|
 |
 |
 |
|
رقم المشاركة : ( 1 )
02 - 03 - 2019, 09:05 PM
|
|||||||||||
|
|||||||||||
 بين ايديك يارب بنسلم ناس كتير اصواتها مكتومة ومش قادرين ينطقوا باللى جواهم بين ايديك بنسلم لك قلوب اتملت زعل ودموع ياما نزلت فى الخفا من كتر الضيق اللى ملاهم بين ايديك بنسلم لك كل واحد اتوجع بنسلم لك اللى دارى على الامه ومن كتر حزنه غطاهم بنسلمهم لك عشان ماحدش حاسس بيهم بتعدى عليهم ليالى كتير من كتر الضيق فى صدورهم بيبقوا بيتلفتوا حواليهم بيدوروا على اى ملجأ يطبطب عليهم مابيلاقوش بيضحكوا فى وش اللى يشوفهم مش عشان فرحانين لكن عشان بس ما يتسألوش اصل السؤال بيوجع واللى بيسمع بيقف عاجز قدام الدموع اللى ما بيتحاشوش وتبقى الطبطبة مالهاش طعم اصل مهما كان اللى بيتحكى صعب عمرهم ماهيحسوه عشان ماعشوهوش وساعتها كل واحد بيرجع بيته وكلمته لنفسه الوجع التقيل ده انا ماشيلهوش ويرجع الموجوع على اضيق مكان ويقفل عليه بدل الباب ..ببان مش عشان طبعه النكد ولا علشان علطول زعلان بس عشان ماحدش حاسس بيه ولا بالوجع اللى هو حاسه وحتى لو صوت عياطه على اضعاف مين هيسمع وهو حابس نفسه انا باكلمك على ناس انا واحد منهم دانا يمكن اكون اولهم موجوع على حبايب ليا ماتوا هم عندك بس هتوحشنى ذكرياتى معاهم بس خلاص فاتوا موجوع ع القريبين اللى خذلونى حقى عندك بس زعلان على ايام عدت بينا اتمنيت بس يفهمونى موجوع على حياة رسمتها لنفسى ورغم انى كنت عامل حسابك فى كل خطوة لكن الرسمة ماكملتش بس عارف يارب مين الوحيد اللى يعرف يعدى من كل الابواب دى؟ انت عارف مين الوحيد اللى بيسمع صوت العياط اللى من جوة؟ انت عارف مين الوحيد اللى هيبقى حاسس الزعل اللى جوة؟ انت اقولك انا عايز ايه انا عايزك تيجى ولما تشوفنى باضحك تقول لى ماتضحكش عيط وطلع اللى جواك عايزك تقول لى انا اللى خالقك وعارف اللى مزعلك عايزك تقول لى ماتخافش تبين وجعك حتى لو قدام الكل ساكت ضابط الكل سامعك عايزك تمسكنى من كتافى وترجّنى وتقول لى اتكلم ماتسكتش وماتشيلش فى قلبك عايزك تاخدنى من ايدى وتكسر الببان اللى حابس نفسى فيها عايزك تطلع بيا للى كسرونى وتقول لهم انك ساندنى ومهما كانت الاوجاع هتخلينى اخطيها هاقولك حاجة اخيرة واقبلها منى زى ما ياما بتستحملنى انا كتير باقولك عكس اللى جوايا باسلم لك حياتى واعيش ايام كتير قلقان بارمى لك مشاكلى وانت الاله وارجع اخاف من تهديدات انسان ماليش غير طلب واحد انا عارف إن ارادتك ليا .. خير مهما كان مش باين من طريقتك خلينى اصدق واثق فيك بإيمان اصلى مش هاعرف اغلب الوجع غير بكلمة .. لتكن مشيئتك آمين 
|
|
03 - 03 - 2019, 11:29 AM
|
رقم المشاركة : ( 2 ) | ||||
|
† Admin Woman †
|
رد: بين ايديك يارب
اصلى مش هاعرف اغلب الوجع غير بكلمة .. لتكن مشيئتك آمين مشاركة جميلة جدا ربنا يبارك حياتك |
||||
|
|
|
04 - 03 - 2019, 10:13 PM
|
رقم المشاركة : ( 3 ) | ||||
|
..::| الإدارة العامة |::..
|
رد: بين ايديك يارب
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| احلامنا يارب بين ايديك |
| تسلم ايديك يارب |
| ايديك يارب |
| يارب حياتي بين ايديك |
| يارب بين ايديك |
العرض العادي
