معجزات الانبا كاراس السائح مجمعة

[بنت معلم الاجيال]

ظهورات الابنا كاراس
علي لسان ابونا كاراس فراح
في لية من ليالي الاحد التي لااستطيع النوم فيها كثيرا لقيامي بصلاة القداس الاول وفي وقت قبل قيامي بحوالي نصف ساعة رأيت بجانبي ألانبا كاراس لم اعرفه لاني عرفت سيرته ولكن لم اري صورة له وقال أنا ألانبا كاراس فرحت جدأ وتأملته في بساطته وفي بشاشته ووقاره وقمت مستريح النفس والروح لاشكر الرب علي عطاياه
وبعد حوالي أسبوع ذهب برحلة الكنيسة الي دير القديس العظيم الانبا صموئيل وتعرفت علي أبائي الهبان ووجت بينهم راهب يدعي أبونا كاراس .وقال لي للك عندي مفاجأة صورة القدجيس العظيم الانبا كاراس السائح.
وأخذتها بفرح شديد وتأملتها هي نفس ملامح ووجهه الانبا كاراس التي رايته في رؤيا في صباح الاحد .
بركة الانبا كاراس السائح معكم ومعي يامحبي المسيح .لان شفعاتة مقبوله أمام سيدنا وملكنا كلنا يسوع المسيح
المصدر كتاب سيرة وعجزات
القديس العظيم
الانبا كاراس السائح
لابونا كاراس فراح كاهن كنيسة السيدة العذراء والملاك ميخائيل بأحمد عصمت عين شمس

[بنت معلم الاجيال]

الانبا كاراس عمل معى معجزه انجب ابنى كاراس بعد اربع سنوات
من العذاب والالم
تزوجت 6/5/2001 ومرت اربع سنوات لم يحدث حمل سوي مرتين
وكان لايستمر اكثر من اربعين يوم كانت حالة زوجتى النفسية سيئة
جدا خصوصا ان كل من تزوج معنا في نفس الفترة انجبوا وكلهم اصدقائنا المهم تحولت حياتنا الى جحيم مع ان ربنا كل شهر يبعتلنا تعزية ككلمة من راهب او صورة لقديس وكان كل شهر نتشفع بقديس ولكن لاجدوي وكانت حماتى دائمة الصلاة لاجلنا وكانت تتشفع بام النور دائما حتى انه رات صورتهاتبتسم وكأنا تقول حاضر وهذا قبل الحمل بشهرين
ثم جاءت معجزه الانبا كاراس حيث يوجد لدينا كاهن يحب الانبا كاراس جدا وعمل معه معجزة ودائما يذكره في المجمع فسألني ايه الاخبار قلتله لسه قال اتشفع بالانبا كاراس و هايحصل قلتله اي حاجة ياابونا وكان معاه صوره صغيرة له ادهاني اخذت الصورة ودخلت الشقة ومش فى دماغى فشميت ريحة بخور جامدة فقلت لمراتى انت مولعة بخور قالت لا فتذكرت الانبا كاراس انه دخل شقتنا وفى نفس الشهر جاء كاراس
وسنه الان سنتان

[بنت معلم الاجيال]

معجزة الانبا كاراس السائح محتاجة فلوس والانبا كاراس هيفرجها تانى يوم

Mary Naguib at 10: 49am April 1
الانبا كاراس عمل معى معجزات تانى يوم ناديتة بجد كنت مختاجة فلوس و صليت بالليل عشان يفرجها من عندة بعد ما قرات معجزة لة و حسيت بارتياح شديد و كل شوية اقول لماما ما تقلقيش الانبا كاراس هيفرجها تانى يوم اتصلت بيا المديرة و قالت انى ربحت الموظف المثالى و لى جائزة مالية و المجد للة , اتصلت بماما و قولتلها مش انا قلتلك ما تقلقيش و لسة انا متاكدة انة هيكمل عملة معايا , بركة شفاعتة و صلاتة تكون معانا جميعا

[بنت معلم الاجيال]

