|
 |
 |
 |
|
رقم المشاركة : ( 1 )
09 - 03 - 2022, 06:55 PM
|
|||||||||||
|
|||||||||||
 -بتحبني أد أيه يا بابا؟! =أد البحر يا حبيبي.. -أنا باحبك أد الكرة الأرضية... وهنا كان لازم أزايد عليه وأقوله أنا باحبك أد الكوكب.. كلنا بنتسابق نعلن مقدار حبنا لبعض .. ولاقيت نفسي باقوله☺️ =أنت أكتر واحد أنا باحبه في الدنيا .. - طيب وأختي ؟! =باحبها أكتر واحدة في الدنيا 👈وجه في دماغي مقدار محبة ربنا لينا المحبة غير المحدودة... محبة في كل وقت.. محبة في كل الأحوال... محبة ما بتتأثرش بأفعالي.. أيوة بجد مفيش حاجة ينفع أعملها تزود محبة ربنا ليّ ولا أي تصرف غلط هيقلل من حبه ليّ.. أكتر الأشخاص شر ربنا بيحبهم بنفس مقدار محبته للأبرار القديسين.. يعني ربنا بيحب كل واحد فينا 💜"أكتر واحد في الدنيا"💜 .. محبة مطلقة...محبة مالهاش بداية ونهاية.. محبة فعالة وشغالة طول الوقت ... ورجعت لملامح أبني وهو بيرمي نفسه في حضني بعد ما اتأكد أنه هو أكتر واحد أنا باحبه..... أنا كمان عايش مطمن لأني أكتر واحد ربنا بيحبه.. وبغض النظر عن أي حاجة إنت كمان أكتر واحد ربنا بيحبه... بيحبك حب مالوش حدود 💜 
|
 |
|
| قد تكون مهتم بالمواضيع التالية ايضاً |
| الموضوع |
| التائب دا اكتر واحد يتمتع بمحبة و رحمة ربنا |
| حط قدام ربنا كل شئ بديته |
| يا بخت اللي ربنا بيحبه |
| مين اللي ربنا بيحبه ؟؟ |
| كل واحد يختار رقم بيحبه من (1-20) ويشوف ربنا عاوز يقوله ايه |
العرض العادي
