معجزة للشهيد بيشوي

[بنت معلم الاجيال]

انا كنت بتعب جدا روحت كشفت الدكتور قالي الغده وكانت نشطه جدا وطلب مني تحليل انا من البدايه كنت متشفعه ب الشهيد بشوي والبابا كيرلس ...وفي مره طلب مني الدكتور اشاعه علي الغده وكنت خايفه اوي تطلع ف الغده عقد لأن العقد دي ساعات بيبقي ورم خبيث...قبل م اروح اعمل الاشاعه اتشفعت ب الشهيد بشوي كطبيب وب البابا كيرلس وبعدها روحت عملت الفحص وطلعت النتيجه أن مافيش العقد
شفاعه الشهيد بشوي والبابا كيرلس تكون من جميعكم امين

[بنت معلم الاجيال]

شكرا للشهيد بيشوى انا حامل وكان عندى تحليل مش مظبوط ولما طلبت الشهيد وعملت التحليل تانى نسبة التحليل بقت احسن كتير اوى والدكتور طمنى على البيبى ببركة الشهيد بيشوى سريع الندهة وانا قبل ما اروح للدكتور قولتلة ياشهيد بيشوى الدكتور يطمنى ونفسيتى ترتاح وفعلا زى متطلبت منة حصل ..وبطلبة يقف معايا فى الولادة الشهر الجاى

[بنت معلم الاجيال]

انا مقيمة و بشتغل خارج مصر، و من
فترة طويلة كنت بحاول التحق ببرنامج دراسى فى الجامعة ليه علاقة بمجال شغلى و كنت فاكرة ان الشروط صعبة و سنين الدراسة طويلة لحد فترة قريبة عرفت معلومات بالصدفة عن الدراسة و انها المفروض سنتين بس، لكن المشكلة أنى بدأت أتواصل مع الجامعات من مدة قصيرة عشان اعرف اى جامعة يكون شروط التقديم فيها مناسبة لظروفى ده غير الورق المطلوب للتقديم و كل الجامعات بيطلبوا امتحان فى مادة معينة و النجاح فيها كشرط للقبول، فلقيت بعض الجامعات كانوا قفلوا باب التقديم و جامعات تانية شروط التقديم فيها صعب و عشان اعمل اللى هما عايزينه ما كنتش هلحق السنة دى و كنت هاضطر استنى للسنة الجاية و اقدم بدرى فاتشفعت بالشهيد بيشوى أنى الاقى اى جامعة تقبل بشروط اقل و مكنش محتاجة أنى امتحن المادة دى، ده غير أنى الحق اجمع الورق المطلوب فى فترة قصيرة قبل ما يقفلوا باب التقديم
وفعلا على اخر وقت لقيت جامعة والوحيدة اللى مش بتشترط اى امتحانات فى التقديم و قدمت ورقى على اخر أسبوع و جالى الرد بالقبول فيها و المفروض أبتدى الدراسة السنة دى.
انا بشكر الشهيد بيشوى كتير قوى على محبته و سرعة استجابته، فعلا شفاعته قوية و هو وقف جنبى قبل كدة لما حبيت اقدم على امتحان فى مجال عملى و ربنا سهل الأمور ببركة شفاعة الشهيد بيشوى
بركة شفاعة العذراء أم النور و الشهيد بيشوى و كل الشهداء و القديسين تكون معانا أمين

[بنت معلم الاجيال]

بدون اسم
اخويا كانت ودنه تعباه شوية وهو صغير و الالم كان فظيع اتشفعت بالشهيد بيشوي و قولتله انت دكتور و اخويا صغير في السن اشفيه من فضلك وفعلا من ساعتها الالم بدا يروح ولما راح كشف الدكتور طمنا حتي مدهوش علاج وقال ان هيخف لوحده بس يبعد عن المياه متدخلش في ودنه،انا كنت فاكرة ان الشهيد بيشوي مش هيستجيب لصلاتي لكن هو مخذلنيش وانا بشكره من قلبي علي استجابته دي هو فعلا سريع الندهه،انا طلبته في موضوع تاني خاص بي وانشاالله مش هيخذلني برضو وهكتب معجزته التانية معايا قريب.

