|
 |
 |
 |
|
رقم المشاركة : ( 1 )
25 - 03 - 2019, 09:31 AM
|
|||||||||||
|
|||||||||||
 فيه ولد جميل أوي إسمه أبرآم بروح أذاكر معاه لغة إنجليزية في سنة سادسة إبتدائي.. .. النهاردة مامته جات كلمتني وقالتلي يا أنكل أبرآم مش عاوز يروح مدارس الأحد وكل ما أصحيه يقول مرة بطني وجعاني ومرة يقول أنا سخن وتعبان ومش عاوز يروح مع إنه بيكون كويس خالص.... فقعدت أحايله لوحدينا علشان يتكلم... . وبعد إلحاح طويل وإحنا لوحدينا قالي هو ليه مش عاوز يروح..... إبرآم بيقولي إنه من جمعتين دخل يحضر مدارس الأحد ومعاه في إيده كيس شيبسي.... ولما الدرس كان بيتشرح هو كان بياكل كيس الشيبسي... . ولسوء حظه كان اللي بيشرح الدرس خادمة (#شرسة).... تخيل لما أنا أتهور وأنطق الكلمة دي على حد في بوست يبقى الأزمة واصلة لفييييييين....؟؟؟؟؟ المهم.. .. الخادمة وقفته في وسط الفصل في مدارس الأحد وقالتله كدة: إنت إزاي بتاكل في بيت ربنا.. .. إنت مابتبطلش أكل....؟؟؟؟ إنت أصلاً تخين هاتتخن إيه أكتر من كدة....؟؟؟؟ فالولد بص حواليه لقى إخواته في مدارس الأحد بيضحكوا عليه فإتكسف وقرر إنه مش هايروح تاني..... الحقيقة إحنا عندنا مشكلة كبيرة مع نسبة كبيرة من الخدام الغير مؤهلين تربوياً ونفسياً في التعامل مع المخدومين .... إما خدام جايين الخدمة رفاهية. ... أو خدام جايين الخدمة هروباً من البيت أو الجامعة.. ... أو خدام بتحاول توجد نجاح داخل جدران الكنيسة لإنها مش قادرة تنجح في العالم.... نسبة الخدام اللي بتخدم المسيح شخصياً نسبة قليلة للأسف ودة عن خبرة قوية شوفتها في سنين كتير من الخدمة وفي كنائس كتير خدمت فيها..... المشكلة الأكبر إن إجتماعات إعداد الخدام في كنائسنا مملة للغاية ولو أنا قولت غير كدة وشكرت فيها أبقى إنسان منافق. ... مش بس بتكون مملة.... لكن كمان بتكون ضعيفة. ... الإهتمام بيكون بالمواد الكنسية أكتر من المواد السيكلوچية والتربوية وحتى المواد الكنسية اللي بتتقدم مابتكونش دسمة.... فالخادم والخادمة بينزلوا الخدمة وهما لا يفقهوا شئ عن سمات المراحل العمرية اللي هما بيخدموها فبتكون النتيجة إن ولد جميل وشاطر ذي أبرآم يبعد عن مدارس الأحد بسبب تصرف سخيف ذي دة.... كان عندي حلم كبير إني أعمل منهج إعداد خدام متكامل الخادم فيه يبحث ويدور ويعمل أبحاث مفيدة... . يدرس مواد كنسية و مواد سلوكية لطفل إبتدائي وفتى إعدادي وشاب ثانوي وشاب جامعة .... يدرس خدمة قرية ويدرس خدمة ذوي إحتياجات خاصة وصم وبكم ومكفوفين.... مع الأسف المشروع دة مرمي في درج المكتب.... كل اللي أقدر أقوله إني أرجو من كل خادم وخادمة يتروى في كل كلمة هاتطلع من بوقه لمخدوم.... ويكون عارف إنه لازم يعلم المخدوم الصح بالحب مش بالعنف.... #التربية_الكنسية_حب_كبير #مدارس_الأحد_جنة_على_الأرض 
|
|
25 - 03 - 2019, 10:30 AM
|
رقم المشاركة : ( 2 ) | ||||
|
† Admin Woman †
|
رد: مدارس الاحد جنة على الأرض
أرجو من كل خادم وخادمة يتروى في كل كلمة هاتطلع من بوقه لمخدوم
صح يا قمر ربنا يباركك حببتي |
||||
|
|
|
25 - 03 - 2019, 10:09 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مدارس الاحد جنة على الأرض
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| العاب مدارس الاحد |
| لقادة مدارس الاحد: |
| صلاة قبل درس مدارس الاحد |
| ملايكة مدارس الاحد |
| فى مدارس الاحد |
العرض العادي
