انت بس قول انك غلطان

[walaa farouk]

انت مين؟؟؟؟؟انت اللى شايف نفسه صح اغلب الوقت...

.وبتنجح تكتم الصوت اللى من وقت للتانى بيصرخ جواك

وبيقولك انت غلط وبيقولك لا تكن بارا فى عينى نفسك..

...لكن طبعا الصوت ده مقلق لانه بيظهرك قدام نفسك بصورة انت اكيد مش هتستحمل تشوفها ....ولا انت اللى شايف نفسه غلط

اغلب الوقت وده دفعك للاكتئاب والحزن وصغر النفس...

..الحقيقة انت المفروض ماتكونش لاده ولاده...

.انت فى اوقات بتكون صح لكن فى اوقات بتكون غلط

ولما بتجامل نفسك و لا تواجهها باخطاءها

تسوء حالتك وبتعدى امور اصعب وتزداد مجاملة لنفسك

حتى يتسع الضمير ويبلع الجمل......واجه نفسك باخطاءك وماتكتمش صوت روح الله اللى جواك اللى عمال يئن ويقولك كفاياك تبرير لنفسك كفاياك شماعات تعلق عليها اخطاءك انت...

.صدقنى بداية الشفاء والراحة والفرح والسلام انك تواجه نفسك باخطاءك لتشفى منها.....

إِنِ اعْتَرَفْنَا بِخَطَايَانَا فَهُوَ أَمِينٌ وَعَادِلٌ، حَتَّى يَغْفِرَ لَنَا خَطَايَانَا وَيُطَهِّرَنَا مِنْ كُلِّ إِثْمٍ. (1يو ١ : ٩)

مَنْ يَكْتُمُ خَطَايَاهُ لاَ يَنْجَحُ، وَمَنْ يُقِرُّ بِهَا وَيَتْرُكُهَا يُرْحَمُ. (أم ٢٨ : ١٣)

احسن نوع من البشر هو اللى بيفكر فى الامور بعمق قبل ان يقرر هل هو غلطان ولا لأ ويكون ذلك فى ضوء وصية ربنا الالهية.....ويكتشف خطأه ويلحق بسرعة يصلح الامور ويلجأ الى الله ليعطيه نعمة ليتغير للافضل

اخيرا ...طول ما انت بتقاوح وتكابر عمرك ماهتشفى وعمرك ما هيتغفرلك خطاياك وتخسر حياتك الابدية......انت بس قول انك غلطان مهما كنت عملت هيسامحك...

[Mary Naeem]

انت بس قول انك غلطان مهما كنت عملت هيسامحك...
ربنا يبارك حياتك

[walaa farouk]

ميرسى على مرورك الغالى

[بنتك يايسوع]

ربنا يباركك و يعوض تعب محبتك

[shery jesus]

موضوع رووووعة ميرسى لولو ربنا يبااااارك خدمتك

[walaa farouk]

ميرسى على مروركم الغالى