معجزة للانبا كاراس يشفي طفل عنده 6 سنوات من تأخر لغوي و فيرس A

date Wed, Mar 11, 2009 at 3: 59 AM
من ن : أ - الهرم - جيزة
أبنى يبلغ من العمر 6 سنوات وفى كى جى 2 وكان يعانى من تأخر لغوى وايضا لم يستطع الكتابة بالقلم اطلاقًاً لوحدة وكنت قد سمعت عن الانبا كاراس السائح وشاهدت الفيلم الخاص بة والبركات التى منحها له رب المجد يسوع فقمنا ان ووالده بزيارة كنيستة الموجودة بمنطقة الفقاعى بمركز ببا - محافظة بنى سويف واخذنا بركة هذ القديس العظيم وطلبنا شفاعتة فى شفاء ابننا من هذا لان ذلك كان يتسبب لنا فى مشاكل كثيرة فى مدرسته ،وايضا كان يسبب له مشاكل نفسية ، وبعد زيارتنا لهذا القديس العظيم ببضعة ايام بدأت الدراسة ، وحدثت مشادة كلامية بينى وبين احدى المدرسات وقالت بالحرف الواحد ( انا مش همسك أيده ومش هكتبة ولازم يكتب وحده ذى باقى زملائه ) وبعد كدة انا طلبت شفاعة القديس العظيم الانبا كارس والذى استجاب على الفور ولاحظنا ذلك بوضوح على ابننا فقد تحسن فى نطق اغلبية الاحرف وتحسن فى كلامة وايضا فى كتابة بالقلم ، وايضا كل طلب نطلب فيه شفاعة القيديس العظيم يستجاب لنا ، بركة هذا القديس العظيم تكون معنا امين

[بنت معلم الاجيال]

Thu, Mar 12, 2009 at 1: 20 AM
من/ ن . أ - الهرم – جيزة

بعد ان ارسلت مافعلة الانبا كاراس السائح مع ابنى البالغ من العمر 6سنوات ( التحسن السريع فى الكتابة والنطق بعد زيارتنا لكنيستة ببا ) ، وكان فى اثناء كتابتى هذةالمعجزة كان يعانى من قىء شديد واسهال وضعف عام والام شديدة بالبطن وذلك دون اى اسباب معروفة ولم تفلح معه اى مسكنات او ادوية ، وكنا قد ذهبنا الى طبيبة الخاص الذى طلب منا تحاليل لشكة فى اصابتة بمرض ( التهاب الكبدى الوبائى A ) وقد كانت معظم اعراض ذلك المرض واضحة عليه ،
فطلبنا شفاعة ذلك القديس العظيمالانبا كارس والبابا كيرلس ،وفى اليوم التالى قمنا بعمل التحاليل المطلوبة .. وجاءت المفاجاة ان نتيجة التحاليل سلبية وخالية من اى شىء ،وذلك بشفاعة القديس العظيم الانبا كاراس والبابا كيرلس السادس شفاعتهم تكون معنا امين .
اشفع فينا يانبا كاراس أمام عرش رب المجد يسوع المسيح

[بنت معلم الاجيال]

الانبا كاراس هو بطلي

أنا ماريان و مشتركة في جروب الانبا كاراس علي الفيس بوك و قريت مسدج عن معجزة "نحن ننسي و الانبا كاراس لا ينسي" معجزة جميلة أوي و شجعتني أني أقول معجزتي مع الانبا كاريس العظيم . أنا عرفت الانبا كاراس في ثانوي تقريبا من 7 سنين كنت في أولي ثانوي و صحبتي اديتني كتاب عن حياته و قريت الكتاب مرة واحدة و مش قريته تاني و في تانيه ثانوي الامتحانات كانت صعبة أوي و جيبت مجموع و حش ( % 77 ) مش كنت هقدر ادخل الكلية اللي كنت عيزاها فصليت بأسم الانبا كاراس ان الوزير يتغير علشان اعرف ادخل الكلية و فعلا بعدها حصل تغير في الوزارة و اتغير الوزير حسين كامل بهاء الدين بعد ما كان وزير للتربية و التعليم لفترة طويلة و مش كان متوقع أنه يتغير و الوزير الجديد علشان كانت أول سنة له كانت الامتحانات كويسه كفاية علشان نقدر نعوض سنة تانية و أنا جيبت ( % 94 ) ببركة شفاعة الانبا كاراس و كان مجموعي النهائي يناسب كلية تجارة انجليزي اللي أنا كنت عيزاها بس مش كنت هقبل في عين شمس فقدمت في حلوان وكانت السنة دي بتقبل أي مجموع بشرط تكون الثانوية من مدرسة لغات و رحت أقدم و كنت سيبه الموضوع في يد ربنا أولا و الانبا كاراس ثانيا و هناك عرفت ان الكلية أن الكلية صعبة و أن في أول سنة بيصفوا اكتر من نص الدفعة فشكرت ربنا أني عرفت و مش كملت هناك و بعد كده عرفت عن جامعة بنها بالصدفة بعد ما كنت هيأس و أقدم في كلية تانية و فجأة ربنا وضع الاختيار ده قدامي و رحت قدمت فيها و كانت الكلية قفلة قبلي بنص درجة و كنت في قائمة الانتظار و صليت كتير أوي للانبا كاراس علشان لو مش قبلت كنت هقدم في طنطا و كانت هتبقي صعبة عليا في السفر بس بمساعدة ربنا و بشفاعة الانبا كاراس الدفعة مش كملت 400 فنقصوا المجموع درجة كاملة و أنا كنت من أول الناس اللي اتقبلت و من سنة أولي و في اصعب المواد اسيبها علي الانبا كاراس و كان دائما بيقف معايا فيها و اجيب تقدير حتي و صلت سنة 4 و اليوم اللي قريت فيه معجزة "نحن ننسي و الانبا كاراس لا ينسي" كان أخر يوم في الامتحانات و كنت سيبه شفاعة المادة علي الانبا كاراس و كان الامتحان صعب بس أنا حسيت أني هادئة و بحل حتي لو كانت المسائل مش بتكمل للاخر بس كنت واثقة في ربنا و شفاعة الانبا كاراس ليا و لما رجعت لقيت تعزية ربنا في الرسالة اللي فيها المعجزة و حسيت أنه بيطمني أنه مش هينساني و أن المادة في أيد يسوع بشفاعة الانبا كاراس . بركة صلاته و شفاعته تكون معنا

