لقاء مع أميرة المنتدى وأيقونة الفرح المسيحى أختنا"سما سمسمة"بمناسبة عيد ميلاد الفرح المسيحى

[nasser]

فى لقاء سابق معها قالت لى أنها تحب اللون الأزرق لون السماء الصافية انها أختنا المحبوبة سما سمسمة
سما بدون مجاملة من مدرسة الاحترام..مدرسة التواضع..مدرسة التشجيع..مدرسة الكلمة الواحدة ومدرسة المبادىء.
سما أختنا اللى بتحتوى أى مشكلة بأسلوبها الهادىء والرزين.
سما"الفرح فى الآلام"أوقات كتير بتبقى ف وسط الآلام لكن بتبقى فرحانة ومش بتعرفنا بآلامها علشان نبقى فرحانين دايماً.
سما تمثلت بمعلمها بولس الرسول الخادم الأمين الذى اختبر المتاعب والأحزان هو نفسه الذى كتب كثيراً عن الفرح فى رسالة فيلبى وقال لهم:"مُقدماً الطلبة لأجل جميعكم بفرح".
فى بداية اللقاء كل سنة وانت طيبة يا سما بعيد ميلاد الفرح المسيحى السادس وكمان السنة القبطية الجديدة

[sama smsma]

قبل اى حاجة احب اشكرك يا ناصر على انك مستحملنى
وعلى كلماتك اللى بجد ماستحقهاش
فعلا بحب اللون الازرق جداااااااااا
انا بفرح جدا بوجودى وسطيكم بشارككم اى حاجة ولو حتى كانت صغنونة
ومستعدة للقاء اهو
وكل سنة وانت طيب وكلنا بالف خير يارب ودايما متجمعين باحلى منتدى

[nasser]

شكراً يا سما
كل سنة وانت طيبة بعيد ميلاد الفرح المسيحى
ماذا يعنى منتدى الفرح المسيحى بالنسبة ليك؟

[walaa farouk]

هيكون احلى لقاء مع احلى سما

[sama smsma]

المشاركة الأصلية كتبت بواسطة nasser

شكراً يا سما
كل سنة وانت طيبة بعيد ميلاد الفرح المسيحى
ماذا يعنى منتدى الفرح المسيحى بالنسبة ليك؟

منتدى الفرح المسيحى بيتى التانى
يعنى الفرح ثم الفرح ثم الفرح
يعنى الاصحاب والاخوات الحلوين والافتقاد
يعنى العيلة اللى ربنا بعتهم لينا
يعنى التعزية وقت الضيق
يعنى التأمل فى وقت الصمت
يعنى العطاء فى كل وقت
من الاخر المنتدى بركه كبيرة ربنا بعتهالنا
لازم نحافظ عليها
............................

[nasser]

+ايه هو شعورك هذه الأيام واحنا بنحتفل بعيد الفرح المسيحى وكمان السنة القبطية الجديدة؟
+ايه هى الترنيمة اللى بتحبى تسمعيها ودايماً تتأثرى بيها؟
+متى يكون الكلام حكمة والصمت حكمة؟

[sama smsma]

المشاركة الأصلية كتبت بواسطة nasser

+ايه هو شعورك هذه الأيام واحنا بنحتفل بعيد الفرح المسيحى وكمان السنة القبطية الجديدة؟
+ايه هى الترنيمة اللى بتحبى تسمعيها ودايماً تتأثرى بيها؟
+متى يكون الكلام حكمة والصمت حكمة؟

حاسة بفرح اكيد وان الشهداء بيحتفلوا معانا بالمناسبة الحلوة دى
زى ما احنا احتفلنا بيهم فى عيد النيروز

الترنيمة اللى بحبها اوى هى
( معاك بحس بحاجة اكبر م الكلام )
دى كلماتها

هاتفوت سنين وسنين هاتيجي
وللنهايه امين معايا وبخيرك العمر اتكسي
اعطش حنانك اجري عليك الاقي احتياجي
شبعي وعلاجي انسي المتاعب والاسي
انا ياما جيتلك بالالام طالب معونه
بايدين حنونه لمستنى الالم اتنسي
معاك بحس بحاجه اكتر من الكلام
معرفتهاش الي بلقاك
يا يسوع بجد مافيش في كل الكون كلام
يوصف شعوري وانا هنا ربي في حماك
لما الحمول بتزيد وبتفوق احتمالي
بتشيل بدالي مابترضليش اني انحني
عندك حلول لمشاكلي ولحيرتى وانيني
اصلك معيني اكتر حبيب بيحبني
خِلى الوفى اللى بتتشفى وياك جروحى
طبيب لروحى وحضن اروحله يضمنى
معاك بحس بحاجة اكثر من الكلام
معرفتهاش الا بلقاك
يا يسوع بجد ما فيش في كل الكون كلام
يوصف شعوري و أنا هنا ربي في حماك.

+متى يكون الكلام حكمة والصمت حكمة
من الاصغاء تأتي الحكمة ، و من الكلام تأتي الندامة
الكلام كالدواء إن أقللت منه نفع، وإن أكثرت منه قتل

[nasser]

كلمات الترنيمة جميلة جداً يا سما
+من هو شفيعك؟ومن هى شفيعتك؟
+وجهى كلمة لكل عضو أو عضوة أو الخدام والخادمات اللى غايبين عن المنتدى؟
+من هو مثلك الأعلى فى الحياة؟

[sama smsma]

المشاركة الأصلية كتبت بواسطة nasser

كلمات الترنيمة جميلة جداً يا سما
+من هو شفيعك؟ومن هى شفيعتك؟
+وجهى كلمة لكل عضو أو عضوة أو الخدام والخادمات اللى غايبين عن المنتدى؟
+من هو مثلك الأعلى فى الحياة؟

ميرسى كتير يا ناصر

شفيعى البابا كيرلس وشفيعتى حبيبتى امى العدرا مريم وتماف ايرينى


كلمة لكل عضو أو عضوة أو الخدام والخادمات اللى غايبين عن المنتدى
المنتدى دة بيتكم التانى
احنا بنحبكم ومفتقدينكم جدا ومنتظرينكم وسطينا
ربنا يطمنا عليكم


مثلى الأعلى فى الحياة كان البابا شنودة
بركه صلواته معانا كلنا

[nasser]

+ما هى هوايتك المفضلة وقت الفراغ؟
+هل من الأفضل أن يكون أب الاعتراف هو المرشد الروحى؟
+حلم مازلت تحلمى به خاص بالمنتدى
+قال أحد الآباء أن النت...الخ من تحديات العصر هو اختراق رهيب من عدو الخير لكن كل هذا يمكن أن يكون مباركاً إذا كان التوجه صحيحاً فالعين التى ترى المحسوسات تستطيع أن تعاين الأمجاد
هل تحبى أن تضيفى شيئاً عن هذا الكلام؟
+أفضل يوم تحبيه فى الأسبوع وكمان أفضل شهر فى السنة