|
 |
 |
 |
|
رقم المشاركة : ( 1 )
15 - 01 - 2017, 07:31 AM
|
|||||||||||
|
|||||||||||
 بعد سنه جواز اقدر اقول المفاهيم العشرة الخاطئة في الجواز عشان متتصدموش بعدين 😃😃 **هتخروجو ع الفجر والدنيا هادية والناس نايمة وتشوفو شروق الشمس وانتو ماسكين ايد بعض .. مره لما زنيت ع زوجي عشان نعمل كده طلعني السطح واحنا بنتفرج ع الشروق مسك ايدي وقالي "كده مسمعكيش تطلبي مني حاجه لمدة شهر 😁 **ان لازم تعملي نيولوك وتغيري كل شوية وبتاع ... ع فكره الرجاله مش بتاخد بالها من اي تغيير المره الوحيدة اللي زوجي خد باله لما كنت جايبه روج كاشمير وموضة وبتاع وفرحانه بيه لقيته بيقولي ايه السيانوزس (cyanosis اللي في شفايفك ده 😁 **ان جوزك هيعلمك السواقة ويبقي وقت رومانسي وقلوب كتيير... المره الوحيدة اللي اتحايلت ع زوجي عشان يعلمني روحنا متخانقين .. هوا شايف اني غبية ومش هتعلم وانا شايفه انه عصبي ومش صبور وفيها ايه لما اخبط العربية عشان اتعلم وع راي المثل easy come easy go 😃 لازم اخد وقتي عشان منساش **ع فكره مش هتفرحي لما جوزك يدخل معاكي المطبخ ويساعدك وتعملو اكل سوا ...زوجي لما بيدخل معايا المطبخ بيربكني ( متحطيش زيت كتير ف الاكل .. مبحبش السمنه ف الاكل (مع انه كل مره بياكلها عادي 😃 .. الملح كتير .. متقطعيش البصل من غير جاونتي ..ايه ضاه !! الاكل ليه عامل كده ..... انا بخليه يحلف انه ميدخلش المطبخ لغاية مااخلص الاكل 😃 **"اقرب طريق لقلب الراجل معدته " بصراحه انا مش عارفه العيب في المثل ولا في اكلي ولا في معدة زوجي 😃 **جوزك مش هيجي من بره يحضنك ووحشتني ياحبيبتي والكلام ده .. ده هيجي غرقان عرق وشايل كياس الخضار والفاكهه و انتي غالبا لو جريتي عليه مش هيبقي عشان واحشك ابسلوتلي ده انتي عايزه تشوفي جابلك الطلب اللي بتطلبيه منه يوميا ليكي شهرين وبرده بينسي 😃 **"جوزك ع ماتعوديه " ده بصراحه افشل نصيحه ف الجواز يعني مثلا كل يوم اقول لزوجي خد الزبالة معاك وانت نازل ولو نسيت اقوله ف مره مش هيفتكر ياخدها او مثلا كل مره وهوا مروح اقوله هاتلي حاجه حلوه وانت جاي ومبيفتكرش ده تقريبا اتعود انه ينسي يجيب 😃 **"الزن ع الودان امر من السحر " دي بردو نصيحه فاشلة تانية يعني مثلا لمبة المطبخ لما اتحرقت وقولته..... قالي بكره بعد اسبوع .. يا حبيبي لمبة المطبخ محروقة قالي خلاص بكره ان شاء الله بعد شهر .. قالي.... قولي بصراحه انتي مزنوق في تمن اللمبة ؟ احنا مش غرب دلوقتي انت ممكن تصارحني عادي لغاية ما ف يوم في قعدة صفا كده اتكلمنا ف الموضوع ده واتناقشنا ف اهمية لمبة المطبخ ووعدني ان بكره هيغيرها واديني مستني 
|
|
15 - 01 - 2017, 09:43 AM
|
رقم المشاركة : ( 2 ) | ||||
|
† Admin Woman †
|
رد: المفاهيم العشرة الخاطئة في الجواز
مشاركة جميلة جدا ربنا يبارك حياتك |
||||
|
|
|
15 - 01 - 2017, 11:43 AM
|
رقم المشاركة : ( 3 ) | ||||
|
..::| الإدارة العامة |::..
|
رد: المفاهيم العشرة الخاطئة في الجواز
ميرسي على مرورك الغالى مارى
|
||||
|
|
|
15 - 01 - 2017, 11:55 AM
|
رقم المشاركة : ( 4 ) | ||||
|
..::| الاشراف العام |::..
|
رد: المفاهيم العشرة الخاطئة في الجواز
ميرسى ربنا يبارك تعب محبتك
|
||||
|
|
|
15 - 01 - 2017, 10:02 PM
|
رقم المشاركة : ( 5 ) | ||||
|
..::| الإدارة العامة |::..
|
رد: المفاهيم العشرة الخاطئة في الجواز
ميرسي على مرورك الغالى رينا
|
||||
|
|
 |
|
العرض العادي