[بنت معلم الاجيال]

معجزة + نحن ننسي والانبا كاراس لاينسي +
نحن ننسى والأنبا كاراس لا ينسى

انا اكتب المعجزة في هذا اليوم الذى حدثت فيه المعجزة 24/1/2009
مع بداية امتحاناتي الترم الاول بكالوريوس تجارة عين شمس منذ اسبوعين كان احدى المواد صعب جدا عليا ومادة يصعب عليا مذاكرتها وكانت اخر مادة في الامتحانات فكتبت اسم الانبا كاراس علي ورق الشرح لهذه الماده وقلت دى مادتك يا انبا كاراس وبدأت الامتحانات في المواد الاخرى وجاء دور هذه المادة الاخيرة فنسيت انى خصصتها للانبا كاراس وكعادتى قبل كل امتحان اكتب مجموعه من اسماء القديسين في ورق صغير واختار منهم شفيع الماده وكنت معتاد ان اسحب ورقه واجد فيها اسم البابا كيرلس ولكن في هذه الماده اجد اسم الانبا كاراس فانزعجت جدا وخفت وقلت لماذا تركتنى يابابا كيرلس ولكن كنت قد نسيت جدا انى وهبتها للانبا كاراس واثناء مذاكرتى في ورق المراجهة النهائية وجدت تمرين صعب فهمه من غير ورق الشرح فرجعت الى ورق الشرح لأفهم هذا التمرين وعندما اخرجت ورق الشرح وجدت أسم الانبا كاراس على ورق الشرح فتذكرت انى كتبته في اول الامتحانات ففرحت جدا وعرفت سبب سحب الورقة التى بها اسم الانبا كاراس وعرفت ان البابا كيرلس لم يتركنى ولكنى انا الذى دعيت الأنبا كاراس لهذه الماده . فليتمجد اسم الرب وبركة صلوات الانبا كاراس والبابا كيرلس ومارمينا تكون معانا جميعا امين .

[بنت معلم الاجيال]

بسم الاب والابن والروح القدس اله واحد امين

انا عاوزة اقولكم عن معجزة حصلت لواحدة اعرفها للقديس انبا كاراس
هى عندما كانت فى الفرقه الرابعه بكليه الصيدله وكانت فى الامتحان النهائى لها
فعند دخولها لمادة ما تاخرت عن ميعاد اللجنه بنصف الوقت وكان استحاله دخولها الامتحان اكيد
ولكنها فضلت تطلب القديسين انها تدخل وفعلا دخلت باعجوبه الامتحان ولكن للوقت الضيق الذى تبقى امامها ولا تعرف ماذا
كتبت لان الامتحان كان 80 نقطه اختيارات و 20 نقطه صح وخطا و5 short notes والوقت ضيق فخرجت من الامتحان ولا تعرف ماذا فعلت وكانت مضطربه

وعند اقتراب النتيجه شعرت بقلق شديد من النتيجه فطلبت من القديبس الانبا كاراس ان يطمئنها عن النتيجه ووعدت الانبا كاراس ان تكتب له المعجزة وعند ظهور النتيجه فوجئت بحصولها على تقدير جيد جدا مرتفع ولكنها وقت ظهور النتيجه نسيت من فعل معها المعجزة هل هو انبا كاراس ام هو الانبا تكلا هيمانوت ام ........ وطلبت ان القديس يذكرها بنفسه

