حوار مع الرب يسوع

[emy gogo]

حوار مع الرب يسوع بعنوان "ليه يارب"

"ليه يارب" "ليه يارب" "ليه بيحصلي كده" "اشمعني انا".....عبارات قلتها كتير.. وانتظرت اكتر ولكن للاسف لا اجابة... لقيت ربنا بيقوللي اجوبيك بتاع ايه واجاوبيك ليه؟ ..هو فيه علاقة شخصية بيني وبينك علشان اجاوبيك؟! اللي بيني وبينك عامل زي الشارع الone way... شارع اتجاه واحد.. من تحت لفوق بس.. شارع مابتمشيش فيه غير عربيات ماركة "طلبات" وماركة "تظلمات"، وكل فين وفين لما تمر فيه فيه عربية ماركة "تشكرات" لانيك لما بتقعدي قدامي(دهلو قعدتي اصلا) بتقولي الكلمتين اللي عندك وبتجري .. مابتستنياش علشان تسمعيني عايز اقولك اي او عايز منك ايه... سكت ..هاقول له ايه؟ ماهي دي الحقيقة.. انا علي طول مشغولة ورايا 100حاجة.. ومابفتكرش ربنا الا لمل تحصللي مصيبة !.. وقتها باصرخ واقول له: "الحقني" و"ليه يارب" الي اخر قائمة الشكوى والاعتراض... مع ان علي العكس ، لما بيديني عطية، ما ما بقولش"ليه يارب" .. ويا افتكرت اشكره يا مفتكرتش..!! في وقت مازادت علي الضغوط جدا .. وحصللي زي ما بيقول الكتاب <هكذا قال الرب اضيق عليهم لكي يشعروا>ارميا18:10 وشعرت فعلا اني لازم اعيد حساباتي مع نفسي ... دلوقتي امامي طريقين وقائدين مالهمش ثالث: (1)طريق ابليس. (2)طريق الله. بالنسبة لطريق ابليس:
كلنا عارفين ان ما فيش اسهل من ان الوح يعمل خطية!! . . . ده حتي الرسول بولس قال: "حينما اريد ان افعل الحسني، اجد الشر حاضر عندي"رومية21:7 تخيل لما بولس نفسه يقول كده!!! يعني انا مش لوحدي في الخيبة دي. . . طب والقائد في الطريق ده . . . اسمه ايه؟ اسمهبعنوان "ليه يارب"1) الشيطان: يعني المقاوم... مقاوم لكل عمل روحي بيعمله الله في وسط شعبه... (2)ابليس: يعني المشتكي .. ينصب لك الفخ .. ولما تقع فيه.؟. يروح يشتكي عليك عند الله! (3)الكذاب وابو الكذاب: يعنيما يقولكش حاجة صح ابدا... ده غير اسماء تانية كتير ... ضمنها: الشرير القتال المجربب ، عدو الخير ، رئيس سلطان الهواؤ رئيس سلطان الهواء، رئيس سلطان هذا العالم . . . مش بس كده ده من بجاحته تبقي ماشي وراه . . وعلي قد ما يقدر يذلك ويبهدلك. . . !!! طب ده بالنسبة للي هاشوفه في حياتي اذا مشيت في طريق ابليس : ذل وبهدلة ونكد . . طب وبعد الموت؟... "ان كان احد لا يثبت في (في المسيح) يطرح خارجا كالغصن ، فيجف ويجمعونه ويطرحونه في النار، فيحترق" يوحنا6:15 بعد الموت بعيد عنك هاكون في مكان فيه حريقة ليل ونهار .. ومافيهوش مصلحة مطافي تطفي لان مافيهوش مصلحة مياه اصلا يعني مش هلاقي مياه ابل بيها ريقي . . . وما فيهوش مصلحة كهرباء يعني حتي مش هاقدر اشوف اللي بيتشوى جنبي...!!!