[بنت معلم الاجيال]

سلام و نعمة عايزة اقول للشهيد بيشوي انه قديس عظيم سريع الندهه جوزي كان عنده مشكلة الاسبوع اللي فات واالحمد لله عدت علي خير وبطلب منه انه يقف معه في الباقي ويعدي المشاكل اللي احنا فيها علي خير ببركة وشفاعة الشهيد بيشوي القمص دانيال بدون اسم لو سمحت

[بنت معلم الاجيال]

بنتى كانت تعبانة خالص دور كحه وسخونه وترجيع بتاخد العلاج دون تحسن طلبت شفاعه الشهيدبيشوى تانى يوم بالضبط اتحسنت وبقت زى الفل اشكرربناوالعدرا مريم وكل القديسن

[بنت معلم الاجيال]

الشهيد بيشوى عمل معجزات كتييييييييييييييييييييييييييييييييير اوى معايا ومع عيلتى اول معجزة اختى كان بيجيلها عرسان كتيييييييييييييييييييييييير ومبترتحش لاى حد فاتشفعنا انا وامى بالشهيد بيشوى والانبا مكاريوس وفعلا ربنا بعتلها حد حلو وارتاحتله وفرحها قريب تانى معجزة اتقدملى حد كويس اووى بشفاعة الشهيد بيشوى كانت ظروفه مش مناسبة انه يخطب فى الوقت دة بس الشهيد بيشوى وقف معانا فى كل خطوة كنا خايفين منها بشكل غريب كانت بتعدى واحنا دلوقتى مخطوبين بشفاعته تالت معجزة يوم خطوبتى كان الجو وحش اوووووووووووووووووى مليان زعابيب وماما صلت كتييييييييير اووووووووى للشهيد بيشوى وبشفاعته الجو هدى واليوم كان حلو اوووووووووووووووى شفاعته تكون معانا كلنا امين

[بنت معلم الاجيال]

انا مش عارفة اشكر الشهيد بيشوى ازاى وقف معايا كتير ودى مش اول مرة كل ما اطلبة الاقية فعلا فعلا سريع الندهة انا طلبتة لأن بنتى كانت سخنة والسخونية زادت واديتها حقنة مضاد وكان هضيع بسببها لأنها ازرقت واول ما ندينا علية بنتى خفت ووقف معايا أن انا وجوزى نتغير مع بعض للاحسن وفعلا اتغيرنا كتير و جوزى عندو مشروع وطلبتلة والمشروع نجح جدا بعد ما كان خسران

[بنت معلم الاجيال]

انا سنه تانيه تجارة وبجد مكنتش مذاكرة خالص التقصير كان منى وكان الدكاترة صعبه وكنت متشفعه بالشهيد بيشوى وكنت واثقه جداا انو هيعدينى الحمدلله فعلا عدانى ونجحت وبتقدير كمان ومنساش طبعا انى اتشفعت بيه السنه اللى فاتت ونجحت برضه وكنت نادرة انى هكتب اللى عملو معايا شكرا ي حبيبى شكرا ي شهيد بيشوى حبيبى وبطلبك انك تكمل معايا اللى بداتو

[بنت معلم الاجيال]

لو سمحتو من غير اسم انا بشكر الشهيد بيشوى لأنو طلبتو فى رجوع جوزى الشغل وفعلا كل مايتعقد رجوعو للشغل الشهيد بيشوى بيتدخل ويحل كل حاجة بركة شفاعتو تكون معانا
طلب صلاة من اجل بنتى فى الثانوية العامة انى ببركة الشهيد بيشوى ربنا يديها وتحيب مجموع شفاعتك معانا ياشهيد بيشوى والبابا كيرلس وأبو سفين ومارجرجس