|
 |
 |
 |
|
رقم المشاركة : ( 1 )
18 - 06 - 2016, 10:26 PM
|
|||||||||||
|
|||||||||||
 طبعا" كلنا عارفين إن التدين الشكلي هو ببساطة إهتمام الفرد بمدى إلتزامه الشخصي بأمور و وصايا ونواهي الدين ( أيا" كان ) و لكن قدام جمهور البشر في أي مكان يتواجد فيه . في الحالة دي ، يمكن هو عارف حقيقة نفسه أو هو أتربى على الشكليات دي ، ( من غير ما يلمس قلبه و جوهر حياته ). مفيش شك إن التدين الشكلي شئ سيء جدا" و غير مرغوب فيه إطلاقا" لا ربنا بيحب الشكليات و لا الناس . جزئية ربنا أكيد واضحة و مفهومة بالنسبة للناس ، عندي كم نقطة مهمين ... 1- من أول رتب الشمامسة و ممكن الخدام معاهم إلى رتبة الأسقف أو البطريرك ، دي رتب ممنوحة سلطة من الله مش للتحكم في البشر و السيطرة عليهم إنما لقيادتهم في طريق سليم بمعونة الله لكي يصلوا إلى حياة سمائية يحيوها على الأرض ثم في السماء بعد الموت . 2- عشان كدة الناس دي الكنيسة بتختارها بعناية شديدة عشان تبقى مطمنة على الناس اللي بيراعوها . 3- الناس دي مش معنى إنها في المراكز دي يبقى تحولوا من صفة " البشر " إلى صفة ملائكية أو صفة روحية لا تصنع خطية . 4 - هما بشر و معرضين إنهم يغلطوا زي ما كل إنسان بيغلط و زي ما احنا عارفين ، إن ربنا مش متوقع من الإنسان إنه ميغلطش خالص لكن متوقع منه إنه يجاهد ميغلطش خالص و لو غلط يلحق نفسه و يقوم . 5 - موافق جدا" إن غلطة الأسقف غير غلطة الشماس غير غلطة الفرد الطبيعي ، حتى لو نفس الغلطة ، لكن العقاب ممكن يختلف كتير . 6- و زي ما هي كرامة كبيرة ، إلا إنها مسئولية كبيرة و حسابها كبير . ............. نرجع تاني بقى ::: بعض الناس شايفة ، إن اللي بيدخلوا الكنيسة دول ناس داخلة عشان تظهر ، عشان يتشاور عليها و إن الكنيسة دي بتاعة ( ملك ) الكاهن أو الأسقف أو حتى الشماس الفلاني ... و أن الناس دي خلت المكان الجميل مكان كله خبث و حب للظهور و التعالي ... و إننا ميشرفناش التعامل مع الناس اللي كلها رياء دي. .................................................. ... أخويا و حبيبي القارئ - و يمكن هنا هقتبس شوية من عظة الأنبا كاراس الأسقف العام للمحلة الكبرى في يوم الجمعة العظيمة - ::: الكنيسة مش للحلوين أو بمعنى أصح مش اللي شايفين نفسهم حلوين .. الكنيسة حضن للتعبانين و المتألمين ، حصن للتائبين ، رجاء للبائسين ، معونة للمساكين أو مستشفى للخطاة زي ما قال أحد القديسين . خارج الكنيسة مفيش خلاص ، مفيش راحة . بعض الناس ترفض تروح الكنيسة أو تسمع عظة من فلان لأنها شايفة إن فلان ده لا يستحق المكانة اللي هو فيها تنظر للأسقف أو الكاهن أو أي رتبة بنظرة أحتقار مع إنها كدة بـ تقع في خطية إدانة و بتتعب قلبها بدون فايدة . الأفضل إن الشخص يصلي من أجل الكاهن أو الشماس الخاطئ و ربنا قادر إنه يتمجد و يغيره ، و أهتم بالأكثر لخلاص نفسك . .................................................. ......... أخيرا" عمر ما كانت الإدانة و الذم حل أو طريقة لتغيير الأشخاص عايز تنقد ، أنقد بس بهدوء و بدون صياح و بأسلوب بناء . . 
|
|
| قد تكون مهتم بالمواضيع التالية ايضاً |
| الموضوع |
| مظاهر العبادة الشكلية | التقرب الشكلي إلى الله |
| المظهر الشكلي للسجود |
| الوصف الشكلى لحمامة القلب الدامي |
| وصف يسوع الشكلي |
| الاتضاع الشكلى الوهمى |
العرض الشجري