أيام زمان .. ياسلام على أيام زمان

[كوجى عزت]

فكرة الموضوع

هيكون معانا عضو

هيحكى لينا ذكرياته أو مواقف حصلت معاة زمان أو هو وصغير





أو

ولو شاركنا بصور أو حاجه عنه تبقى كمان كويسة







لازم العضو يرشح حد بعدة


ونبدأ


بمستر رامز

[Mary Naeem]

هههههههههههههههههههههه
حلوة الفكرة دي يا مايكل
شد حيلك يا رامز
عاوزين نعرف ايام زمان

[روشا الفرفوشه]

ههههههههههههههههههه
رامز خلاص هيسيب لينا المنتدى ويطفش
هههههههههههههههههههههههههههه

[Ramez5]

هههههه
فكرتنى بموقف عن الطاعة
كنت فى خلوة بدير الأنبا بولا أول السواح
وفى راهب متوحد فى الجبل اسمة ابونا شنودة الأنبا بولا
قابلنى فى بيت الخلوة وكان معاة حمار وعلى ظهرة جركنين مياة كبار مربوطين
قالى خد الحمار ده والمياة الى علية وأمشى وراء الحمار وهو عارف السكة
وفى وسط الطريق الحمار هايقف فأخبطة على ظهرة وهو هايكمل معاك
وأكد عليا انى امشى وراء الحمار لأنة عارف الطريق
بالفعل سمعت الكلام وفى نصف الطريق عند مطلع جبل لقيت الحمار وقف
افتكرت كلام ابونا الراهب وخبط الحمار على ظهرة
وكانت الصدمة ليا
لقيت الحمار عاوز يطلع الجبل ومش عاوة يمشى فى الصحراء يكمل طريقة
رحت ضربت الحمار وقلتلة تصدق انت حمار غبى وادى اخرة اللى يمشى وراك
وقعدت اضربة وفضلت اشدة فى الصحراء غصب عنة وأزعقلة وغضلت اشد فية كتير
ومرة واحدة الحمار بالجراكن الى على ظهرة شد نفسة وجرى منى وانا فضلت أجرى وراة
لقيتة رجع عند المكان اللى وقف فية أول مرة عند مطلع الجبل
وفوجئت بأبون الراهب شنودة المتوحد واقف هناك
وبصلى وقالى مش انا قلتلك تسمع كلام الحمار
وفعلآ اكتشفت ان فى طريق فى الجبل بيطلع منة الحمار ويوصل المياة لفوق الجبل
والمكان دة حاليا هو مجموعة كنائس فى الجبل يسكنها هذا الراهب المتوحد
دة موقف فى حياتى عمرى ما هانساة اتعلمت منة الطاعة

اختار الى بعدى انت يا كوجى

[بنت معلم الاجيال]

ميرسي ياكوجي بجد فكرة حلوة اوووووووي
وموضوع جميل جداااا

[بنت معلم الاجيال]

جميل اوي الموقف يا رامز بس انا لومكانك كنت هعمل كدة دة حمار برضوا دة انت لما بتبقي مش طايق حدبتقولة انت حمار هههههههههههههههههه

[كوجى عزت]

موقف جميل بجد واتكلمت منه حاجة أجمل

وانت لازم تدبسنى يعنى

ههههههههههه


انا وصغير كنت مشاغب جداً
وخصوصا يوم أجازتى بمدرسة الراهبات يوم الأحد

كان البيت فاضى وبقعد لوحدى كنت فى خامسة أبتدائى

بابا وماما مش موجودين ولا اخواتى كله بالشغل
انا بقى يا حلوين كنت بجيب حقنة فاضية واملاها ماية
واحطها فى بريزة الكهرباء واحط ايدى وكانت بتنترنى نترة جامدة
ههههه ربنا بجد كان بيستر ومش موت ولا مرة كنت بعمل فيها كدا
فى مرة كنت بحكى مع بابا راح زعق فيا جامد وقالى اشكر ربنا انك لسة عايش
بقوله ليه دى حلوة هههههههه قالى بابا دى تموتك

من وقتها وبطلت اللعب فى كهربا عشان مش أموت
وبقيت أكسر الحصالة كل ما اقفلها أو احوش فيها فلوس
هههههههههه



هختار بعدي
فرونكا

[فرونكا]

ههههههههههههههههههه
مواقف جميلة بس خلى بالك ياكوجى المرة الى جاية وهاتلى معك سرنجة انا بردو وروشا واحدة ماشى

قكرة جميلة كوجى

فكرتونى بايام زمان والطفولة الجميلة
انا زمان كونت هادية جدا جدا ومش العب كتير مع الاطفال بس كان معايا بنت عمى صغيرة بس شقية مووووووت وكانت دايما توسخلى الفستان بتاعى وماما تزعق فيا واعيط روحت قولت لالالا انا مش هسيبها واخلى مامتها تضربها وتزعق فيها اشمعنى انا شريرة انا صح ههههههههههههههههههههه المهم احنا ساكنين فى بيت واحد روحت قولتلها انا تعالى نلعب مع بعض شوية برة فى الشارع قدام البيت واخدتها كان فى مياة فى الشارع وقولتلها زى ما انا هعمل اعملى انتى قالتلى طيب اعدت اغنى واحط ايدى فى الارض وهى تعمل زى بس هى كانت تجيب الطين وتعمل على وشها وانا اضحك وهى صغيرة مش فاهمة واقولها حطى هنا وتجيب الطين وتحط على شعرها ووشها وحتى على لبسها وانا اضحك واول ما لبسها ووشها وشعرها كلو طين روحت سبتها وجريت على شقتنا راحت مامتها طلعت وشافتها زعقت فيها وضربتها وانا ماما عرفت انى انا الى عملت فيها كدا زعقتلى بردو وقالت ليا انزلى صالحى بنت عمك ومش تعملى كدا تانى روحت صالحتها وهى قالت لى بكرة نلعب كدا تانى واعمليلى شكل حلو فى وشى اصل هى صغيرة ومش عارفة حاجة هههههههههههههههههههههههههههه
الواحد عاش طفولة متشردة بس جميلة

الى بعدى مايكل ابن بربارة

[Ebn Barbara]

عيش يامعام
ههههههههههههههههههههههه

[Ebn Barbara]

انا كنت بعشق البندقه ام طلق
يااااااااا لما جاتلي كنت فرحان قوي وفاكر تمنها كويس
كانت ب 1.75 قرش
ههههههههههههههههههههههههه
ارشح الي بعدي سما