طلاب يدشنون هاشتاج «ثانوية زفت» للسخرية من الامتحانات

[Mary Naeem]

طلاب يدشنون هاشتاج «ثانوية زفت» للسخرية من الامتحانات




نقلا عن فيتو


تصدَّر هاشتاج "ثانوية زفت"، المركز الثاني على موقع التواصل الاجتماعي "تويتر"، في ترتيب أعلى 10 هاشتاجات متابعة، بالتزامن مع انطلاق امتحانات الثانوية العامة بالنظامين القديم والحديث، وعبر من خلاله مئات الطلاب عن قلقهم، ومخاوفهم، التي ظهرت أغلبها في قالب من السخرية والدعابة كعادة المصريين للتغلب على كل ما هو صعب، ومكروه.

وسخرت "ريهام" قائلة: "متسمعش لحد بيقولك ذاكر، الناس دي جاري البحث عنهم وهيولعوا كلهم إن شاء الله، قوم ذاكر يمكن اللي تبص فيه تخش تلاقيه بكرة"، وعلقت مرة أخرى قائلة: "في أي وقت تحس إنك مضايق أو مخنوق افتكر إن في ناس عندها أول امتحان ثانوية عامة بكرة، مودك هيتغير تمامًا".

بينما قال "مصطفى": "خلينا مُتفقين إن أحسن ناس في ثانوية_زفت هما اللي لسه معندهمش فكرة عن المنهج واحتمال يبدأوا يذاكروا النهاردة"، أما "سلمي" فألفت بيت شعر ساخر يناسب حالتها النفسية قائلة: "ولأقعدن على الطريق وأشتكي.. ولألطمن حتى السنادي تنتهي".

قلق وخوف
وعبرت "ميرنا" عن ضيقها باقتراب الامتحانات قائلة: "أنا بقيت في أقصى حالات الاكتئاب اللى ممكن حد يوصلها.. يارب الطف بينا مكانتش سنة تعليمية دي"، وتصف "سلمي" شدة قلقها قائلة: "الواحد بيحس أنه مذاكر العربي ده جدًا بس أول ما يبدأ يحل بيكتشف حاجة تانية خالص".

"مش عارفه أذاكر وفي نفس الوقت حاسة بتأنيب الضمير"، هكذا تحدثت "نورهان" عن عدم قدرتها على المذاكرة، جراء الضغط النفسي الذي تتعرض له بسبب اقتراب الامتحانات.

وتساءلت "آية" عن سبب توقف مستقبل الطالب على نتيجة الثانوية العامة قائلة: "فيها_إيه_لو مفيش ثانوية_زفت بتحدد مستقبلك؟"، بينما قالت نورهان: "هو أنا مش قادره أتخيل إن السنة خلصت".

أحلي أيام العمر
"الثانوية حلوة.. اسمعوا مني _حلوة_ بكرة تخش الكلية وتقول ولا يوم من أيام الثانوي"، هكذا علق "محمد"؛ للتخفيف عن طلاب الثانوية العامة، كما دعا "محمود" للطلاب قائلاً: "ربنا معاكم يا شباب".

أما "عليا" فقد شاركت طلاب الثانوية العامة معاناتها في الجامعة؛ للتخفيف عنهم قائلة بسخرية: "اوعى تكون فاكر إنك هتخلص ثانوي وترتاح.. لسه هتطلع كلية والدكاترة هتعمل معاك السليمة"، وصدقت "رنا" على تعليقها قائلة: "طب والله دي آخر سنة في الدلع والراحة مش هتفهموا إلا بعد كده".

بينما قدمت "أروى" عددًا من النصائح للطلاب تحثهم على الاجتهاد والاستعانة بالله، قائلة: "أقسم بالله ربنا ما هيضيعكم بصدق وعن تجربة السنة اللي فاتت خلي عندك يقين وثقة في الله وفي نفسك وأي حاجة هتحصلك خليك واثق إنها الخير".