بالنسبة لطريق الله:
الكتاب بيقول "ما اضيق الباب واكرب الطريق الذي يؤدي الي الحياة ، وقليلون هم الذين يجدونه"متي14:7 يعني الشخص اللي ها يمشي فيالطريق ده لازم يكون سوبر مان علشان يقدر يقول للخطية : لو اتنططي قدامي مش هاعمل برضه!! طب اروح فين انا ولا اعمل ايه ؟!؟... ده انا باقول للضعف: قوم وان اقعد مكانك... يعني حتي يارب لو انا اختلات طريقك... مش هاعرف امشي فيه... لقيته بيقوللي :لا الموضوع مش متوقف عليكي انتي ضعيفة ولا قوية ، لان: " الخطية خاطئة جدا" رومية13:7 "طرحت كثيرين جرحي وكل قتلاها اقوياء"امثال26:7 مش بس كده ده التقرير الالهي صدر بأن:
"الجميع اخطاوا واعوازهم مجد الله"رومية23:3
"ليس من يعمل صلاحا، ليس ولا واحد"مزمور 3:53
افتح كتابك المقدس واقرا يوحنا 5:15
"انا الكرمة وانتم الاغصلن الذي يثبت في وانا فيه هذا ياتي بثمر كثير لانكم بدوني لاتقدرون ان تفعلوا شيا"واخدة بالك في كلمة "بدوني" بعد النون فيه ايه؟
الياء دي بتعود علي المسيح ىيعني بدون المسيح انتي ولا هتصدي ولا هتردي لكن لما هتبطلي تمشي بدماغك وتسلميني حياتك هتقدري تقولي مع بولس الرسول
" استطيع كل شيئ في المسيح الذي يقويني" فيلبي 13:4
"اقمع جسدي واستعبده"كورنثوس الاولي27:9
لان وقت ما هتسلمي حياتك للمسيح هو اللي ها يخليكي تمشي جسديك بالطريقة اللي تليق بواحدة من بنات الله لكي "لا يستحي بهم الله ان يدعي اللههم" عبرانيين 16:11، مش جسديك اللي هايجرجريك من رقبتك ويقل قيمتك في طريق الخطية وهاشبعيك وافرحيك.. وهاتقدري تقولي "دوسي يانفسي بعز"قضاة 21:5 علي كل المغريات..."يمكن ظروفيك ما تتغيرش لكن انتي اللي هاتتغيري واللي كان بيسعديك وقتيا زمان اصبحتي تنفري منه الان... وهتلاقي روحيك ان انتي مابقتيش انتي بقيتي واحدة تاني واح جديدان كان احد في المسيح فهو خليقة جديدة الاشياء العتيقة فدمضت هوذا الكل قد مضت هوذا الكل قد صار جديدا"كورنثوس التانية17:5
"مع المسيح صلبت فاحيا لا انا بل المسيح يحيا في غلاطية20:2
طب والقائد في الطريق ده... اسمه ايه؟
الاسم الاول " المحب"
لما اراد الله ان يخبر الناس عن طبيعته اختار كلمة الله محبة
"ليس لاحد حب اعظم من هذا ان يضع احد نفسه لاجل احبائه" يوحنا 13:15


