حدث لقاء اعلامي لقداسة البابا تواضروس مع طفل يسأله عن رأيه في الطوائف المسيحية الارثوذكسية والكاثوليكية والانجيلية .. أجابه البابا تواضروس متي حدث هذا الخلاف وكيف .. ثم أجابه :"لكن بص يا دانيال كلنا مسيحيين وكلنا عندنا مسيح واحد و كلنا عندنا كتاب مقدس واحد وكلنا بنتطلع لملكوت السموات "
و كمل البابا و قال للطفل كنيستي زي الأم هي بيتي زي ما بتقول الترنيمة ، مينفعش أسيبها حتي لو فيه أمهات كتير كويسين لكن عندي أم واحدة مينفعش أسيبها .. أنا بحب الكل لكن عندي كنيستي اللي عايش فيها .
البابا تواضروس بخبرة عظيمة يعرف جيداً مسئولية ان يحدث طفل ويغرس بداخله بذرة حسنة وهي الحب والقبول والاتساع وليس التعصب والتطرف .. لم يقل له
" دول كذا وكذا وكذا و إحنا احسن منهم " لكن علمه الحب و القبول و عدم التجريح في نفس الوقت قال له حب كنيستك وبلاش تسيبها مهما كان .
شكراً لكل من هو في موضع قيادة و ريادة للاطفال ويزرع بداخلهم بذار المحبة والقبول والاتساع وليس بذار التعصب والكبرياء والتمييز .
10 - 05 - 2024, 07:11 AM
العرض الشجري