08 - 06 - 2023, 08:54 PM
|
|
|
|
..::| الإدارة العامة |::..
|
|
|
|
|
|
يقصد إيه الكتاب المقدس..
لما بيقول الضمير مالوش قوة على التغيير؟!
دا حقيقي.. الضمير بس بيشاور على الصح والغلط،
وعادةً هو بيشاور أو بيصحى في وقت الغلط..
ده لو الضمير نوعاً ما صاحي،
لكن في الحقيقة الكتاب المقدس بيعلمنا،
وبيورينا حقيقة الإنسان.. بالرغم أنه ممكن تلاقي
ناس كتير مش شرط يكونوا مسيحيين،
أو حتى مؤمنين بوجود ربنا،
بنقول عليهم بيراعوا ضميرهم،
لأن احنا عندنا مقياس عام واضح مشترك في المجتمع،
لكن لما تقرب شوية هتلاقي الضمير ده فيه جزء
من التشويه والأنانية، وعدم الحيادية..
علشان كده.. الضمير مالوش قوة على التغيير..
الضمير حتى لو صاحي، بيشاور بس..
لكن يظل جزء من الضمير فيه تشوه ويحتاج لعلاج،
ومحتاجين مسطرة أكبر وأعمق من الضمير
تقول لينا الصح والغلط ..
علشان ضميرنا ممكن يخدعنا في أوقات كتير..
ومش شرط اللي متفق عليه المجتمع
يكون حاجة كويسة طول الوقت.
|
