مدرسة الفرح المسيحى ( خلى ردودك تكون سبب نجاح مواضيع الأخرين )

[Ramez5]

سلام ونعمه أحبائى الخدام والخادمات

كنت عاوز اتكلم معاكم عن ايه هى الردود السلبية وما ضررها
والردود الإيجابية وما منفعتها

على فكرة بجد هأذكر فى الموضوع نقاط لأول مرة تعرفوها
ومش هتلاقوا حد فى أى منتدى عامل كدة
غير احنا اللى هانعمل كدة

الردود السلبية انك تلاقى حد مكرر نفس الرد فى أغلب الموضوع أو المواضيع
دة أكبر ضرر على صاحب الموضوع
انا كدة مش بشجعة .. بالعكس
طيب ازاى ؟

لأن محركات البحث بيجلها استعلام ان المواضيع دى حصل ردود فيها
فبيجد انها ردود متطابقة .. بيعتبر الرد دة Spam ( يعنى رد ألى ) ودة بيضر

طيب الرد الإيجابى انى أغير فى كل رد ؟
هنا بقى اللى هانتعلمة فى الرد الناجح وسبب انك تخلى الموضوع ناجح

ردك على المواضيع بردود مختلفة هايدى نجاح للموضوع بنسبة 60 %
طيب لو انا عاوز يكون الرد على الموضوع يسبب نجاح بنسبة 100%
هأقولكم ازاى
مثلاً موضوع عنوانة عن مارجرجس ....
يكون ردى جوة الموضوع أذكر فيه كلمة مارجرجس
تصميم جميل للبطل مارجرجس
أو .. موضوع جميل للشهيد مارجرجس
أو ... ميرسى على سيرة مارجرجس العطرة
أو .. بركة أمير الشهداء مارجرجس تكون معنا
تخيلوا كل واحد رد على الموضوع برد مختلف لكن ذكر نفس اسم الموضوع فى مشاركته
هتلاقى بعد شهر واحد ( كل يوم فى زوار على الموضوع دة )
تخيل انت خليت ردودك كلها كدة فى المواضيع
هتلاقى انك عززت الموضوع بمشاركتك وكنت سبب نجاحة

طيب وأقسام المنتدى
مثلاً قسم التوبيكات
لما تكتب فى ردك
توبيك جميل
ميرسى على التوبيك
توبيك مميز
توبيك رائع
ميرسى للتوبيك الرائع
هتلاقى انك بعد فترة صغيرة كل يوم زوار أكتر فى قسم التوبيكات
طيب لو كلنا فى ردودنا عملنا كدة
هتلاقى القسم دة من أنجح الأقسام فى المنتدى

معلش أسف طولت عليكم
لكن خلى ردودك تكون سبب نجاح مواضيع الأخرين
وبردك تكون انسان مميز عند صاحب الموضوع ..

ربنا يبارك الخدمة لمجد اسمه القدوس

[MenA M.G]

أنا مبسوووووووووووط جداً ان الفكرة وجدت من حضرتك الاهتمام

والنقطة اللى حضرتك وضحتها بخصوص الرد المزعج دى أول مرة أعرفها
وأكيد مش هتتكرر تانى

+ أنا بقترح اننا ناخد جملة من الموضوع (اذا كان موضوع مُطَول ) ونضيفها على الرد


زى مثلا
*****


لكن خلى ردودك تكون سبب نجاح مواضيع الأخرين

أبدعت فتألقت ، فلمع طرحك مع نجوم السماء




****************
بالمناسبة هو فيه دروس خصوصية للضعفاء أو حتى دروس تقوية ؟؟؟
عايزين ناكل عيش معلش

[Ramez5]

هههههههههههههههههه
احنا بنتعلم من بعض
أة .. ممكن ناخد جزء من الموضوع
ونشارك بالرد عليه
بحيث مايكونش الرد سلبى
وزى ما قلنا الأقوى لما تذكر جزء من عنوان الموضوع فى الرد
كدة بنعمل تعزيز للموضوع من خلال العنوان

[walaa farouk]

ميرسى يا رامز للتوضيح المهم ده
احنا كل يوم بنتعلم حاجات جديدة منك
بجد ربنا يبارك خدمتك الجميلة والمميزة
وفعلا لازم ردودنا تبقى فيها تغير عشان تكون مميزة

[Ramez5]

لازم تكون ردودنا مختلفة
علشان انتم خدام مميزين
وخدى بالك فى كتير بيتعلموا منكم بجد

[MenA M.G]

تمااااااااااااااااااااااااااام

وكمان كنت عايز اذكر نقطة مهمة فى الرد

لو نقدر نرد على المواضيع كلها وفى نفس الوقت تفضل المواضيع فى نفس القسم مترتبة ومفيش موضوع جديد يختفى وسط القديم
لازم نستخدم فلاتر المنتدى

[walaa farouk]

المشاركة الأصلية كتبت بواسطة ramez5

لازم تكون ردودنا مختلفة
علشان انتم خدام مميزين
وخدى بالك فى كتير بيتعلموا منكم بجد

انت فعلا نبهتنى جدا لحكاية الردود المختلفة ديه
احنا فعلا ساعات كتير ردودنا بتبقى واحدة
بس انا عن نفسى بفرح جدا بالمشاركة او الرد المختلف فى الموضوعات بتاعتى
بجد انا استفدت جدا من كلامك انهارده يا رامز
ربنا يبارك خدمتك المميزة

[ميرو]

بجد رائع فعلا
انا معاك ف كدا والمفروض نعمل كدا

[Rena Jesus]

كلامك صح جدااااااااااااااااااااا
فعلا ياريت كلنا نعمل كده

[Mary Naeem]

تمام يا رامز

نحاول نغير في الرودو بما انها هتساعد علي نجاح المواضيع

بس كنت عاوزة اقول حاجة في موضوع الفلتر

في ناس كتير جدا مش بتعرف موضوع الفلتر

غير ان الاغلب اللي بيدخل المنتدى من الموبايل

ودا كلام رامز

ويبقى التعامل صعب في موضوع الفلتر

ثانيا

انا لو عضو داخل اشوف المنتدى واجد اول كم صفحة موضيع قديمة

بصراحة همشي واقول ايه المنتدى اللي نايم دا