من عطّار لـ«الرئيس»: أسهر وأصلى فى الجامع.. ولاّ أروح بدرى وأطلق مراتى؟!
حالة من الدهشة أصابت مسؤولى المتاجر ورواد منطقة الأزهر الشريف بعد سماعهم الخطبة التى ألقاها الرئيس محمد مرسى الجمعة الماضى، التى طالب فيها المصريين بعدم السهر لما بعد الثانية فجراً حتى يستطيعوا أداء صلاة الفجر.
كريم عادل، الشاب الثلاثينى، المسؤول عن متجرى عطارة أمام جامع الأزهر، يرى أن التواجد لساعة متأخرة فى عمله أفيد له ولمصر من عودته المبكرة للمنزل، ويقول: «منطقة الأزهر مشهورة بين السياح أنها مابتنمش وإحنا بنسهر عشان نحافظ على السائح الخليجى إللى بينزل بعد منتصف الليل، ولو قفلنا المحلات قدامه هيسيبنا ويروح للبنان أو لتركيا».
«كريم» أكد أنه وعلى الرغم من سهره فى المحلات التى يمتلكها، يحرص على إقامة صلاته لانتشار المساجد فى منطقة عمله، وبذلك فهو يحصل ميزة أداء صلاة الفجر، لذا فهو يخشى من سلبيات العودة للمنزل مبكرا: «أنا لو روحت بدرى هطلق مراتى عشان مش هقدر أستحمل النكد فترة كبيرة، وكل الرجالة كده، أنا عندى 5 أشخاص بيشتغلوا فى وردية الليل ولما بنعوز نصلى بنبدل بينا، أصل العمل عبادة، والسعودية إللى بتطبق الشريعة الإسلامية متاجرها بتفضل مفتوحة 24 ساعة».
12 - 11 - 2012, 06:09 PM
العرض الشجري