10 - 10 - 2017, 06:06 PM
|
|
|
|
† Admin Woman †
|
|
|
|
|
|
( فين حقوق المسيحيين )
يا باسم دى بلد العجايب
العدل فيها دايما غايب
وصال الحق مات و انقطع
و حبل القانون دايما سايب
ميزان الحق كفوفه مايلة
عمايله تملى غريبة و هايلة
امتى بقى ينظبط الميزان
ولا هو ماشى بالمحايلة
يا ميزان العدل ساوى كفوفك
كلمة الحق متعرفش كسوفك
بكرة هتقابل رب اسمه الكريم
هتقوله ايه لما بكرة يشوفك
لا حد حالل ولا حد رابط
حتى الدستور شكله هابط
فين حقوق المسيحيين
الضرب على راسهم خابط
يا أهل الميزان خلوه محايد
لا يبقى ناقص ولا حتى زايد
رجعوا الحق لأصحابه
خلوا الحق دايما سايد
هو فين اللى اسمه قانون
من برئ مرمى فى السجون
صعبان عليا منك كتير
يا بلدى يا ام الكون
هو باسم قتل قتيل
ولا عمل المستحيل
ولا حول ضى النهار
لعتمة و كحلة و ليل
باسم متهم بإزدراء أديان
مع أنه ماسبش حسان
حرام عليكم ظلم باسم
ولا هو جنان فى جنان
الميزان ليه مش مظبوط
ولا هو افترى و جباروت
ولا احنا خلاص فى غابة
مليانة اضطهاد و طاغوت
بقولها قدام الجميع
حق باسم مش هيضيع
فى رب لوحده قادر
يحول الشتا ربيع
كلمات : محمد فتحى
|
