الاصحاح الثاني (يوميات قراءة وتأمل لسفر اعمال الرسل مع قداسة البابا تواضروس الثانى)

[walaa farouk]

🔴 "معاً بنفس واحدة " ( أع٢ : ١)

🖋يوميات قراءة وتأمل لسفر اعمال الرسل يومياً مع قداسة البابا تواضروس الثانى خلال صوم الرسل .

⭐ (كل يوم تأمل وتفسير مبسط لاية من الاصحاح ) .

♦️الاصحاح ٢ .

🔹️الاصحاح التانى بيكلم عن يوم حلول الروح القدس او اليوم الخمسين اللى بنسميه احنا " تاريخ ميلاد الكنيسة المسيحية " .
🔹️شرح بطرس فى خطابه وعظته الجميلة يوم الخمسين كل شىء ولكن انا احب اقف وياكم عند بعض العبارات زى الاية

❤ " وصار خوفاً فى كل نفس " . ( أع ٢ : ٤٣ )
◾ودا الانسان اللى عايش بالمخافة .

❤ " والاملاك والمقتنيات كانوا يبيعونها ويقسمونها بين الجميع كما يكون لكل واحد احتياج " . ( أع ٢ : ٤٥ )
◾يعنى حياة الشركة .

لكن اجمل ما فى اختبارات هذا اليوم هو العبارة المذكورة فى عدد ٤٦
❤ " واذ هم يكسرون الخبز فى البيوت كانوا يتناولون الطعام بابتهاج وبساطة قلب " . ( أع ٢ : ٤٦ )

🖋📖التأمل والتفسير 📖

❤"يتناولون الطعام بابتهاج وبساطة قلب ".

◾دا تعبير عن الشكر ، تعبير عن الرضا تعبير عن القناعة ،تعبير عن النفس المستريحه زى ما بنقول فى تعبيرنا المصرى البسيط " مطرح ما يسرى يمرى " يعنى النفس بتتناول الطعام اللى هو عطية الله بابتهاج وبساطة قلب .

◾ الدعوة انك تتناول الطعام وسط اسرتك بابتهاج وبساطة قلب ، برضا وبشكر وقناعة . وحس ان اللقمة اللى بتاكلها بتبقى لقمة حلوة .
◾ البيت اللى فيه سلام وبساطة وفيه ابتهاج افضل من البيت اللى مليان ذبائح وفيه خصام زى ما اتعلمنا فى الكتاب .
🔴🖋 تدريب النهاردة .

❤ كل واحد هيصلى من اجل الاسرة صلى من اجل اسرتك سواء الاسرة الصغيرة او الاسرة الكبيرة .

❤هنصلى من اجل كل فرد فى الاسرة ومن اجل حياة الاسرة بان يتمتعوا بهذة الحياة الجميلة حياة الاسرة .

❤وخلى اليوم التانى فى صوم الرسل اللى هو" صوم الخدمة " كلنا نصلى من اجل الاسرة .

#معا_بنفس_واحدة_للبابا_تواضروس_الثانى