حتى لو بعد 40 سنة مش هنسى وعدى ليك

[walaa farouk]

وأهو موسي -بعد ٤٠ سنة هروب- بيتمشي لوحده في الصحراء..
ضهره محني وباين عليه العجٓز، والسنين واخده منه حقها بزيادة..
ماسك عصايته بيرعي شوية غنم في الصحراء..
وأهو شوية زرع من هنا.. علي حبة مايه من هناك والحال ماشي..
لحد ماقرب من "حوريب" جبل الله..
وربنا اخيراً كلمه.. (بعد سنين من الصمت!)..
دعاه للخدمة وقاله خرّج الشعب من مصر أرض العبودية..
وطبعاً موسي مستغرب!!
اشمعنا دلوقتي ربنا كلّمه؟ ليه مش زمان ايام ما كان في عز شبابه؟
...
وبتخيل كدة الحوار بينهم..
- موسي بنبرة يأس جاي يقولّه.. "يعني يارب جاي بعد ٤٠ سنة تفكرني بالحلم اللي خلاص مات؟
اذا كان انا شخصياً استغنيت عنه..
وبعدين انا "ثقيل الفم" مبعرفش اقول كلمتين علي بعض..
وخلاص انا دلوقتي عندي ٨٠ سنة.. رجليا والقبر.. بودّع.. جاي تصحّي فيا رؤية ماتت من ٤٠ سنة"..
(وكإن ربنا مستني عليه الـ ٤٠ سنة وسايبه في الصحراء يستوي.. عشان بس يسمع منه كلمة "انا ثقيل الفم" .. وساعتها يقدر يباركه ويحقق الحلم اللي اداهوله من سنين)..
- وأول ما موسي يخلص كلامه، يبتسم ربنا ويقوله.. "ها يا موسي..
الانسان الطبيعي بيعيش كام سنة؟
لما يطوّل يعني أخره كام سنة؟؟
٧٠ سنة؟؟ ..
٨٠ سنة ويموت؟؟
أنا بقي هابدأ معاك من الـ٨٠ ..
وهاحقّق بيك كل اللي مقدرتش تعمله وأنت شاب وفي عز صحتك وجبروتك في مصر.
أول ماتِنتهي أنت.. هابتدي أنا..
أول ما تتكسر انت.. هاشتغل أنا..
وحتى لو بعد ٤٠ سنة ..
مش هانسى وعدي ليك حتى لو أنت نسيته "..

[مورا مرمر]

موضوع رائع جدااااا
ربنا يبارك خدمتك الجميلة

[Mary Naeem]

أول ماتِنتهي أنت.. هابتدي أنا..
أول ما تتكسر انت.. هاشتغل أنا..
وحتى لو بعد ٤٠ سنة ..
مش هانسى وعدي ليك حتى لو أنت نسيته "..
في منتهى الجمال يا قمر
ربنا يباركك

[walaa farouk]

ميرسى على مروركم الغالى

[marit jesus]

ربنا يفرح قلبك

[walaa farouk]

ميرسى كتير على مرورك الغالى