"هكذا احب الله العالم حتي بذل ابنه الوحيد لكي لايهللك كل من يؤمن به بل تكون له الحياةالابدية" يوحنا16:3


معلش يارب انا عايزة اقولك ان انت اكيد بتحب بس اللي بيحبوك اللي عا يشين لك اللي مش بيقولوا لك زيي.
كان نفسي اصلي واقرا في كتابك لكن اعمل ايه مافيش وقت . . . رد علي وقاللي: "احبهم فضلا لان غضبي قد ارتد عنهم" هوشع4:14 . . .فاهمة يعني ايه فضلا يعني بلا سبب فيهم؛ يعني وانتي مافيش فيكي حاجة عدلة تتحب...بحبك وانتي مدياني ظهريك ومشغولة عني بحبك ومستنيكي
بكيت...
لما سمعت صوته قلت له ياربي
ليه بتنادي علي وان مش طايق ذنبي
قاللي دمي يطهر من كل الشرور
انا بحب الخاطي واخرجه للنور

الاسم الثاني:"الامين"

"الله امين الذي لا يدعكم تجربون فوق ما تستطيعون بل سيجع مع التجربة ايضا المنفذ لتستطيعوا ان تحتملوا" كورنثوس الاولي 13:10 . . . سمعت صوت الرب بيقوللي :
امانتي تحتم علي اني ما ادخلكيش في تجربة فوق احتمالك لاني عارف حجميك كويس ويوم ما هاقفل لكي باب،هافتح لكي ابواب...
قلت له :يارب كلامك ده علي عيني وعلي راسي من فوق لكن الواقع بيقول ان في وقت التجربة انا باطحن طحن! . . . رد الرب علي وقاللي:
انتي بتطحني لانك في وقت التجربة بتعملي 3غلطات في منتهي الخطورة وبتزودي النار علي نفسك بنفسك . . . اول غلطة :انك بتسمحي لابليس انه يتناقش معاكي في مشكلتك ، وبتاخدي وبتدي معاه...
اوعي تسيب لعدوك ثغرو...يلعب بالفكر المحتار
كل مناه يحفر لك حفرة...ويولع قلبك بالنار
ليه دايما بتخاف من بكرة... سلم ليسوع الافكار
تاني غلطة: انك شايلة مشكلتك علي ظهريك وماشية بيها كان نسخة الكتاب المقدس اللي معاكي نسيوا يطبعوا فيها الوعود دي:
"سلمنا فصرنا نحمل"اعمال الرسل15:27
"تعالواالي ياجميع المتعبين والثقيلي الاحمال وانا اريحكم"متي28:11
"ملقين كل همكم علي لان هو يعتني بكم" بطرس الاولي 7:5
ثالث غلطة: انيك زي بقية الناس فاكرة ان "ربنا عرفوه بالعقل" لا الطريق الوحيد اللي تقدري تعرفيني فيه هو:"الايمان" . . . "بدون ايمان لا يمكن ارضاوه لانه يجب ان الذي ياتي الي الله يومن بانه موجود وانه يجازي الذين يطلبونه"عبرانيين6:11

عارفة هو ايه الايمان؟..

"اماالايمان فهو الثقة بما يرجي والايقان بامور لاتري"عبرانيين1:11
يعني ما ينفعش انك تقولليلي"لما اشوف حل مشكلتي يارب هاصدق انك اله قدير لازم الاول تكوني "متاكدة بالايمان" ان حل مشكلتيك عندي وقتها ها خليكي "تشوفي بالعيان"
"لما جاء الي البيت تقدم اليه الاعميان فقال لهما يسوع <اتةمنان اني اقدر ان افعل هذا؟.>
قالا له:نعم يا سيد فحينئذ لمس اعينهما قائلا <بحسب ايمانكما ليكن لكما>. فانفتحت اعينهما"متي 9 :29،28 . . .
اسمع صوت الرب يقول...مش راح تفهمي حالا قصدي
بعد مرور الوقت تنولي...علم وفهم وكل ماعندي
ع الازرع هاتكوني محمولة...ان امنتي تشاهدي مجدي
حاضر يارب انا فهمت وقت التجربة لازم اعمل ايه وما اعملش ايه .. بس من فضلك، لغاية ما يجي الوقت اللي هاترفع فيه عني التجربة، انا باطلب منك انك تملا قلبي سلام وفرح
مش سلام mad in taiwan"صنع في تايوان" زي اللي بيكتبوا عنه في الجرايد!.. لا انا عايزة سلام made by jesus"صنع بيد يسوع" . . . "سلامي اعطيكم ليس كما يعطي العالم اعطيكم انا" يوحنا27:14 ...اصل ده سلام فاق العقول!
وفي اسماء كتير لبابا يسوع زي:
1ـالفادي...2ـالمخلص...3ـالشفيع...4ـالمحامي...5ـالر اعي...
6ـ"الاب". . .:فيه ناس لما يتعصبوا بيقولوا؛انتي مش عارفة انا ابن مين ... رد علي الرب وقاللي :الي بيقول" انا ابن فلان اللي ماله كتير ،او ابن علان اللي مركزه كبير" لكن صدقيني ده شخص هايعيش يتيم ويموت تيم
صرخت وقلت له:"بك يرحم التيم"هوشع 3:14
ارحمني واقبلني "ابنة ليك"...
ليك باقدم عمري باهدي اليك ايامي
وحدك مالك امري وانت سر سلامي
انا عزي بيك وفخري ومالي سواك
وعليي ايامي ياربي مايسود الاك
ما يملك قلبي أمامك غير السجود
طبطب عليا "ليه كل المجد" وقاللي: "اما كل الذين قبلوه فاعطاهم سلطانا ان يصيروا اولاد الله" يوحنا12:1 . . . من النهارده انا هامشي رافعة راسي واقول بفخر انا "بنت الملك"...
علي فكرة اللي هايتكلم معايا بعد كده هاقول له:انت مش عارف انا "بنت مين" ... لا ،ده مش كبرياء.. لان دي الحاجة الوحيدة اللي ينفع ان الواحد يفتخر بيها...
الرسول بولس بيقول كده: "حاشاليان افتخر الابصليب ربنا يسوع المسيح"غلاطية14:6
بفضل دم يسوع الغالي اللي سال علي الصلب ، انا اصبحت" بنت الله"

