|
 |
 |
 |
|
رقم المشاركة : ( 1 )
07 - 11 - 2012, 04:14 PM
|
|||||||||||
|
|||||||||||
|
دعوة للصراحة بخصوص تطبيق الشريعة الأسلامية  قطع أيدي و أرجل (الصور مأخوذة من جوجل) بعد أن فاز الأخوان بمنصب الرئيس و من قبلها فاز الأسلاميين بأغلبية البرلمان و المصريين يستشعرون الخوف يوما بعد الأخر من فرض نمط حياة متشدد عليهم بأسم تطبيق الشريعة. و يتيخل الأسلاميين أن الأقباط وحدوهم هم من يشعرون بهذا الخوف و لكن الحقيقة أن الخوف يسري كل يوم أكثر و أكثر بين جموع المصريين العاديين مسلمين وأقباط سواء كانوا متدنيين او غير متدنيين. ليل نهار يخرج علينا رموز التيار السلفي و أحيانا الأخوان و طبعا قادة التيار الأكثر تشددا و تطرفا من الجهادين أو من كانوا جهاديين و يعملون الأن بالسياسية و هم يصرخون أن علي الدولة المصرية أن تفرض تطبيق الشريعة الأسلامية علي المصريين و ان في هذا حلا سحريا لمشاكل الفقر والبطالة وأهدار كرامة المواطن وأنهيار الأقتصاد الوشيك !!! و العجيب ان قادة كل هذة التيارات يغفلون أن الشريعة الأسلامية مطبقة في مصر بالفعل الي حد كبير في القوانين و بالأخص في قوانين الأحوال الشخصية المستمدة من الشريعة و أن ما هو معطل منها عمليا هو الحدود. و هنا علي ان أكون أكثر جرأة و صراحة و أن أتخطي الخطوط الحمراء المعتادة... ما تخلونا نتكلم بصراحة شوية بقي .....الأسلاميين عايزين يرجعوا قطع الأيدين و القتل و الرجم و أحنا ضده بلاش مصطلح تطبيق الشريعة ده ... أدعوك تبقي صريح و صادق مع نفسك و مع الناس وتقول انا كأسلامي عايز الدولة تقتل و ترجم و تقطع رجلين و أيدين اللي بيخالف أحكام ديني بحسب فهمي له و أنا هأرد عليك و أقول لك أنا كليبرالي عايز دولة مدنية تحكمها قوانين مدنية تخلو من العقاب الوحشي و اللاأنساني و تحترم الحريات الفردية و حرية العقيدة و الرأي ... ألخ هو ده الصراع الحقيقي نقتل و نرجم و نقطع أيدين و رجلين و لا نحترم الأنسانية و الحريات بلاش وحياة والدك شعارات كبيرة سايق عليك النبي يا شيخ كفاية تجارة و أبتزاز بأسم الدين.... أحنا بنتخانق علي الحدود مش علي الأسلام ...أنا ضد الرجم و قطع الأيد و الرجل وأنت بتأيده ... انا بأدافع عن حقوق الأنسان و أنت عايز تجلد العاصي من وجهة نظرك. أنا بأحترم حق الأنسان الأخر في الأعتقاد و أنت لو واحد ساب الأسلام شايف ان دمه حلال و من حقك تقتله علنا... أنا باحترم حرية الرأي و انت عايز تخرس اللي بيهاجموا مشروعك لأنهم في رأيك بيهاجموا الأسلام و بيشيعوا الفساد. أنا مع التنوع و التعدد و أنت مع الهوية الأسلامية المتشددة و مع طمس أي هوية أخري. انا مع حق المرأة في الترشح لأي منصب حتي رئيس الجمهورية و أنت حطيت خمس ستات من أصل مئة عضو في اللجنة التأسيسية بالعافية. أنا مع الحريات الفردية و أنت عايز أي رجل يقابل أي ست حتي ولو في الشارع يقدم تقرير لهيئة الأمر بالمعروف عن علاقتها بيها ... هو ده الصراع بلاش تضحك علي الناس بشعارات كبيرة و رنانة و تطلعني كافر فاسد ملعون و أنت الفضيلة بتشر منك وحياة والدك. أنا عايز مصر تحصل الدول العلمانية زي اليابان و كوريا و أيطاليا و الهند و أنت عايز مصر تحصل الدول الدينية زي أفغانستان و الصومال و السودان، مش ده برضه الدول اللي طبقت الشريعة في عصرنا الحالي!! طيب هات لي نموذج واحد حي علي دولة تطبيق الشريعة الناجحة اللي بتحترم حقوق الأنسان اللي أقتصادها ناجح بأنتاجها مش ببترولها !! أنا ممكن أجيب لك عشرت الدول اللي العلمانية و القوانين المدنية أطلقت فيها النهضة الحقيقية مش نهضة مرسي اللي خربت مصر.. أنت بقي يا شاطر هات لي نموذجين أو تلاتة ناجحين .... مجرد دعوة للصراحة بين طرفي الصراع السياسي ليس أكثر من أجل مصر. 
|
|
08 - 11 - 2012, 02:45 PM
|
رقم المشاركة : ( 3 ) | ||||
|
† Admin Woman †
|
رد: دعوة للصراحة بخصوص تطبيق الشريعة الأسلامية
شكرا على المرور
|
||||
|
|
|
06 - 12 - 2012, 07:17 AM
|
رقم المشاركة : ( 4 ) | ||||
|
..::| VIP |::..
|
رد: دعوة للصراحة بخصوص تطبيق الشريعة الأسلامية
ربنا يهديهم ويرحمنا
|
||||
|
|
|
06 - 12 - 2012, 08:12 AM
|
رقم المشاركة : ( 5 ) | ||||
|
† Admin Woman †
|
رد: دعوة للصراحة بخصوص تطبيق الشريعة الأسلامية
شكرا على المرور
|
||||
|
|
 |
|
العرض العادي
