|
 |
 |
 |
|
|
|
رقم المشاركة : ( 1 )
19 - 03 - 2013, 03:01 PM
|
|||||||||||
|
|||||||||||
|
شطشط والابن الضال حوار مع الابن الضال لاطفال حضانة بمدارس الاحد  شطشط: أزيكم يا أصحابي ... وحشتوني خالص...مبسوط إني معاكم انهارده ... بس أنا مش جاي لوحدي أنا جاي ومعايا ضيف ... استنوا هاروح أنادي عليه ياللا يا صاحبي تعال ياللا بسرعة أصحابي مستنينك الابن الضال: أنا جيت ... ازيك يا شطشط وازيكم يا أصحابي ... أنا جاي مخصوص انهارده عشان احكيلكم حكايتي شطشط : جاهزين تسمعوا يا اصحابي ؟ ياللا اتفضل احكي الابن الضال : أنا آنت عايش مع بابا وأخويا ... وفي يوم من الأيام ..... بابا يا بابا يا بابا الأب : أيوه يا حبيبي الابن الضال : بص يا بابا أنا عايز نصيبي في الفلوس بتاعتك عشان هامشي من البيت وهاسافر بعيد بعيد ... وهاعيش لوحدي الأب : ليه بس يا حبيبي ... ماانت عايش معانا ومبسوط الابن الضال:لا أنا عايز أمشي و أنا خلاص قررت الأب : طيب يا حبيبي ... اتفضل شطشط : و ياترى سافرت ؟؟ وعرفت تعيش لوحدك؟ الابن الضال : أيوه سافرت وعشت لوحدي ... واتصاحبت على شوية أصحاب وصرفت كل فلوسي ، ومابقاش معايا فلوس تاني أصرف منها ... وبعد كده حصل جوع شديد في البلد اللي كنت فيها شطشط : طب ليه مافكرتش تروح تشتغل؟ الابن الضال : اشتغلت بس كانت شغلانة صعبة أوي ... اشتغلت عند راجل كان عنده خنازير ... كنت أنا اللي باخد بالي منها وأكلها شطشط : وياترى كنت مبسوط؟ الابن الضال : للأسف لا ... أنا كنت دايما زعلان وتعبان وكمان جعان شطشط : وبعدين عملت إيه؟ الابن الضال : في يوم من الأيام فكرت أرجع لبابا وأقوله أنا غلطان من فضلت سامحني وخلينا أعيش زي خدام من خدامينك وفعلا عملت كده الأب : ابني حبيبي ... انت وحشتني أوي ... أنا كنت مستني رجوعك من زمان الابن الضال : بابا ... أنا أسف يا بابا ... سامحني ... أنا غلطت في حقك الأب: أنا مسامحك يا بني ... يا خدامين ياللا بسرعة تعالوا ... احنا انهارده هنعمل حفلة كبيرة ... ابني رجع ابني رجع ياللا هاتوله لبس جديد وكمان لبسوه خاتم وادبحوا العجل عشان انهارده نفرح ونتبسط منقول 
|
 |
|
العرض المتطور