الغيطي «على مسئوليتي.. جهاز الإيدز يعمل وعالج ملايين المصريين»
شنّ الإعلامي محمد الغيطي، اليوم الثلاثاء، هجومًا حادًا على الإعلامي باسم يوسف، والدكتور عصام حجي، العالم بوكالة «ناسا»؛ لسخريتهما من عدم الكشف عن جهاز علاج «فيروس سي والإيدز»، الشهير بـ«جهاز الكفتة»، في ذكرى مرور عامين على الإعلان عنه. باسم يوسف وعصام حجي يُحييان الذكرى الثانية للإعلان عن «جهاز الكفتة» على طريقتهما الخاصة قال الغيطي، خلال تقديمه برنامجه «صح النوم»، عبر فضائية «LTC»، «بدل ما تسخروا، أعملوا حاجة للبلد، باسم لا يملك شيء غير السخرية، إلا العمالة لجهات تعادي هذا الشعب، بياخدوا على قلبهم قد كده من أسيادهم؛ عشان يشتموا في الجيش والشعب ويتمسخروا، إحنا اللي علمناكم سخرية واخترعناها، هنعرفكم يعني إيه سخرية، يا حتة عيل إنت وهو بـ(بامبرز)». أضاف: «عميلان واضحان، شغالين مع المخابرات الأمريكية ومعاهم جنسية كمان، وأنا بأكدلكم إنهم الاثنين زاروا تل أبيب سرًا، ليس لهما أي قيمة، باسم مش إعلامي ولا نيلة، وعصام حجي عمره ما كان عالم في ناسا ولا نيلة، عامل زي مرسي لما كان بيقول إنه عالم في ناسا، حجي مجرد موظف تقني وليس عالم ولا مخترع ولا عمره عمل نظرية جديدة في علم الفضاء». أكمل: «بالمناسبة أنا شوفت الجهاز، ووديت ناس عشان تتعالج بيه، وراحوا وخفوا، أنا كنت ولا زلت من أشد المدافعين عن هذا الجهاز ضد أي ساخر منه، إنتوا بتسخروا من إيه؟ مصر عالجت ملايين من مرضى فيروس سي لأول مرة منذ 40 سنة، 22 مليون كان عندهم الفيروس ده، عالجنا 50% منهم، والقوات المسلحة وراء علاج هؤلاء بشكل أساسي، باعتراف كل وزراء الصحة».
هذا الخبر منقول من : التحرير
24 - 02 - 2016, 10:12 AM
العرض العادي
