|
 |
 |
 |
|
|
|
رقم المشاركة : ( 1 )
28 - 01 - 2022, 01:16 PM
|
|||||||||||
|
|||||||||||
 دبش .. د.مجدي إسحق الدبش هي الحجارة الثقيلة غير المستوية التي يجب تهذيبها لكي تستخدم في بناء البيوت.. فيه بقي ناس "دبش" ، الفاظها ، كلامها ، تعبيراتها ، تشبيهاتها ، حتي هزارها و تصرفاتها دبش .. ناس لا تفكر في اثر كلامها او أعمالها علي اللي قدامها ، "ثقيلة الظل" ، كثيرة الأخطاء .. حتي الله نفسه عبر عن عدم رضاه عنهم : «أَقْوَالُكُمُ اشْتَدَّتْ عَلَيَّ، قَالَ الرَّبُّ. وَقُلْتُمْ: مَاذَا قُلْنَا عَلَيْكَ؟ (ملاخي ٣: ١٣) .. فيه منهم "دبش " مع الكل ، ما بيميزش . و فيه منهم "دبش" مع القريبين و أهل بيته ، اما مع الغريب تلاقي "هجمة" أدب و كبسة اخلاق ، و نفحات من اللطف تحل عليهم !! الأخ "دبش" ده بيخسر اللي حواليه لانه ما بيراعيش مشاعر حد و لا مكانة حد و لا سن حد ؛ و عذره الشهير "انا ما اقصدش " انتم اللي ما لكوش حق تزعلوا ، و يمكن يكمل في الدبش بتاعه لو حد عاتبه و يزود العيار الرخم حبتين تلاته !! ده بقي حله حاجة من اتنين : يا توقفه عند حده ، و توريه بحزم و قوة ان اسلوبه مرفوض و انك لن تقبل و لا توافق علي كده ، و ان الحب لا يلغي الاحترام و الأدب و الحدود .. يا لو لقيته بيزداد حماقة و عند و مقاوحة ، او عي تكرهه، تحبه من قلبك و تاخد مسافة حكيمة ، و تقلل الاحتكاك به تماما ؛ لو بيفهم ح يفهم و يراجع نفسه ، و لو ما فهمش اهو علي الاقل تبقي اشتريت راحة قلبك و هناء بالك ، و تسيبه مع رخامته و "دبشه " .. يعني من الاخر ابعد عنه و غني له او ابعد عنه و ادعي له.. و الهادي يهديني و يهديه و يهديك و يهدي الجميع.. 
|
 |
|
| قد تكون مهتم بالمواضيع التالية ايضاً |
| الموضوع |
| اوعي تكون بتقلب |
| اوعي تكون غراب |
| اوعى تكون مطيور |
| اوعي تكون مش انت |
| اوعى تكون فاتر |
العرض المتطور