تجارب متنوعة

[walaa farouk]

"اِحْسِبُوهُ كُلَّ فَرَحٍ يَا إِخْوَتِي حِينَمَا تَقَعُونَ فِي تَجَارِبَ مُتَنَوِّعَةٍ،" (يع 1: 2)

تجارب متنوعة يعني كل أنواع التجارب اللي ممكن تحصلنا أو تصيبنا
ممكن فقدان شخص غالي أو ممكن ضيقات مالية شديدة
ممكن جروح من علاقات وممكن مرض وممكن خوف ووحدة
ممكن حاجات كتير مؤلمة وصعبة في الحياة.

الأكيد إن الله مش بيحب كل أنواع التجارب دي كمان بيتألم فيها معانا ودايمًا بيتدخل
ومش ضروري يكون تدخله دا في صورة حماية من الأخطار لكن كمان ممكن نشوف تدخله في التعزية والقوة اللي بيديهالنا في وسط التجربة واللي من غيرها كنا هنقع وننهار.
بيتدخل بنعمته ويسندنا ويحول التجربة من شر مالوش معنى لتدريبات بتتغير بيها شخصياتنا للأحسن،
بنشوف تدخله لما بنقدر نعيش هنا على الأرض بشكل أعمق وتعطينا مجد أثقل في الحياة الأبدية.
"لأَنَّ خِفَّةَ ضِيقَتِنَا الْوَقْتِيَّةَ تُنْشِئُ لَنَا أَكْثَرَ فَأَكْثَرَ ثِقَلَ مَجْدٍ أَبَدِيًّا." (2 كو 4: 17)