غالي يارب عليا..غالي عملك فيا
حبك مالي كياني..كنزي وكل ماليا

وازاي مافتخرش؟!.. اذا كان ملك الملوك بنفسه قاللي:"هوذا علي كفي نقشتك"اشعياء16:49
"دعوتك باسمك. انت الي"اشعياء1:43
اختي ـ اخي صفات الرب اللي انا ذكرتها ليستعلي سبيل الحصر طبعا...ده انا من ساعة ما ابتديت حياة جديدة مع الرب وانا في كل يوم جديد باتعلم عنه حاجة احلي من اليوم الي قبله..
هاقول ايه اسيب ايه؟!؟.. لاورقة ولا كراسة ولا مجلد هايكفي... العلاقة الشخصية مع الرب دي مش كلمة بتتوصف ..دي حياة بتتعاش ...مش هاقول عنها غير حاجة وحدة بس لا.. انه في نهاية كل يوم قلب ينطق ويقول يا ابانا لست ادري كيف كان عمري يجري دون ان ادرك انك انت ابي...
يخسارة الايام ..اللي مرت من غيرك
يارتني عرفتك زمان..وشبعت من خيرك
يااختي ... يا اخي :.. من ناحية ان اسمك مكتوب..فاسمك مكتوب !..لكن السؤال المهم:


"ياتري اسمك مكتوب فين؟؟.."
مكتوب في سفر الحياة ولا...؟ . . . لوقلت لي بثقة: شكرا للرب، انا اسمي مكتوب في سفر الحياة.
ـ هاقولك: مبروك عليك.. هاقابلك فوق . . . لو قلت لي: انا مش عارف اسمي مكتوب فين!..
ـ هاقولك :
ارجع وارمي عالم فاني .. مش هاتفكر ترجع تاني
ليه قلبك من الهم يعاني..عمرك ضايع وانت الجاني
الموضوع مش محتاج اكتر من جملة واحدة:" يارب انا باسلمك حياتي"
جملة تقولها الن بصدق وتعيشها كل يوم بامانة . . . لو قلت لي: طب بكرة هاعمل كده ...
هاقولك: مافيش مشكلة ..براحتك حالص.. لو انت ضامن ان يصبح عليك صبح خليها بكرة الصبح
لوقلت لي: طب والماضي بتاعي المهيب،اعمل فيه ايه؟؟ وقتها، مش انا اللي هارد عليك ، لكنك
هاتسمع صوت حبيبي بيقولك : "اكون صفوحا عن اثامهم ولا اذكر خطا يا هم وتعديتهم في ما بعد "عبرانيين12:8

انا جيت علشانك انت.. وانا شغلي الشاغل انت
مشتاق لرجوعك وانت..في عنادك زى ماانت
ده مكانك فيا تعالي..والعيشة بدوني محالة
بس اوعى تقسي قلبك ..لتضيع الفرصة منك

برجوك ياربي والهي وحبيبي يسوع ان كل واحد فينا يعيش معاك انت وبس
امين

[sama smsma]

برجوك ياربي والهي وحبيبي يسوع ان كل واحد فينا يعيش معاك انت وبس
امين

[emy gogo]

ميرسى يا سمسمة على مشاركتك الجميلة

[Ƒ̐ὰ̗đƴ]

جميييييييييل جدا ربنا يباركك

[emy gogo]

ميرسى يا فادى على مرورك المميز