|
 |
 |
 |
|
رقم المشاركة : ( 1 )
29 - 08 - 2016, 03:58 PM
|
|||||||||||
|
|||||||||||
|
اتيكيت استقبال العريس  هنتكلم عن اول حاجة هنرتبلها فى اليوم الجميل دة وهى البيت اهم حاجة النضافة الاول مش هنزوق من عالوش ننفض البيت كويس اوى ونمسح ونلمع ونخليه زى المرايا الفرش هنفرش السجاد ان ماغسلتهوش يبقى لازم تلمعيه الستاير مغسولة ومكوية ولونها فاتح الورد فى اركان البيت بطريقة بسيطة ومن غير مبالغة تانى خطوة اللبس الاول بالنسبة للعروسة تكونى واثقة من نفسك ومتخليش فى بالك انهم جايين يتفرجو عليكى بلاش ميكب كتير عشان مينفعش يشوفوكى راسمة وشك زى العروسة اعصابك هادية ولبسك العادى اللى يليق عليكى وينور وشك ويكون الوان فاتحة ونبعد عن السواريه واللبس الضيق وكذللك ماما وبابا اللبس عادى محترم وشيك وبسيط ومش مبالغ فيه تالت حاجه الاستقبال انا بفضل ان والد العروسة طبعا هو اللى يستقبل ضيوفه مش العروسة هى اللى تفتح الباب وتكون فى انتظارهم العروسة تكون معززة ويدخلوا ويعدو شوية والعروسة تطلع رابع حاجه العصائر والمؤكلات نبتدى طبعا بتقديم عصير الفريش فى كاسات شيك وعلى صنية حلوه والعروسة تقدم الصنية بشياكة وهدوء وبعد العصير نقدم فاكهة نوعين او 3 فى طبق شيك ولو السهرة طولت ممكن نقدم الشاى او القهوة وطبعا هنسال الضيوف اللى يحب يشرب ايه وممكن معاه حلويات شرقية او جاتوهات طبعا دى قعدة تعارف يعنى مفيش داعى للتكلف والمظاهر واننا نقول عندنا كذا وكذا او بنتنا جالها عرسان قد كدة ورفضناهم البساطة هى اللى هتقرب بين الاسرتين ومش لازم بقى انت عندك ايه ومرتبك كام والقطن على مين والكلام دة لا نحسسهم اننا بنشترى راجل وكفايا اننا اتشرفنا بمعرفتهم وبعد كدة الرجالة يحددوا مع بعض لكن لو حصل تألف بين الاسرتين بسرعه ممكن والدة العريس واخته والعروسة ومامتها واخواتها يقعدوا مع بعض ويسيبوا الرجالة مع بعض عشان يتفقوا يارب كل البنات تفرح وتتهنى وتجهز لليوم دة قريب ان شاء الله وتبقوا احلى عرايس 
|
|
| قد تكون مهتم بالمواضيع التالية ايضاً |
| الموضوع |
| اتيكيت مقابلة العريس لأول مره |
| إليك اتيكيت استقبال الضيوف |
| اتيكيت عند استقبال زوجك |
| اتيكيت استقبال الاشخاص المعاقين |
| اتيكيت استقبال الضيوف |
العرض الشجري