أنا الله القدير أو أيل شداى بالعبرى

[Mary Naeem]

١ وَلَمَّا كَانَ أَبْرَامُ ابْنَ تِسْعٍ وَتِسْعِينَ سَنَةً ظَهَرَ الرَّبُّ لأَبْرَامَ وَقَالَ لَهُ: «أَنَا اللهُ الْقَدِيرُ. سِرْ أَمَامِي وَكُنْ كَامِلاً، 1 And when Abram was ninety years old and nine, the LORD appeared to Abram, and said unto him, I am the Almighty God; walk before me, and be thou perfect.




1* نلاحظ حاجة لطيفة قوى هنا أن ربنا قبل ما يقول لأبرام حاجة ويوصيه أو يعطيه وصية أو يأمره بأمر دايما يعلن صفة عن نفسه وهو هنا بيعلن له صفة جميلة جدا عن ذاته وقال له ( أنا الله القدير أو أيل شداى بالعبرى ) يعنى هو القادر على كل شىء ,طيب يا أبراهيم أنت حاسس أن أنا مش حأقدر علشان سارة مش حاتخلف وأنت كمان وأستعجلت فى الموضوع لأ ده أنا الله القادر على كل شىء أنا أيل شداى أنا الخالق القدير وبعدين عاتبه ربنا عتاب صغير وقال له سر أمامى وكن كاملا يعنى أوعى ترجع تعملها تانى وخليك كامل فى تصرفاتك وفى علاقتك معايا ,وتعبير سر أمامى يعنى أعرف أنك ماشى أمامى وقدامى لأن أنا شايف كل تصرفاتك ووازن كل أعمالك وكل تصرفاتك و كل مشاعرك وأعرف أنت ماشى قدام مين ,وكأن الله بيدعو الأنسان لهذه النقطة وهى سر أمامى وكن كاملا وأعرف أنك ماشى قدامى وكل اللى بتعمله أنا شايفه ,وبعدين ممكن نتسائل طيب الأنسان بيمشى وراء ربنا وأللا بيمشى قدام ربنا؟ وكما يقول فى نشيد الأنشاد أجذبنى ورائك فنجرى ,وهنا مين اللى بيمشى قدام التانى ,يعنى السؤال هل الأنسان بيمشى قدام ربنا وربنا شايف كل تحركاته ,أو الأنسان بيمشى وراء ربنا وتابع ليه ؟ الحقيقة الأجابة الأثنين طيب أزاى؟ لو شفنا داود بيقول لربنا فى مزمور 139: 5 5مِنْ خَلْفٍ وَمِنْ قُدَّامٍ حَاصَرْتَنِي وَجَعَلْتَ عَلَيَّ يَدَكَ ,الرب راعى فأمشى وراه ولكن فى نفس الوقت أنا بأتتبع خطواته وأيضا عندى أحساس أنى ماشى قدامه فى كل اللى بأعمله عارف أنه شايف اللى أنا بأعمله ,فلو عندى أحساس بس أن أنا ماشى وراه حأعمل اللى انا عاوزه وماهواش شايف لأنى ماشى وراه لكن لأ أنا ماشى وراه بأتتبعه وفى نفس الوقت عندى أحساس أنه شايف كل اللى بأعمله وهذه هى عبارة سر أمامى وكن كاملا ,والسؤال التالى طيب يجيب كمال منين وهو فى حد يقدر يبقى كامل ونتذكر قول السيد المسيح فى متى 5: 48 48فَكُونُوا أَنْتُمْ كَامِلِينَ كَمَا أَنَّ أَبَاكُمُ الَّذِي فِي السَّمَاوَاتِ هُوَ كَامِلٌ.,ونقول مع بولس الرسول فى رسالته لفيليبى 3: 12 12لَيْسَ أَنِّي قَدْ نِلْتُ أَوْ صِرْتُ كَامِلاً، وَلَكِنِّي أَسْعَى لَعَلِّي أُدْرِكُ الَّذِي لأَجْلِهِ أَدْرَكَنِي أَيْضاً الْمَسِيحُ يَسُوع.يعنى الحقيقة أبراهيم مش ممكن يبقى كامل إلا أذا أتحد بالمسيح إلا أذا أتحد بربنا ,والسؤال التالى هو هل الكمال هو عدم الخطية؟دى هى الوجهه السلبية .وهل الكمال هو الكمال الأخلاقى وأن الواحد ما يعملش الخطية وكمان يتصرف تصرفات كويسة ؟ الحقيقة الكمال اللى ربنا بيقصده مش ده فهو يقصد التسليم الكلى للحياه فى أيدين ربنا وهنا ربنا عايز يقول له سلم لى حياتك كلها ما يقول فى الأمثال 23: 26 26يَا ابْنِي أَعْطِنِي قَلْبَكَ وَلْتُلاَحِظْ عَيْنَاكَ طُرُقِي.هذا هو الكمال الذى نسعى أليه أن حياتنا كلها تبقى مرتبطة بربنا وتبقى فى أيدين ربنا ,ومفيش كبيرة أو صغيرة فى حياتنا إلا وربنا موجود فيها .