16 - 01 - 2018, 07:49 AM
|
|
|
|
..::| الإدارة العامة |::..
|
|
|
|
|
|
يخرج الغفير عوض مسرعا وهو يصرخ
الغفير عوض:يابا العمده يابا العمده يابا العمده
العمده:في ايه ياوالاه
عوض:لوجا ,لوجا يابا العمده
العمده:ماله ياوالاه عامل مظاهره والا ايه؟
عوض:ياريته ياريته يابا العمده
العمدة:ماتتكلم بجي يا ولاه
عوض:لوجا ياحضره العمده حاول ينتحر
العمدة:ينحر ازاي ده يعني
عوض:ماخبرش,اهل البلد شافوه وهو بيرمي نفسه في الترعه ولحجوه
العمدة:وهو فين دلوك
عوض:معايا واجف برة جنابك
العمدة:وموجفه بره ليه ياوالاه؟,دخله احسن يعمل يعمل حاجه في نفسه
عوض:ادخل يا لوجا
لوجا:عوااااااف يابا العمدة
العمدة:تعالي يا لوجا
لوجا: ايوة يابا العمدة
العمدة:حاولت تنتحر ليه يا لوجا
تم تدخل ميراته تصرخ (وهي تنظر لزوجها لوقا)
مسعدة:يالهوي يالهويي يالهوي يالهوي.الحجني يابا العمدة جوزي انتحر مات مات مات
لوجا:جرالك ايه يا ولية ماني واجف جدامك اهوه
مسعدة:ياسلام ياخويا هصدجك انت واكدب اهل البلد كلاتهم
عوض:بس يابت ماهو جدامك اهوه
مسعدة:اومال ايه ايلي اني سمعته ده
عوض:جوزك حاول الانتحار واهل البلد لحجوه
العمدة:جول يا والاه عملت كده ليه؟عنديك مشاكل
لوجا:ياحضرة العمدة مين جال اني حاولت الانتحار
مسعدة:اومال كنت واجف جدام الترعة ليه بتاخد لها تصويره
العمدة:ياتجعدي سكتة ياترجعي دارك
مسعدة:سكت اهوه(تضع يدها علي فاها)
العمدة:ها كمل كلامك
لوجا:اني كنت رايح اعمل زيه, اشمعني هو يعني
العمدة:هومين ده
لوجا: ايه ايه.مش فاكر دلوكت,بس ابني جه بعد مارجع من مدارس الاحد حكالي حكايته وجالي انه جعد في بطن الحوت 3 ايام وطلع تاني
عوض:يجصد يونان النبي يا حضرة العمدة
لوجا:ايوة هو ده
العمدة:ها كمل
لوجا:الواد ابني جالي ربنا جال ليونان النبي ده يروح مدينة نينوي ويحذرهم انه هيبيد المدينة لان شرهم بجي كتير جوي,فجام الولد يونان ده وهرب هرب من وش ربنا مايعرفش ان ربنا موجود في كل مكان ونزل ليافا ولجي سفينة وركب فيها وفجاة جامت ريح شديدة ومن شدتها السفينة كانت هتنكسر.فخاف الملاحون وصرخوا كل واحد للاله بتاعه وكان يونان نايم في جوف السفينة فنزلوا رايس السفينة وجاله:انت نايم!جوم اصرخ لالاهك يمكن يمكن ينقذنا ومانهلكش
مسعدة:اكمل اني ياحضرة العمدة
العمدة:وماله كملي يابت
مسعدة:ايلي كانوا موجودين في المركب جالوا احنا نعمل قرعة عشان نعرف مين عمل خطية وهو اكيد سبب البلوة ديه اووم ايه وجعت الجرعة علي يونان وجالوا ايه انت عملت ايه؟ .جلهم انه هرب من وش ربنا .خافوا جدا وجالوا طب نعمل ايه دلوك فجالوا نحاول نرجع للشط تاني بس ماعرفوش يوصلوا اووووم ايه يابا العمدة رموه
الغفير:اكمل اني يابا العمدة
العمدة:جول يا خويا يعني هي جت عليك
عوض:اول مارموه سكن البحر فبلعه حوت وفضل فيه 3 ايام وفضل يصلي ...فربنا سمع صلاته وحدفه الحوت ع الشط .وجال ربنا ليونان روح لاهل نينوي ونادي اهلها بيلي جولتهولك ,فراح ونادي وبلغهم فجعدوا يصلوا فسمع ربنا لصلاتهم وماابدهومش
العمده:طب وده ايه علاجته ان لوجا يروح يرمي نفسه في الترعه
لوجا:ماني جولت يابا العمدة اعمل زي يونان ده اني كمان اشوف سمكة ادخل جواها اشمعني هو يعني
مسعدة:يالهوي يالهوي يالهوي اتجننت انت والا ايه؟
لوجا:اسكتي يا ولية
العمدة:بص يالوجا يابني الحوت ده كان معد من جبل ربنا عشان يحرس يونان النبي مش أي حاجه كدة ,يعني عمرك شوفت حوت يشيل انسان جوة منهطي ليه مااكلوش وهضمه؟عشان ده كان تدبير ربنا كان حاميه.فهمت حاجه؟
لوجا:يعني اني ماكنش ينفع ادخل جوات السمكة؟
مسعدة:واي سمكة ايلي هتاخد الجسم ده كله,..وعطلوني جال ايه جوزك انتحر واني جعد احضر الاسود والجهوة لزوووم العزا وسيبت الطبيخ..اروح اشوف حالي ومتنساش تفوت ع البجال تحاسبه ع البن والسكر سلالالالالالالام
لوجا:ادفع!ادفع ايه؟,استني يابت..عواف يابا العمدة
عوض:ابا العمدة
العمدة:نهم يا وش الخير
عوض:مش هنرووح العزا ايلي بتجوول عليه البت مسعدة بتاع الولاه لوجا
العمدة:امشي ياولد امشييي
|
