صورة البابا شنودة بركة كبيرة قوى فى البيت

[بنت معلم الاجيال]

لدى طفل يبلغ عام ونصف ابنى بيحب البابا شنودة قوى قوى ازاى ايام نياحة ابينا المعظم البابا شنودة وانا مشغلة التليفزيون ليل نهار على القنوات الدينية التى كانت تذيع ايام الجناز الثلاث فابنى كل ما يرانى ابكى واكلم سيدنا من خلال التليفزيون يصعد فوق الطرابيزة الموضوع عليها التليفزيون ويقبل البابا كتير كتير لحد ما انا اشيله من اما التلفزيون ومن وقتها كل ما يشوف صورة لسيدنا يقف ويشاور عليها وهو عارفه جداً
المهم كا عندى صورة ورق لسيدنا لزقاها على الدولاب الموجود فى حجرة طفلى وكل يوم ابنى يقبل الصورة قبل النوم وفى يوم الصورة وقعت وملقتهاش وظليت ابحث عنها فى الشقة كلها دون جدوى
وفى يوم كان زوجى مسافر وقعدت اقول يا سيدنا صورتك راحت فين وفجاة ببس وراء الثلاجة لقيت الصورة فقبلتها وقلتله انا وكيرلس ابنى نايمين فى حمايتك يا سيدنا ولزقتها مكانها على الدولاب
وفجاةصحيت فى نصف الليل حسيت ان فى حد فى الشقة معايا ولكن ده طبيعى طالما انام لوحدى بدون وجود زوجى معى لكنى لاحظت ان اعين سيدنا بتتحرك فى الصورة يمين وشمال قلت لنفسى عينى مزغللة ورحت علشان افتح النور لقيت مشترك الكهرباء الموجود فى الكبس فى الجدار اعلى السرير يشع ضوءاً احمراً بشدة جريت بسرعة وخلعته من الكبس لاجده سخن جداً جداً كاد ان يسيح من شدة السخونة وفيشة الثلاجة والمروحة المتصلين به سخنة جداً والحائط حول الكبس سخنة جداً ادركت انه كانت على وشك عمل حريق كهربائى فوق السرير الذى انام عليه انا وكيرلس اشكرك يا رب واشكرك يا سيدنا انك كنت معانا فى هذه الليلة وقعدت تبصلى بالليل علشان اقوم الحق ما كان سيحدث بركة سيدنا وحبيبنا المعظم ابابا شنودة معنا جميعا امين