|
 |
 |
 |
|
رقم المشاركة : ( 1 )
22 - 04 - 2020, 12:51 PM
|
|||||||||||
|
|||||||||||
 يا رب، معلش العيد دا هيكون مختلف، خليها عليك المرة دي. بسبب الظروف، ما عنديش أدوات تجميل فهاجيلك بتقاطيع وشي الوحشة "المرفوضة". هاجيلك ومعايا عيالي من غير لبس العيد الجديد، والحقيقة تيشرتاتهم القديمة بتاع العيد اللي فات، لونها دبلان ومقطوعين شوية من تحت الباط كدا... والجزمة حالتها كرب، بس الشراب رغم انه مخروم من عند الصوابع كدا مغسول وريحته حلوه. أقولك الأصعب.. يمكن ما نعرفش نعمل لك أكل العيد اللايق بيك، فمافيش حمام ولا بط ولا لحمة؛ ما أنت عارف القرشين اللي دخلوا الكم يوم اللي فاتوا يدوب يسترونا لحد ما تفرج، والكورونا تحل عن سمانا... فيه حاجة كدا على جنب يا رب، مفيش كنايس مفتوحة فهنعيّد في البيت وخلاص! ما تأخذنيش يا رب، في الأعياد اللي فاتت كنا بنروح نقابل نفسنا بوشوشنا المستعارة وطبقات ورق التين الكتيرة أوي، اشي لبس وأكل وخروجات وفسح و... ممكن العيد دا، تعدي أنت علينا، وأهي فرصة نشوفك من غير شوشرة ووجع دماغ وفزلكة الكلام ، وفرصة تشوفنا وتشيل الغشاوة التقيلة من على قلوبنا البليدة فنشوف صاحب العيد، ونشوف أخواتنا... هنستناك يا صاحب العيد، ما تأخرش علينا! العيد صاحب_العيد 
|
 |
|
| قد تكون مهتم بالمواضيع التالية ايضاً |
| الموضوع |
| متنساش صاحب العيد |
| تذكروا أن صاحب العيد هو المسيح |
| التي تفرّح قلب صاحب العيد |
| رسالة من صاحب العيد |
| يسوع صاحب العيد، |
العرض العادي
