|
 |
 |
 |
|
رقم المشاركة : ( 1 )
13 - 09 - 2013, 02:39 PM
|
|||||||||||
|
|||||||||||
|
معجزة رهيبة للبابا كيرلس والام ايرينى " ليتجمد اسم الرب  انا مش عارف انت لسه عايش ازاي ؟؟؟؟؟ اعترف لك يا رب من كل قلبي عظيمه هي اعمال الرب ومشيئاته كلها محفوظه مز 110 : 1 اسمي وليم منصور عبد الملاك اقيم في اسيوط اسجل هذه المعجزه لتروا كيف امتدت الي يد الله الشافيه بشفاعه البطل ابو سيفين بعد ان كنت اتناول يوميا وانا في المستشفي 33 قرصا من الحبوب تتكرر 3 مرات يوميا و 11 حقنه في اكتوبر 2006 لاحظت ظهور شئ مستدير مثل ليمونه صغيره في جنبي اليمين ومع الوقت ظلت تكبر في الحجم ولم اهتم بها ولظروف عملي كنت اقوم بقضاء كل احتياجات المنزل يوم الجمعه وفي مره وانا راجع ومعايا الطلبات شعرت بثقل في رجلي اليمين فاركبت تاكسي وكنت بحك بشده في جنبي اليمين ولاحظت احمرار المنطقه من الصره وحتي الفخذ ولما زوجتي السيده نبيله تعمل كمشرفه عمليات بالمستشفي الجامعي باسيوط رات الورم مع الاحمرار قرعت صدرها وقالت ده سرطان قلتلها لا سرطان ولا حاجه ما انا عايش اهوه لو كان سرطان كنت فضلت عايش !!!!؟ ذهبت للمستشفي الجامعي باسيوط حيث تعمل زوجتي ده كان في شهر سبتمبر وكان الزحام كتير لانها فتره امتحانات طلبه البكالوريوس عملت سونار وفحصني اربعه اطباء واحضر احدهم سرنجه 25 سم ووضعها في الورم بدون بنج وسحب منه عينه واعطي لي التقرير ولم يخبرني بشئ فقط نصحني بالتوجه الي طبيب جراح اخذت التقرير وذهبت الي الاستاذ الدكتور علي عبد المطلب في عيادته الخاصه ولما عرف بانني زوج مدام نبيله نصحني بالرجوع اليه بعد فتره الامتحانات ذهبت الي مستشفي تابع لمطرانيه اسيوط فنصحوني بالتوجه الي مستشفي القوات المسلحه لانها ممتازه ويحق لي العلاج بها لاني موظف مدني بالقوات المسلحه ذهبت لعملي وعملت خطاب تحويل لمستشفي القوات المسلحه حضرت حقيبتي واخبرت زوجتي اني مسافر في مأموريه عشان مش تقلق عليا وتكون اعصابها هاديه وعشان تنتبه للبيت وخصوصا اننا عندنا 5 اولاد وبنت ومازالوا محتاجين لرعايه وصلت القاهره ودخلت المستشفي وقابلني طبيب برتبه عقيد ( طلب عدم ذكر اسمه ) وبعد الكشف والاطلاع علي التقرير كتب لي علي دخول للمستشفي واجري بعض التحاليل اخبرته اني مدخن قالي افعل كل ما تريد في الحقيقه اهتم بي اهتماما كبيرا واخبرني انه فقط المسئول عن علاجي واوصاني واوصي كل هيئه التمريض بعدم قيام اي طبيب باخذ عينه مني او اعطائي اي دواء بخلاف ما يقرره هو بنفسه واظبت علي العلاج لمده 15 يوم وخلالها كان يجري لي تحاليل واشعه ولما اخبرته اني عايز ارجع بيتي قالي لا لازم تروح المجمع الطبي بالمعادي وتعمل اشعه ثلاثيه الابعاد ذهبت بالفعل وانزعج الطبيب هناك وتعجب انني لا اصدر اي انين وقال لي ايه يا ابني الي عندك ده ؟؟؟؟ دي بطنك كلها متلخبطه !!!! انا مش عارف انت لسه عايش ازاي !!!؟؟؟؟؟ وحددلي استلام التقرير بتاع الاشعه بعد 3 ايام في الحقيقه اوقات كتير كنت بشعر بالالام رهيبه في البطن بس ما انكرش ان ربنا كان بيرفع عني الالم الزايد عن طاقتي استلمت الاشعه حسب الميعاد وكنت قلقان جدا من كلام الدكتور اخصائي الاشعه وانا راجع في شارع كورنيش النيل قريت يافطه لطبيب فطلعت العياده ودفعت الكشف فسالني الدكتور فين المدام فقلتله انا الي هااكشف فرد الطبيب وقالي ليه انت مش قريت اليافطه الي بره ؟؟؟ فاجابته لا فاخبرني انه اخصائي نساء وولاده فبكيت ووضعت امامه الاشعه والتقارير وطلبت منه ان اعرف ما بهما بالظبط وبعد اطلاعه عليهم قام بتهدئتي ورد لي مبلغ الكشف وقالي انت كل الي عندك ورم بسيط ها يضيع بالعلاج فرجعت المستشفي تاني وقابلت الطبيب المختص بحالتي واستلم الاشعه واوصاني اكل كل ما اريد واوصي كل هيئه التمريض وليم يدخل ويخرج براحته محدش يمنعه عن حاجه في الحقيقه الشك ملئ قلبي لانه من الطبيعي ان يمنع الطبيب المريض عن بعض الامور يعني بلاش تدخن الاكل ده ممنوع ومطلوب راحه لكن حدث معي العكس سمح لي بكل شيئ فقلت له من فضلك صارحني وعرفني الحاله وانا هقول لحضرتك حاجه اذا كنت انت خرجت اجيالا من الاطباء مش حتقدر تزود من عمري ثانيه ولو كنت متخرج امبارح مش ها تنقص من عمري ثانيه ربنا وحده المتحكم بالاعمار رد الدكتور وقالي ايمانك ده هو الي مخليك صامت ومحتمل وصابر انا فعلا كنت شاعر بايد ربنا محافظه عليه فلم اتعرض لارتفاع الضغط ولا انهيار وفعلا صارحني وقالي انت عندك ورم وانه سيقوم باجراء عمليه كان مسموحلي بالخروج لمده ساعتين وانا ماشي لقيت نفسي قريب من كنيسه الشهيد ابو سيفين بمصر القديمه فدخلت وقابلت ابونا برسوم فريد راعي الكنيسه وقلتله انا من الصعيد وحاليا في مستشفي القوات المسلحه وعرضت عليه صوره تقرير الاشعه فصلي لي واعطاني زجاجه زيت مصلي واخرج من جيبه صورا وقالي " دول الي هيعملوا ليك العميله "كان منها صورهللقديسين قزمان ودميان وصوره اخري للشهيد العظيم ابو سيفين وراهبه ولما سالته عنها عرفت انها امنا الغاليه تماف ايريني رئيسه دير ابو سيفين ولم اكن اعرفها او رأيتها من قبل قابلت كمان ابونا سوريال راعي كنيسه الانبا شنوده رئيس المتوحدين بمصر القديمه وصلي لي ومن اليوم ده بدأت اخد اذن لمده ساعتين كل يوم اربعاء وجمعه وأحد واخرج لحضور القداس واذا لم أذهب كان ابونا يرسل لي قربانه بركه مع خدام الكنيسه انا مكنتش اعرف مكان الدير ولا دخلته قبل كده ولا عمري سمعت عن تماف ايريني انا كنت بحب البابا كيرلس والانبا ابرام وابونا عبد المسيح المناهري فجمعت صورهم كلهم ولصقتهم علي جنبي مكان الورم وكنت ابكي بحراره ودموع اعطيت تقرير الاشعه للخادم وطلبت منه عرضي علي اي طبيب ومعرفه الحاله بالظبط فحضر لي الخادم وقالي " يا عم وليم ما تزعلش انت عندك سرطان