26 - 08 - 2024, 11:09 PM
|
|
|
|
..::| الإدارة العامة |::..
|
|
|
|
|
|
الساعات الأخيرة ⏱
تعالوا نتأمل الصليب بنظرة مختلفة،
تفتكروا كان إيه إحساس يسوع فى الساعات الأخيرة قبل الصلب؟
بأتخيل يسوع في الوقت ده كان في أفكار مرعبة كتير بتدور في ذهنه
لدرجة إنه صلى للآب أن يعبر عنه هذه الكأس!! الكتاب بيقول:
"لأنه جعل الذى لم يعرف خطية، خطية لأجلنا، لنصير نحن بر الله فيه" (2كو 21:5)
من ضمن الأفكار دي هي إن هو شخصياً هيحمل خطية البشر عليه.
تخيلوا الحاجة اللى أصلاً خلقت فجوة بين الله والأنسان،
أكتر حاجة بيكرها، هو هيشيلها عليها!
ومش بس كده، يسوع كان عارف إنه لازم كمان هيختبر غضب الآب،
الآب اللى يسوع ميعرفش منه إلا المحبة الأبدية،
دلوقتى هيواجه غضبه اللى هو مايستحقهوش عشان دى الطريقة الوحيدة لهزيمة الخطية.
وعلى قد كره المسيح للخطية ونتيجتها اللي هي الموت
. لكن عشان يهزم الموت، كان لازم هو يموت الأول. تخيلوا واهب الحياة يموت!!
حب غير محدود.... والحب اللي حركه ده ولِّد فرح إنه في النهاية إبليس هيهزم.
"ناظرين إلى رئيس الإيمان ومكمله يسوع، الذى من أجل السرور الموضوع أمامه،
احتمل الصليب مستهيناً بالخزى، فجلس في يمين عرش الله" (عب2:12)
|
