بتحب ربنا اد اية ؟؟؟

[مورا مرمر]

كلنا بنقول انى بنحب ربنا لكن اكيد فى درجات لمحبتنا لربنا
حاول تقيس درجة محبتك لربنا .

مثلا فى ناس بتحب ربنا حسب ظروف شغلهم او وقتهم
يعنى لما يفيض منهم شوية وقت وده معناه ان
ربنا مش على بالهم ولا هو اساسى فى حياتهم

فى ناس تانية بتحب ربنا حوالى ساعتين
فى الاسبوع ودا وقت القداس عشان
المفروض ان الشخص المسيحى يروح
القداس مش عشانة دا عشان منظره
قدام الناس



فى بعض الناس بتحب ربنا اكتر شوية
يعنى بتحاول تصلى قبل النوم بتقول مزمورين على الماشى والاهم من كده
الطلبات اللى محتاجه من ربنا

لكن الناس اللى تحب ربنا اوووى بيكون دايما ربنا على بالها يعنى اول
ما تقوم من النوم يكون اول شخص تكلمه هو ربنا واول حاجة تشكرة
على كل احوالها والليل اللى عدى بسلام ودايما تطلب منه المعونة
والحفظ طول النهار لانها تثق ان بدونه لا تقدر ان تفعل شئ يو 15 : 5

مش بس كده اللى بيحب ربنا دايما يفكر فى كلامه ويردد اقواله حتى فى وسط
مشغولياته وبالتالى اهم شئ عنده مواعيد صلاته وقراءاته المقدسة
لانها بتشعره انه سر قوته ونصرته وكمان بتعطى له الحكمة اللى
بيتصرف بيها (اما هو فكان ينمو فى الحكمة والقامة والنعمة )

وبنفس الطريقة نقيس محبتنا لربنا من ناحية تطبيق الوصية يعنى تراقب عينك وفكرك ومشاعرك ورغباتك وكمان كلماتك
لازم كلها تكون بترضى ربنا ولابد ان تعلم الوصية الاولى" وتحب الرب الهك من كل قلبك .من كل نفسك من كل فكرك
من كل قدرتك "مر ( 12 : 30) يعنى لازم ربنا يكون موضع اهتمامك الاول واذا كان ربنا
بيقولك "اسالوا تعطوا .اطلبوا تجدوا. اقرعوا يفتح لكم "مت ( 7:7)

يبقى حاول تستغل هذة الايام المباركة وقرب من ربنا اكتر بالصلاة والصوم والخلوة الروحية
واطلب من ربنا انه يزود حبه فى قلبك
وقولة اجذبنى ورائك فانجرى كما قالت عروس النشيد
ولما تنمو فى محبته وتتلذ به يعطيك حسب قلبك وكمان هاتشعر ان حبه اطيب من الخمر .

[walaa farouk]

ميرسي على الموضوع الجميل

[Gogo_Shm]

اسالوا تعطوا .اطلبوا تجدوا. اقرعوا يفتح لكم "مت ( 7:7)
اد ايه الله يتعامل معنا كأب حنين ده بس عايزنا نسئله او نطلبوا او نرجع ونخبط علي بابه هيجى لينا ويحضنا ويمسك ايدينا ويقوينا
شكرا لموضوعك الرائع ربنا يعوض تعب محبتك

[مورا مرمر]

ميرسى على المرور الجميل

[Mary Naeem]

مشاركة جميلة جدا

ربنا يبارك حياتك

[مورا مرمر]

ميرسى على المرور الجميل