ضاغط علي الكبد وفتحه الشرج " ولاول مره عرفت حقيقه حالتي بالظبط كان سبق واتحدد ميعاد للعمليه بتاعتي ثلاث مرات وفي كل مره كانت بتتأجل وتتغير ميعادها وعرفت بعدها ان الاطباء خايفيين يعملوا العمليه لانهم لو لمسوا الكبد هموت ولو لمسوا فتحه الشرج يبقي لازم الاخراج يتجمع في كيس ويتغير من وقت للتاني وفي يوم جه ثلاث او اربع دكاتره وهما بيكشفوا عليه سمعتهم يتهامسون " نسيب صاحب الحاله دي يموت بدل ما نبهدله " والتاني يقوله احنا نفتح نشوف الورم ونقفل "والثالث يقولا لالا احنا نفتح ناخد عينه من الورم ونحللهوالرابع يقول لا احنا نشيل ونركب شبكه ونقفل او نسيبه لغايه ما ربنا يتولاهمن الاخر ارائهم اختلفت اخيرا حددوا لي ميعاد للعمليه الاثنين 4/12/2006 يعني يوم عيد الشهيد ابو سيفين فلما حضر الطبيب استاذنته في الاتصال باحد اولادي ليكون معي فقالي " يا وليم ستخرج من العمليه وتجدني بجوارك انا واولادي وزوجتي " في يوم السبت 2/12/2006 حضر ابني شنوده من اسيوط وكنت قلقان جدا لمعرفتي بميعاد العمليه فشربت كميه كبيره جدا من السجاير وقبل النوم صليت بدموع وطلبت معونه من ربنا ومن القديسين الي حواليه وفي نصف الليل حوالي الساعه اثنين فوجئت بالمريض المقيم معي في نفس الحجره يقولي" يا عم وليم ... يا عم وليم ... "قلتله ايه في ايه فقالي ريحه بخور كنيسه عندك فقلتله انت اتجننت هتيجي منين ريحه بخور الكنيسه هنا ده تلاقيه عقب سيجاره لسه مولع بس هو فضل يؤكد ان الغرفه معبقه ريحه بخور كنيسه مش سجايرونادي علي الحكيمه والطبيب النبطشي واكدوا فعلا ان ده ريحه بخور كنيسه وبالتالي رفض يبات معايا وقالهم ده وليم بيحضر عفاريت فتم تفتيش الحجره تحت السرير ووراه الدواليب يمكن تكون هناك نار مولعه موضوع عليها بخور وطبعا مالقوش حاجه قضيت بقيه الليله لوحدي كنت في كامل اليقظه وفعلا لاحظت ريحه بخور وتزداد في شدتها بعدها سمعت اصوات تسبيح وترانيم ولقيت الغرفه نورت نور فسفوري وشوفت قدامي البابا كيرلس :والشهيد ابو سيفين ؛والطبيبين قزمان ودميان "وتماف ايريني "واقترب مني البابا كيرلس وانا عارفه وقالي ايه ياه يا وليم انت بتشوف نفسك غالي عندنا ولا لا ؟ نام ووريني الالم فين ؟ فنمت ورفعت ملابسي فاقترب مني الشهيد ابو سيفين وتماف ايريني في زي الراهبه ولكن ملابسها بيضاء والشهيدان قزمان ودميان ووضعوا ايديهم علي مكان الالم فشعرت كان في شيئ بينغبش فرفعت راسي عشان اشوف ايه الي بيحصل فقام البابا كيرلس مغطي راسي بالملايه فا استرخيت ونمت فتحت عيني كانت الساعه السادسه صباحا وانا بقولهم " انت لسه مخلصتوش ؟ فلم اجد احد بالغرفه فذهبت الي الحمام وحاولت انزع صوره الشهيد ابو سيفين وتماف ايريني الملصوقه علي جنبي كعادتي كل يوم عند الاستحمام واعيدها مره اخري ولكن بلا جدوي حاولت انزعها بالمياه ما عرفتش رجعت وجلست علي السرير وصممت اني انزع الصور باي طريقه نزعت بعضهم وفوجات بنافوره دم فدخلت الحكيمه ورات الدم فسالت عن سببه فلم اخبرها بشئ فقالتلي انا ها انادي علي الدكتور يجي يشوفك فاعطيتها مبلغ من المال وقلتلها غيري الملايات وعدم اخبار الطبيب باي شئ سبت لها الغرفه ونزلت الكافتيريا لاشرب شاي فحضرت رئيسه الحكيمات وابلغتني ان الطبيب وزميله يسالون عني بخصوص العمليه وعايزينك تمر عليهم في المكتب قبل ما تصعد غرفتك ناداني الدكتور وقالي " تعالي يا رجل يا صعيدي وريناه جنبك النهارده " وانا واقف رفعت ملابسي فوجدته بدهشه كيير ه ينادي علي زميله ويقوله " تعالي شوف دا وليم حصلت معاه كرامه ( وبحسب تعبيره كلمه كرامه تعني معجزه ) وعندما وقفت امام طبيبي العقيد المتابع لحالتي فوجئت بيه يصفعني علي وجهي ويقولي " انا مش قلتلك محدش يقرب منك او ياخد منك عينه ؟؟ مين الي اخد منك عينه ؟؟ قلتله يا دكتور محدش خد مني عينه دي حصلت معجزه قالي يعني ايه معجزه فرد زميله وقاله انا بقولك حصلت معاه كرامه فقام الطبيب واحتضنني بفرحه شديده واحضر اربعه صناديق من البيببسي ووزعها علي الموجودين بالمستشفي وهو بيقول "دي حلاوه شفاء وليم العمليه اتلغت " اجريت في نفس اليوم الاشعات الازمه وكان التقرير " لا يوجد اثر للمرض " فضلت في المستشي بعدها اسبوع دون اخذ اي علاج وصرح لي الطبيب بالخروج وطلب مني الحضور بانتظام للمتابعه فضلت اتردد علي المستشفي كل خمسه عشر يوما لمده سته شهور وكان يجري لي خلالها اشعه تليفزيونيه وتحاليل بول وبراز وصوره دم كامله وكانت النتائج كلها سليمه تماما والاطباء في اسيوط قالوا لزوجتي وليم اتكتبله عمر جديد رجعت البيت وكان الجميع في حاله من الضحك والبكاء من شده ما غمرنا الله به من عظائم ووقفنا كلنا نمجد الله وقديسيه اشكر ربنا لاني عرفت مكان الدير لاول مره وقد اتيت اليوم 13/6/2008 لكي اسجل هذه المعجزه وكانت العمليه التي اجرتها لي السماء عباره عن ثلاث فتحات يكونوا مع الصره شكل صليب وهذه الاثار الجراحيه موجوده بالفعل في الجسم وعاينها كل من سمع بالمعجزه وكذلك ابائي الكهنه في كنيسه الشهيد ابو سيفين بمصر القديمه وكل من تقابلت معه في الدير بركه وشفاعه الشهيد العظيم ابو سيفين وامنا تماف ايريني والطبيبان قزمان ودميان والبابا كيرلس مع جميعنا اجمعين يا رب مد ايدك وانزع كل مرض عن اولادك 
|
|
14 - 09 - 2013, 08:50 PM
|
رقم المشاركة : ( 2 ) | |||
|
..::| مشرفة |::..
|
رد: معجزة رهيبة للبابا كيرلس والام ايرينى " ليتجمد اسم الرب
بركة صلاتهم تكون معانا امين ميرسي علي المعجزة ربنايعوض تعب محبتك
|
|||
|
|
|
15 - 09 - 2013, 07:07 AM
|
رقم المشاركة : ( 3 ) | ||||
|
† Admin Woman †
|
رد: معجزة رهيبة للبابا كيرلس والام ايرينى " ليتجمد اسم الرب
بركتهم تكون معانا
انا مش عارف انت لسه عايش اذاي ؟؟؟؟؟ |
||||
|
|
 |
|
العرض العادي
