحسسوناش اننا مبنعملش حاجه 
|
|
05 - 07 - 2017, 12:39 PM
|
رقم المشاركة : ( 2 ) | ||||
|
† Admin Woman †
|
رد: امهات مش متدلعة خالص
بلاش تقارنونا بجيل مختلف عنا في كل الظروف..
بلاش تقطّمونا و تقولولنا خلفوا اربعة وخمسة !! احنا ملاحقين علي ولادنا بالعافية والله.. ربنا يفرح قلبك |
||||
|
|
|
05 - 07 - 2017, 11:46 PM
|
رقم المشاركة : ( 3 ) | ||||
|
..::| الإدارة العامة |::..
|
رد: امهات مش متدلعة خالص
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| حكايات امهات |
| امهات من الكتاب المقدس |
| مساعدة من امهات المنتدى |
| امهات فاضلات |
| مناديل ورق .....بس متدلعة |
العرض العادي
