ماتقولي يابنتي ليه بتبكي

[walaa farouk]

ماتقولي يابنتي ليه بتبكي
زعلانه عشان قاعده وحيده !!
من كتر سكوته اه ياعيني
مابقاش بيقول جملة مفيدة
ودموعك يومياً سايله
علي خدك ويا التنهيده
كل ده علشان مبينطقش
ومشاعر قلبه بيخفيها
ماهو لو كنتي انتي ف باله
كان شور جدا راح يحكيها
عشمك بصراحه بقى بزياده
والحلو بهبله بيتمادى
وانتي سلوكك علشان ناعم
راح يتسهوك اوي كالعاده
اياكي تواربيله بيبانك
اقفلي واسمعي صوت تخبيطه
لو مش عاوزك .. شور هينفض
ماهو تخبيطه بإيه هايفيده
وان كان قلبه صحيح بيريدك
بإيديه راح يرميه في بريدك
وبلهفه يخبط علي بابك
وبنحنحه راح يطلب ايدك
ماهو ده بقى طبع الرجاله
بيدوسوا القلب اللي رايدهم
واما يحسوا انه خلاص باعهم
في ثواني يعدلوا اساليبهم
اسمعي بقي كلمة من اخوكي
لازم تنسي اللي بينساكي
واياكي تعيشي ف يوم الا
لحبيب من قلبه بيهواكي
واياكي تعشمي احساسك
ان التقلان راح يتحول
ماهو لو كان فعلا بيريدك
كان جالك دوغري من الأول
فـ نامي يابنتي قوام وانسيه
وخلي القلب يفوق من وهمه
ويمحي قوام اشواقك ليه
وخلي العقل يعيد تفكيره
وميفكرش في نار لياليه ...
بطلي تسمعي بقى ف رومانسي
متوصل بالهاند فري
وبطلي تحلمي تبقي فراشة
لجل تشوفي اوضة معاليه !!
وبلاش تشغلي بالك بيه
مشغل ايه مخصوص علشانك
ومهيمن ومركز فيه
جايز جدا راح تلاقيه
مشغل شعبي ومعليه
متعشمة يوميا انك
لو جيتي عليه وزعلتيه
انه بسرعه قوام هيسامحك
وجرح مشاعرك راح يداويه !!
فوقي يابنتي بقى احسنلك
هو اساسا ناسي ملامحك
حتي ان صدفة بعينه ولمحك
جايز يسأل اسمك ايه
فوقي يا بنتي مانتيش جارية
تحت اوامر حكم البيه
زعلان يقلب فرحان يعدل
ومحدش يستجرى عليه
حبك ملهوش اي افادة
طول ماهو تقلان وبيتمادى
وتقله عليكي اصبح عادة
ومش شايفك اصلا بعينيه
كلمة اخيرة راح اقولهالك
لو لساكي بتحبيه
ارمي وراكي ردود افعاله
وعيشي في وهمك واستنيه ...

[sama smsma]

كلمات جميلة
ربنا يفرح قلبك

[walaa farouk]

ميرسى على مرورك الغالى سمسمة