اللي مش هيشيل الصليب دا، فالمسيح بيقول عنه لاَ يَقْدِرُ أَنْ يَكُونَ لِي تِلْمِيذًا

[walaa farouk]

مكتوب: «إِنْ كَانَ أَحَدٌ يَأْتِي إِلَيَّ وَلاَ يُبْغِضُ أَبَاهُ وَأُمَّهُ وَامْرَأَتَهُ وَأَوْلاَدَهُ وَإِخْوَتَهُ وَأَخَوَاتِهِ
، حَتَّى نَفْسَهُ أَيْضًا، فَلاَ يَقْدِرُ أَنْ يَكُونَ لِي تِلْمِيذًا. وَمَنْ لاَ يَحْمِلُ صَلِيبَهُ
وَيَأْتِي وَرَائِي فَلاَ يَقْدِرُ أَنْ يَكُونَ لِي تِلْمِيذًا.» (لوقا 14: 26، 27)
يعني أيه؟
+ يعني اللي هيسيب خدمته وكنيسته علشان دي رغبة والده أو والدته،
فلازم يكون عارف إن دي مش مواصفات تلاميذ المسيح!
+ يعني اللي هيمنع نفسه عن عمل البر والصدقة والبذل،
علشان ميزعلش زوجته و أولاده، فلازم يكون عارف إن دي مش مواصفات تلاميذ المسيح!
+ يعني اللي هيسمع لصوت اخواته ويسلك في مشورتهم
بدل ما يسمع لصوت ربنا ويسلك في مشورته، فيبتدي يظلم ويقسى وينهب .. إلخ،
فلازم يكون عارف إن دي مش مواصفات تلاميذ المسيح!
+ يعني اللي هيطاوع نفسه في شهوات وأطماع وملذّات العالم،
فيبعد عن وصايا ربنا، فلازم يكون عارف إن دي مش مواصفات تلاميذ المسيح!
طيب الموضوع سهل؟
لا مش سهل، دا صليب تقيل! إنك تحتمل غضب أقرب الناس ليك،
بشكر وفرح من غير ما يتزعزع ثباتك في وصايا ربنا
ومداومتك على حياة البذل والخدمة
وإنك تقاوم شهوات العالم ورغبات نفسك.
لكن اللي مش هيشيل الصليب دا،
فالمسيح بيقول عنه: لاَ يَقْدِرُ أَنْ يَكُونَ لِي تِلْمِيذًا.