صعب اوى واحساس مؤلم...فى زمان الحياة(سابقا حاضرا و لاحقا) متجدد

[nasser]

صعب اوى واحساس مؤلم أن تكون فى مكان جميل والناس اللى فى المكان مش فاهمينك
صعب اوى واحساس مؤلم انك تكون فى مكان بتحبه..مكان جميل به ناس لكن تحس انك مش منهم ولا عمرك هاتبقى منهم علشان تصرفاتهم معاك حسستك انك غريب وسطيهم
صعب اوى واحساس مؤلم أن تظهر الأحزاب والتكتلات فى مكان كان مثالا للمحبة

[Mary Naeem]

توبك جميل

ربنا يباركك

[كاتى]

صعب اوى واحساس مؤلم انك تكون فى مكان بتحبه..مكان جميل به ناس لكن تحس انك مش منهم ولا عمرك هاتبقى منهم علشان تصرفاتهم معاك حسستك انك غريب وسطيهم

فعلا عندك حق انا عايشه كده دلوقتى

ميرسى كتير لموضوعك الرااااااااااااائع
ربنا يبارك حياتك مستر ناصر

[nasser]

مارى
كاتى
شكرا على المشاركة الغالية

[nasser]

...انك تلاقى المستشار فاروق الباز عالم الفضاء المصرى الكبير اللى عايش فى أمريكا واللى مسئول عن تدريب رواد الفضاء..يكون فى اجازة فى مصر وواقف على محطة الأتوبيس لبساطته ومحدش عارفه
...انك تشوف فى عصر الظلام السابق بعض المتشردين والبلطجية يصعدوا الى تمثال الدكتور طه حسين وينسفوا راسه من على التمثال
...انك تلاقى الدكتور جمال حمدان عالم الجغرافيا الكبير وصاحب كتاب(شخصية مصر) تلاقيه فى أيامه الأخيرة منعزل عن الناس فى منزله بسبب وقوف الفاشلين ضده وسرقة أبحاثه

[كاتى]

...انك تلاقى المستشار فاروق الباز عالم الفضاء المصرى الكبير اللى عايش فى أمريكا واللى مسئول عن تدريب رواد الفضاء..يكون فى اجازة فى مصر وواقف على محطة الأتوبيس لبساطته ومحدش عارفه

ده اكيد راجل موش متكبر
رغم انه حاجه كبيره بس انسان بسيط
جميل جدا مستر ناصر
ربنا يبارك خدمنك

[virgen mary]

شكرا ربنا يبارك خدمتك

[nasser]

كاتى
فيرجين
شكرا على المشاركة الغالية

[nasser]

...انك تلاقى كلمات جميلة ولا أروع بتتقالك ولكن يا خسارة مش فى ميعادها..الكلمات بتكون متأخرة(وقتها فات يعنى) ويا سلام لو الكلمات الحلوة دى اتقالت فى ميعادها كان هتبقى اد ايه تأثيرها فى النفوس والوجدان
...انك تلاقى قرارات عظيمة جدا ولكن يا خسارة مش فى الميعاد المناسب ولكن لو القرارات دى فى وقتها هيكون تأثيرها عظيما فى مصائر الشعوب وسيخلدها التاريخ...ان قرار سليم بنسبة 70 فى المائة ويصدر فى الوقت المناسب أحسن مائة مرة من قرار سليم 100 فى المائة ولكن ليس وقته
...انك تلاقى وبالذات واحنا داخلين على ذكراه فى 30 مارس...انك تلاقى عبد الحليم حافظ أسطورة الغناء الذى أسعد الملايين فى مصر والعالم العربى بأغانيه الجميلة التى كانت محطة فى قلب كل شاب وفتاة..تلاقى عبد الحليم ملهوش تمثال فى أكبر ميدان أو متحف يخلد ذكراه أو تحويل منزله أمام حديقة الأسماك بالزمالك الى متحف المنزل الذى شهد بروفات أغانيه الخالدة...