ومرت الايام ولم تكتب المعجزة

ولما وصلت للفرقه الخامسه وكانت عندها مادة صعبه جداااااااااا وعند اقتراب الامتحان قد نسيت كل ما ذاكرته و فضلت تطلب شفاعه القديسين البابا كيرليس والمارجرجس وابونا عبد المسيح والعذراء مريم ليقفوا بجانبها وعند اقتراب النتيجه فضلت تطلب منهم بلجاجه ان يطمئنوها وعند ذهابها للكنيسه وقعت عيناها على صورة كبيرة لللانبا كاراس وعندما دخلت المنزل وقعت عينها للمرة التانيه على كتاب صغير للانبا كاراس وفى المساء وجدت كتاب البابا كيرلس فبتفتحه عشوائى فوجدت صورة للانبا كاراس للمرة التالته فشعرت انه يطمئنها ويذكرها بانه هو الذى فعل معها المعجزة عندما كانت فى الفرقه الرابعه
فاطمئنت وفى نفس اليوم مساءا اتصل بها زميل لها ليخبرها على النتيجه

فقال لها انها نجحت فى هذه المادة بتقدير جيد مرتفع فكانت فرحانه جدااااااااا وشكرت ربنا الذى فعل المعجزة بشفاعه القديس العظيم الانبا كاراس بركه صلاواته تكون معانا كلنا اجمعين

[بنت معلم الاجيال]

انا اسمي وداد وجوزي اسمه لوقا معانا بنت اسمها مريم وفوجئنا ان فيه حمل بدون ترتيب وكنت اخدت ادويه كتيره جدا بسبب دور التهاب رئوي وانا معرفش ان فيه حمل وكل الدكاتره قالت ادويه خطيره هتعمل تشوهات جامده للجنين وكانت فيه ناس تقول اننا نتخلص احسن من الحمل ده - كانت فتره صعبه جدا جدا وكنا نصلي بالدموع ان ربنا مايسمحش بالتجربه الصعبه دي - واتشفعنا بالانبا كاراس قبل ما نعرف نوع الجنين وقلنا لو جه ولد هنسميه كاراس وجلنا كاراس زي القمر مافيهوش اي حاجه وحشه وهو عمره دلوقتي 6 شهور وكل اللي يشوفه يمجد ربنا ويتشفع بالانبا كاراس
بركة صلواته تكون معنا
امين

[بنت معلم الاجيال]

الانبا كاراس شفيع طلبة الهندسة





انا طالب فى كلية الهندسة الفرقة الاعدادية و قبل امتحان الميكانيكا أدلعت و مزكرتش و لا فتحت كتاب و اتصلت بيا أختى و قلتلى فى قديس أسمو الانبا كاراس اتشفع بى و نا أول مرة أسمع الاسم روحت على الكمبيوتر و نزلت الفلم بتاعوا و قلت هتفرج علية بعد ما أرجع من الامتحان و بردوا مزكرتش و قاعت ادلع المهم
يوم الامتحان :
الامتحان بيبدء 10 يخلص 2 أول ما استلمت الورقة بصيت فى الاسئلة و لا سؤال عارف احلو لحد ما وصلت المرحلة ونا فى الامتحان أنى مش بقرء المسءلة و أشوف عيزة أية لا كنت وصلت لدرجة أنى مش بقرء المسأل من كتر الكسل مشيت من الامتحان ونا حالل أقل من 20%
و غلط مكنتش حالل حاجة صح و كل ألى كتبتوا فى كراسة الاجابة 4 صفح مع العلم أن الامتحان 12 مسألة حليت 2 غالبا استاتيكا و وحدة ديناميكا و كان عليهم أقل الدرجات و كنت حللهم غلط انا خرجت من الاجنة 12 و زميلى بيبصولى على أساس أنى مقفل طبعا انا مش حالل اساسا
كنت أول واحد يخرج من الكلية كلها روحت البيت و اتفرجت على فلم الانبا كاراس و أتشفعت بية
كنت بصلى و اقول خلينى أشيل الميكانيكا بس ما تشيلنيش حاجة تانية لانى كنت واثق تمام الثقة أنى شيلها
لان الدكترة مش هيدوا درجات من الهوة لأنى انا حتى مؤلفتش فى المسأل سيبهلهم فاضية
حتى مكتبتش رقم السؤال لانى بتجهلة
و النتيجة طلعت و جبت جيد جدا فى الميكانيكا
انا مستهلش ده كلة لأنى مزكرتش ولا حتى جربت فى الامتحان اشغل مخى انا كنت بيعها
بس انا قبل النتيجة بكام يوم روحت الكنيسة و حطط فلوس فى العطا وكانوا قليلين جدا فكه كدا كنو معايا
و قلت بأسم الانبا كاراس فى سرى
القديس ده عظيم أوى ونا أتعلمت كتييييييييييييييير أوى ان مهما تكون فى الخطية و مهما تكون وحش ربنا بيوقف جنبك المهم انك تتعلم
شفعت القديس العظيم تكون معنا
أمين